JEREMIA 21:10 - OTSAO BAIBEL (BSI)

¹⁰ Kue ija tingnu danle müntox ikoxle amüt angkya ku mongzangwünle tsuakdaoa. Ija a Babilon nok wanghompa chak to koxdaoüi, ilaxle chixe haxbu ang achangle zokle ashun toxüi. Ija kax Jowanpa, kue akaxdaoa.”

JEREMIA 21:10 ပူးပေါင်းရင်းမြစ်များ

JEREMIA 44:11

“Jangchangba, ku, Jowanpa, Israel nok Khüthak Zang hünzom zongto zanpa ang changüi ilaxle Judah pangwüi amütüi.

AMOS 9:4

Hwom a zannokbue zanda ang koplaxle paole thomkoxchu, kue ibu ang hwom mik amüt angkya kaxtom koxüi. Kue hwom to asun angkya chichangle hwom amüt angkya mongzangwünle tsuakdaoa.”

JEREMIA 44:27

Ija bama hünzom ahak-aluale chichang angkya ikoxle thama ma maxle max angkya to kue huüi. Ochax-ozan ma chichangba okak-olak ma, hünzom opupuchu ota chitoxle, pangwüi zi angkya changle.

EZEKEL 15:7

Kue hwom to sikangünüi. Hwom wün tuita chak tokya azangle tsuakdaoa, ikoxle athax wüne hwom zokle ashun angkya changle. Chemtue kue hwom to sikangünüihex, ku a Jowanpa changpule hünzome awan ang kopüi.

JEREMIA 52:13

Chixe Zangshwom-Hom, wanghom homlo, ilaxle Jerusalem angkya okho-olo hwom hom-hax pangwüi zokle ashun;

JEREMIA 39:8

Ile changpongma, Babilon noke wanghom homlo hia khünaknu hom-haxbu zokle ashun ilaxle Jerusalem katuk thuple atsun.

JEREMIA 38:18

Ikoxle nange chak ajongle chichang, ija tingnu a Babilon nok chak to koxüi, hwome ija zokle ashunüi, ilaxle nang a hwom chak tokya azangle pao ang münkoppu.”

JEREMIA 38:3

Kue hwom ang Jowanpae akaxkya kax ile chuwüi akax: “Ija tingnu a kue Babilon nok süpahibu chak to kox angkya changle, ilaxle hwome ija hwople kopüi.”

JEREMIA 34:2

Jowanpa, Israel nok Zang-e Judah angkya Zedekiah hato nguilaxle ija kax akax angkya ku füi akaxle thüi: “Ku, Jowanpae ija tingnu a Babilon nok wanghompa chak to koxüi, ilaxle chixe ija zokle ashunüi.

2 PUKAX-PANGAO 36:19

Chongwang homlobu hia tuinabu pangwüi füi afomle chixe Zangshwom-Hom hia tingnu zokle ashun ilaxle tingnu long katukbu atsunle ama.

JEREMIA 38:23

Kue chizakle akax: “Nang shekobu hia naosombu pangwüi Babilon nok to kople paoüi, ilaxle nang jaochu hwom chak tokya azangle pao ang münkop. Nang a zanda tuita ningle Babilon nok wanghompa-e koplaxle paoüi, ilaxle ija tingnu a haxbu ang achangle zokle ashun toxüi.”

MÜNCHUAK-TSAI 34:16

Ikoxlechu ochax mwot mokkyabu chixe abaxle, ikhoma chemtue hwom zipuix, hwom a lebama wüi alakle asamle.

LIWI 26:17

Kue hünzom chito tok ahoüi, ile hünzom to lüt ang tomüi, ilaxle opange hünzom thua anule tüipuix hwome hünzom thakma apünüi; hünzom a huanuma abütüi, ikhoma owaechu chijwon khato hünzom fütle paoüi.

LIWI 17:10

Israel khünak wüi changlax chichangba mixnok wüi changlax, onok füi ngokya khünak tuitae, aji füi afomle müi saxle jangchangdao, Jowanpa-e chix chito tok ahoüi ilaxle chemtuechu ija khünak a chix khünak changpule chieüi.

ZEKARIA 1:6

Ku dapa aje hwom makhange kue hünzom pupa hwom ang kaxtom hia kaxkhünbu koxle hüipu, ikoxlechu hwome ibu kax to chiapa ikhoma hwome ija olüix apongle sikngün kop angkya lai. Ifüimatix, Jowanpa, kue chemle texlaxpuix ija ningle hwom to sikngün ang tomkya changa, le tsing laxle mongchat.’”

JEREMIA 34:22

Kue hwom ang kaxkoxle changüi ilaxle hwom a ija tingnu hato chatüi. Hwome ija to singüi, ija hwople kopüi, ilaxle ija zokle ashunüi. Kue Judah angkya tingnubu a owachu chingokya sak-hax ang achangüi. Ku, Jowanpae ija akaxdaoa.”

JEREMIA 26:6

Hünzome chizakle kax ma chilax lüwüi jangngo, kue chemle Shiloh to hwondaopuix ijaningle ija Zangshwom-Hom to chuwüi moküi, ilaxle zangfang angkya onok pangnusae ija tingnu mün a othuak-ozom lom to lünüi.”

JEREMIA 17:27

Ikoxlechu hwome ku kax ma lax angkya wüi ilaxle Sabath a tuita otsao-nyix le atsaole nui angkya wüi. Ija nyix hwome Jerusalem zünkai makhange chemlichu hün laxle chileüi, chemthüikoxle hwome ile jangmok thüiningle Jerusalem zünkaibu ma kue wün langüi. Jerusalem angkya chongwang homlobu wün to zokle shun ang tomüi, ilaxle ija wün owaechu amüt ang münthoüi.”

JEREMIA 33:5

Züizüie Babilon nok füi azanüi, ilaxle hwome ku mongtsik hia mongma füi hongle anguak angkya khünak mangbu füi hom-haxbu awang ang tomüi. Ija ma tüikya khünaknue mokkya ochax mwotbu khoma kue ija tingnu hato tok ahole paopu.

JEREMIA 39:16

Etheopia nok Ebedmelek hama Jowanpa, Israel nok Khüthak Zang-e kax apuale kox angle thüi: “Chemle chemle moküile akax daolaxpuix, kue ija tingnu hato okop-olwot münchang ikoxle thomshix thama apüi angkya changle. Ibu chemtue changle ngaiüihex, ibu ngün ang nang a ikhato ngole asuüi.

EZEKEL 24:11

Athax wi tik ohua a wündix dingma dankox ilaxle ija khile kham ang tomkox. Ima tüikya tikmakbu zokle ashunkya füima ija tik a tamchatle otsao ang achangüi.

AMOS 2:5

Ikhoma kue Judah hato wün ajoüi ilaxle Jerusalem angkya zanhunuibu zokle ashunüi.”

JEREMIA 38:17

Ifüima kue Jowanpa, Israel nok Khüthak Zang-e akaxkya kax Zedekiah hama wünle thüi: “Nange Babilon nok pünlix-wangchongbu chak to ma tsün danle jangchang, nang khangkho münamüt, ilaxle ija tingnu a zokle ashun ang müntom. Nang tamchu nang homkha pangwüi azünüi.