JEREMIA 21:1 - OTSAO BAIBEL (BSI)

¹ Malkiah sasün Pashhur hia Maseiah sasün nguapa Zefaniah hokhi ija tsaiju-kaxjukya füi Judah nok wanghompa Zedekiah-e ku hato akat:

JEREMIA 21:1 ပူးပေါင်းရင်းမြစ်များ

JEREMIA 37:3

Kwom chaxwan hanpakma Jowanpa to jop-tole chang angkya wanghompa Zedekiah-e Shelemiah sasün Jehukal hia Maseiah sasün nguapa Zefaniah hokhi ku hato ahüi.

JEREMIA 52:24

Ija to bole, süpahi lompa Nebuzaradan-e Nguakho Seraiah, chix fang angkya nguapa Zefaniah, ilaxle mama Zangshwom-Hom ma alixachong hwom mixsün azom, le kople pao.

JEREMIA 38:1

Mattan sasün Shefatiah, Pashhur sasün Gedaliah, Shelemiah sasün Jehukal, Malkiah sasün Pashhur hwome kue khünaknu hama Jowanpae akaxkya kax ija wünle ngokya atat,

JEREMIA 37:1

Jehoiakin sasün Jehoiakim man ma Babilon nok wanghompa Nebukadnezar-e Judah ma wanghom ang Josiah sasün Zedekiah zing.

NEHEMIA 11:12

Pangnu athüt koxle, ija saxthom angkya 822 khünake Zangshwom-Hom ma thothale mok. Adaiah, chix a Jeroham sasün ilaxle Pelaliah susün. Chix putong hwom khama Amzi, Zekariah, Pashhur, hia Malkijah hwom bibi tüikya.

1 PUKAX-PANGAO 3:15

Josiah ang sasün ali tüikya: Johanan, Jehoiakim, Zedekiah, ilaxle Joahaz.

2 PUKAX-PANGAO 36:17

Ikhoma Jowanpae hwom zan to Babilon nok wanghompa akat. Wanghompa-e Judah nok naosünbu Zangshwom-Hom ma jaojao lang. Chixe owatochu chingcha ahokya chitüile, mixmüi hia naosom, sheko hia lüka, kakmix hia bwotmix owa chu shanle chitox. Zang-e hwom pangwüi chix chak to dan.

JEREMIA 29:29

Zefaniah-e ija laiza ku hato ele aho,

JEREMIA 37:7

Zedekiah füi akax angkya ile akax: “Ijip nok süpahibu a nang to fong ang nguile ngole, ikoxle ija a hom to chat angkya changle.

JEREMIA 37:17

Ofüima wanghompa Zedekiah-e ku apüi ang apao, ilaxle wanghom homlo ma chixe huxsa ma ku ma atüi: “Jowanpa tokhange kaxho tütali tüichami?” Kue lan: “Tüile! Nang a Babilon nok wanghompa chak to kox angkya changle.”

JEREMIA 38:14

Mama tue wanghompa Zedekiah-e ku Zangshwom-Hom zünkai azom lükya to sele apüi, ilaxle chixe thüi: “Kue nang ma kax tuita atüiüi, ilaxle nange otsingtsing pangwüi ngaile fakoxle müiüile texpu.”

2 WANGHOMBU 22:13

“Ija laipex ma zale tüikya bama, ku tamchu Judah khünaknu hanpakma Jowanpa füi tsaitik-kaxshole anohu. Ija laipex ma chem mok angkya hex-ole zale tüipuix, ija chimokkya khoma Jowanpa a kem füi mongtsikle ngoüna.”

JEREMIA 35:4

ilaxle hwom Zangshwom-Hom to apüi. Kue hwom a Igdaliah sasün ajepa Hanan wangshem hwom nui to apüi. Ija nui a, Shallum sasün Maseiah sasün, Zangshwom-Hom ma alixachong tuita nui hia mama alixachong nuibu zui ma tüikya.