JEREMIA 20:8 - OTSAO BAIBEL (BSI)

⁸ Chemtue kue zangwünle changpuix, ku sop ilaxle akhong: “Changnong-pünthom! Thama-thomshix!” Jowanpa, othuithuima ku ajao-ada ilaxle aza-ana, kue nang kaxho khuapukya khokho ma.

JEREMIA 20:8 ပူးပေါင်းရင်းမြစ်များ

JEREMIA 6:10

Kue lan: “Kue hwom füi zangwünle ija kaxkhün koxkoxle ku kax to owae apaüi? Hwom mong huanuma khüile ilaxle nang kaxhobu to mün-apapu le angamle; nange ku füi chempang zangwün wünle fa angkya kaxle koxpuix, hwome ibu cha nyile.

2 PUKAX-PANGAO 36:16

Oshuk-shuk ma chix khünaknu füi tsikkya Jowanpa mongtsik thoto hwom azangle pao ang chithole machang tanto hwome Zang kaxhomixbu chanyi wanjai, chix kax ajao ilaxle ajebu adale chang.

1 PITAR 4:14

Khrista man tokya khoma hünzom to adix-adale chang pongma hünzom mohiman; chemthüikoxle fuazangkya tamchu Zang chasa hünzom ma tüile.

IBRI 13:13

Idaile, chix thünzak tom-han ang kem homtho to laihax.

IBRI 11:26

Ijip nok tuina pangnu füi Khrista bama thajao wünhai wüi achongkya tuina changpu le chixe tex, chemthüikoxle chixe füichi ma kop angkya hingho chix mikza ma thom.

KAXHO MÜIKYA LUK 11:45

Üntoxle Wanlom nwotmix mixsün tuitae chix ang thüi: “Nwotmix, nange ija kax akaxkya e kwom angchu zak akople.”

JEREMIA 28:8

Ku hanpak hia nang hanpak hüiüi thoto wüi ajebue jat-libu hia tsak-zongle tüikya wangtingbu hato hüi angkya ochax-ozan, woknuak-tilan hia okak-olakbu bama ajele thom.

JEREMIA 20:7

Jowanpa, nange ku dyendaoa, ilaxle ku a dyendaoa. Nang aku füi sütsak-süzongpu ilaxle nange ku towüi lütdaoa. Noknusae ku chanyi-wanjai; nyixtungtale hwome ku chanyi.

JEREMIA 17:27

Ikoxlechu hwome ku kax ma lax angkya wüi ilaxle Sabath a tuita otsao-nyix le atsaole nui angkya wüi. Ija nyix hwome Jerusalem zünkai makhange chemlichu hün laxle chileüi, chemthüikoxle hwome ile jangmok thüiningle Jerusalem zünkaibu ma kue wün langüi. Jerusalem angkya chongwang homlobu wün to zokle shun ang tomüi, ilaxle ija wün owaechu amüt ang münthoüi.”

JEREMIA 7:9

Hünzome ahuxle, mix langle, chinunchakkaile, tsaosaxle kaxthai zang wünle, Bal ang töbu koxle, ilaxle amipongma hünzome chitikkya baozangbu to hünzome shwomle.

JEREMIA 5:6

Ikhoma faokha tokya mailang tuitae hwom langüi, faokha tokya shwonbue hwom ashikle akhixüi, ilaxle fuachaxbu hwom tinglong afünle leüi. Khünak ibu kotok to laile jangchang, hwom a ashikle akhixüi chemthüikoxle hwom ochaxbu a huanu changle ilaxle onoxnox to hwome Zang hato tok ahole.

JEREMIA 5:1

Jerusalem angkya khünaknu, hünzom tingjang lomnubu fole ziklax! Akhople hulax! Ma hanpakpak to hulax! Thalex-juatai nuibu lomlax! Sukya mwot mokle tüikya mix tamchu Zang to mongong shingmongle ngo ang azongkya mix khünak tuita ngaxchu hünzome atat ang cha? Hünzome atakle jangtsuak, Jowanpae Jerusalem thaikya alaküi.

JEREMIA 15:10

Ku a chemtukux mongmüi chitüikya khünak tuita hex! Anue ku chemkhoma ija chaxwannu to ngui ang tompuix? Haxtok angkya khünak pangwüi füi ku ahe-atsi ilaxle kax ma ala. Kue ngun-syen owa angchu chikox chichangba owa angkya kue chilax; ikoxlechu noknusae ku to thuakzom.

JEREMIA 15:15

Ifüima kue akax: “Jowanpa, nange awanpu. Ku texle ataklax ilaxle ku to fonglax. Ku zothuple changdaokyabu to kue olüix khomle chang ang tomhüi. Hwome ku lang ang tho angkya kuxmale nange hwom shanle taxchang. Kue zakkopkya a nang mün khoma kopkya changpule texle atak-hüi.

HABAKUK 1:3

Nange ku ang iningkya sikngün büthüikoxle ngün ang tompu? Nange iningle achaxle mokkya to hu ang chemle ajongtho angkya? Thama hia changnong-pünthom ku akhople tüile, ilaxle pangnu khato achax-azankya hia ahe-atsikya tüingole.

2 WANGHOMBU 2:23

Imakhange Elisha a Bethel to dong. Chix dongle lomba to tüipongma naosombu chix füi apong ang ngui üntoxle chix chanyi-wanjaile chang. Hwome chix ang thüi: “Nang khangkhopa, donglax! Nang khangkhopa, donglax!”

ISAIA 57:4

Hünzome owa chanyile wanjai? Khualop mixbu hünzome owa mong amüi?