JEREMIA 20:4 - OTSAO BAIBEL (BSI)

⁴ Jowanpa chixjao-e ku ang akaxdaoa, ‘Nang a, nang hanpakma ilaxle zuikhuibu hanpakma tuita tuwuk ang achangüi, ilaxle nange hwom pangwüi zan nok changlobu chak fang ma lamkya ngünüi. Judah angkya khünaknu kue Babilon wanghom chak to kox angkya changpu; chixe züizüi a chix chaxwan to zanda ang koplaxle paoüi ilaxle mamabu a langle toxüi.

JEREMIA 20:4 ပူးပေါင်းရင်းမြစ်များ

JEREMIA 29:21

“Chix mün ma othai kaxho fale ngokya Ahap sasün Kolaiah hia Maseiah sasün Zedekiah nyi bama Jowanpa, Israel nok Khüthak Zang-e akaxdaoa. Ibu a chixe wanghompa Nebukadnezar tsak-zong chak to koxüi ilaxle wanghompa-e hünzom mikngün ma hwom langle chang angkya kax chixe akaxle.

JEREMIA 25:9

‘Kue noknusa hanpakma shuakux chitokya khünakbu ahüiüi ilaxle ku da hanpak ang Babilon nok wanghompa Nebukadnezar ahüiüi. Kue hwom a Judah hia ima tüile ngokya khünaknu tamchu tomzi nok pangnusa füi azan ang apüiüi. Kue ija jat-li hia tomzi nokbu pangwüi amütüi ilaxle othuithui hanpak ang olithule amatoxüi, ija a mikngün ma tuita khomtsikya hia abüt angkya oli changüi. Ija kax, Jowanpa kue akaxdaoa.

JEREMIA 52:27

Riblah tingnu ma tüile asukya. Ikhato wanghompa-e hwom to fit-müile chang ilaxle langle awüt. Ile Judah angkya khünaknu a hwom haxtok angkya zanda ang koplaxle pao.

JEREMIA 19:15

ilaxle Khüthak Jowanpa, Israel nok Zang-e akaxkya kax ngaile thüi: “Ija tingnu hia tomzi tinglongbu pangwüi hato, kue ahüiüile tsaokya sikngün pangwüi kue apüiüi, chemthüikoxle hünzom mong khüidaoa ilaxle hünzome ku zangwün to nathaüi münchang.”

JEREMIA 6:25

Kwom a tingtui-panja hia lomnu ma aham ang mong münchong tsuak, chemthüikoxle akhyep-adi laxle kwom zanpabu tha-nyemle tüile ilaxle thomshix-thamae kwom akhoplaxle tüile.”

MÜNCHUAK-TSAI 73:19

Hwom a chaktung-chaktung ma amüt; hwom a khomtsile max angkya hato ahüi.

2 WANGHOMBU 25:7

Zedekiah-e hule ngopongma, sasün hwom mik amüt; ifüima Nebukadnezar-e Zedekiah mik lom, chix to janbüi füi khale thom, ilaxle chix a Babilon nok to pao.

1 SAMUEL 2:33

ikoxlechu kue hünzom homkha angkya osix-olibu khama tuita panle tüile, ilaxle chixe ku nguapa mwot mokle ku thothale changüi. Ikoxlechu chixmikduak tuita ang changüi ilaxle monghom angkya chemchu chitüile maxüi, ilaxle nang sixli mamabu a tata füi changnong-pünthomle alün-aloxkya ma mik maxle changüi.

JEREMIA 13:10

Ochax khünak ibue ku kax ma münlaxpule angamle. Hwom a amikya to kaile mongkhüile, ilaxle mama baozangbu to shwom ilaxle ibu thothale changle. Ikhoma ibu a, laxli chitüile nyilo ibu kyetle makya ningle maüi.

JEREMIA 13:19

Shuathong angkya Judah tingnubu a hwople kopüi khakha ma tüile; hwom kai laxle owachu le ang müntho. Judah angkya khünaknu pangwüi a zanda ang koplaxle paodaoa.”

JEREMIA 20:6

Ikoxle nang hanpakma, Pushhur, nang üntoxle nang homkha khünak pangwüi kopüi ilaxle Babilon nok to paoüi. Nang ikhato ziüi ilaxle ikhato akhünüi, nang kaxthai zangwün füi dyenlale thomkya nang zuikhuibu chu pangwüi nang füi womle tüiüi.’”

JEREMIA 46:5

“Ikoxle kue chem ngünpu?”, le Jowanpae atüi. “Hwome khong to fütle chatle. Hwom süpahibu a anongle afüt achatle; müimamale zakyae, otsuaktsuak ma hwom zikle pao ilaxle ojao aküile chihu.

JEREMIA 52:24

Ija to bole, süpahi lompa Nebuzaradan-e Nguakho Seraiah, chix fang angkya nguapa Zefaniah, ilaxle mama Zangshwom-Hom ma alixachong hwom mixsün azom, le kople pao.