JEREMIA 20:18 - OTSAO BAIBEL (BSI)

¹⁸ Ku a omalax ang pux ngo? thangshix tuita hia mongtsik apong zaza ang, ku tsün a zakkop ma ashuk ang hia?

JEREMIA 20:18 ပူးပေါင်းရင်းမြစ်များ

JOB LAIPEX 3:20

Hwom, sammixbu ningle ngo ang büthüikoxle tomsi? Künmax-mongshankyabu to zangngaie, omalax ang nyansi?

MANGSOP 3:1

Ku a Zang-e chem sikngün fa angkya hex ija awankya mix changpu.

JOB LAIPEX 14:1

Kem pangwüi chem tsak-zong chitüile puxpu. Pangnusa hato wüi sikngün oli tuitata wüi nguipu.

MÜNCHUAK-TSAI 69:19

Ku to chemtukuxle adix-ada puix, ija nange tsingle ngopu, ku ang mong chemtukux amapuix tamchu chemtukuxle ajao-ahaipuix; nange ku zanpabu pangwüi ngünle ngopu.

IBRI 13:13

Idaile, chix thünzak tom-han ang kem homtho to laihax.

IBRI 12:2

Owang tokhange oshuk kople kem mongong thomkya Jisu angkya kem mik taxachex hax. Pünsak sikngün khoma hexle chix ang mong chiatho! Itülüi, chix hanpak ang tanle ngokya mongmüi khoma, pünsak ma zikya thünzak tuita changpu le chixe chithüt, üntoxle athax chix a Zang ngwotnui tsaxchi ma thungle tüile.

IBRI 11:36

Züizüie adix-adale hwon üntoxle zu füi fit, üntoxle mamabu a janbüi füi khak laxle kun ma sho ang pao.

IBRI 10:36

Zang mongtex mwot mok ang tamchu chixe tsaokyabu kop angkya hanpakma hünzome adu angkya changle.

2 TIMOTHI 1:12

Ikoxle sikngün ibu athax kue apongle ngokya a ija khoma changle. Ikoxlechu athax kople ku mong chiaole wüi tüile, chemthüikoxle kue ongkya mix kue awanpu, üntoxle chixe ku ang panle thomkya nyix kople ku sünle thom angkya chixe thoüile ku monge texle.

WANGSHEMBU MWOT 5:41

Wangshembue nguawangbu tusox danle tox üntoxle Jisu hanpak ang hwomchu mixchak kople sikngün angkya asukya ang e-ma laxkoxle hwom ang tüle mongmüi.

JUHAN 16:20

Otsingtsingma kue hünzom ang thüipu; hünzom sopüi ilaxle mong maxüi, ikoxlechu chaxwannu a mongmüiüi; hünzom ang mongmaüi ikoxlechu hünzom mongma a mongmüi ang achangüi.

MANGSOP 1:12

“Ku to hulax!”, le-zyenüi khünakbu pangwüi füi akaxle she akhong: “Ku to kakkya ningle owa tochu makak tox, Chix mongtsik pongma Jowanpae ku hato ahüikya okak a.

JEREMIA 8:18

ku mongma kak müifang münchang; Ku a khaxtua ma kakle.

ISAIA 51:7

“Ku kax to apalax, hünzom otsingtsing awankyabue, owae ku hwon-nwot ma mongtsang ma apütle thomlaxpuix. Chemtue khünakbue hünzom to adale haopuix ipongma taxza;

ISAIA 1:6

Khang makhange cha kople hünzom ma tsangtsa fanmüile tüikya manwan chemchu mün-ngün. Hünzom a zutle akhixkya hia mak-chak tamchu thomzün makbu otok to ngünle tüikyabu füi awangle tüile. Hünzom mak-chak a sole tamchu lople chithom. Ibu to hinghai cheme chu chizu.

JOB LAIPEX 14:13

Amalum to nange ku khomle namthomse; nang mongtsik mazak tanto ku pyenle namthomse; ku texle-atak angkya hanpak tex-tiale thomhüi.

JOB LAIPEX 5:7

Ile otuechu münchang! Ikoxle wünkha tokya wünpua pikya ningle, khünake sikngün alüile mae lomlaxpu.

MÜNCHUAK-TSAI 102:3

Ku tsün a wünkhut lailaile maxle ngole; ku tsangtsa a wün lailaile chuale ngole.

JEREMIA 3:25

Kem a zakkop ma jiplaxle thünzake kem to thünzak füi chwop ang tomkya li. Keme ilaxle kem pupa hwome Jowanpa kem Zang zongto jento achaxle hüidaoa; keme otuechu chix kaxtombu kax ma chilax.”

JEREMIA 15:10

Ku a chemtukux mongmüi chitüikya khünak tuita hex! Anue ku chemkhoma ija chaxwannu to ngui ang tompuix? Haxtok angkya khünak pangwüi füi ku ahe-atsi ilaxle kax ma ala. Kue ngun-syen owa angchu chikox chichangba owa angkya kue chilax; ikoxlechu noknusae ku to thuakzom.

HABAKUK 1:3

Nange ku ang iningkya sikngün büthüikoxle ngün ang tompu? Nange iningle achaxle mokkya to hu ang chemle ajongtho angkya? Thama hia changnong-pünthom ku akhople tüile, ilaxle pangnu khato achax-azankya hia ahe-atsikya tüingole.

1 WANGHOMBU 19:4

Chix dapa ima toxlaxle Elija a nyixta tungle faonu mongto ahamle pao. Chix a pünnu tuita zangkhung ma nazakle thung ilaxle chix a namzibaele thüt. Chixe zangjople thüi: “Ija sikngün mongthang a huanu changle. Ku tsün paofa. Ku a zikox wüi müiüi.”

JEREMIA 15:18

Büthüikoxle ku chizakle sikngünle ngo? Ku mak a büthüikoxle chimüi angkya oli? Ibu büthüikoxle chimüitho angkya? Tsonu khato zople paokya shuasa tuita ningle nang ku ang mong athose thütpia?”