JEREMIA 20:11 - OTSAO BAIBEL (BSI)

¹¹ Ikoxle Jowanpa, nang a huanu tsak-zong füi kuchima tüile ngo, ilaxle ku to zothuple ngokyabu a dütüi. Hwome othuithui hanpak ang zakkople changüi, chemthüikoxle hwome chianao tho. Hwom zakkop a tam alak angkya münchang.

JEREMIA 20:11 ပူးပေါင်းရင်းမြစ်များ

JEREMIA 1:8

Hwom thua taxza, chem, thüikoxle nang kho awa ang ku nang füi ngo angkya changle. Jowanpa, kue, ija akaxpu!”

JEREMIA 15:20

Hwom hanpakmale kue nang a khop füi zingkya katuk tuita ningle shingmongle zingüi. Hwome nang zongto tüiüi, ikoxlechu hwome nang to münlüt. Nang khangkho sünle thom angkya hanpakma ku a nang füi womle tüiüi.

JEREMIA 17:18

Ku zan to kale changkyabu hato thünzak apüile laxkox, ikoxle ku a shantoxhüi, Jowanpa. Hwom a thomshixe awangle chang ang tomkox, ikoxlechu ku a chabüt-lasünle chang ang taxtom. Hwom hato thama apüile laxkox ilaxle hwom a thuple akhixkox.

ISAIA 41:10

Ojao taxza — Ku a hünzom füi tüile! Ku a hünzom Zang — hünzom a chem ma chu taxabüt! Kue hünzom tsak-zongle zingüi ilaxle asunüi; kue hünzom kho-awaüi ilaxle hünzom khosünüi.

MÜNCHUAK-TSAI 6:10

Ku zanpabu ang thünzak koplaxle mong to tsangle kaküi; khopi-napale hwom jwonle apaoüi.

MÜNCHUAK-TSAI 40:14

Opange ku lang ang tungle ngopuix hwom to komkaile anao üntoxle kho asamkox. Ku sikngün khoma mongmüi atungle ngokyabu füichi to chat üntoxle zakkop ang tomkox.

MÜNCHUAK-TSAI 35:26

Ku sikngün to chanyi wanjaile changkyabu hwom to lüt üntoxle kho asamle changkox; ku füi hwom wüi sümüikyabu changpule akaxkyabu to zakkop hia thajaoe chwop ang tomkox.

ROM NOK HATO ZAKYA POL LAIZA 8:31

Jangchangba ibu zangwün bama keme chemle thüiüi? Kem hanpakma Zang jangtüi thüiba, kem zan to ka angkya owa tamtüi?

JEREMIA 23:40

Kue hwom hato tsün-tsüne zakkop ilaxle hwome chialak tsuak angkya wünhai apüile koxüi.”

2 TIMOTHI 4:17

Ikoxlechu Jowanpa ku füi ngo ilaxle ku ang zong kox, ikhoma tix kue mixnok pangnue atat ang tsuak le Kaxho Müikya apuk-apua ang tho; tamchu mik amüt angkya kaxfün chak tokya ku azang.

ISAIA 45:16

Opange chapabu zingle changpuix hwom pangwüie thünzak kopüi; hwom pangwüi ema chilaxle awütüi.

MÜNCHUAK-TSAI 66:5

Nguilax üntoxle Zang-e chem mokdaopuix ito hulax, khünaknu tu ma khomtsikya chix mwotbu to a.

DANEL 12:2

Opangsa ami wüi zile paodaopuix ibu chuwüi azangle ngoüi; züizüie oshuk chitüikya khüzün koplaxle mongmüi atungle ngoüi, ilaxle mamabu a oshuk chitüikya sikngün ma zolitle ngoüi.

MÜNCHUAK-TSAI 65:5

Nange kwom to zan to lüt ang koxle lan, ilaxle kwom khosün angkya hanpakma nange ohünotün mwot mok. Zangfang angkya khünak pangnusae tinu ta to ngokyabue ngaxchu nang to mongongle.

MÜNCHUAK-TSAI 47:2

Khüthak Jowanpa thua a za-angkya wüi; chix a zangfang pangnu apünkya chongwangpa changle.

ISAIA 41:14

Jowanpae thüile: “Israel, hidaole wüi tamchu sho-naikyabu changle, ikoxlechu taxza; kue hünzom to fongüi. Ku, Israel nok otsao Zang, ku tix changle hünzom khosünkya a.

MÜNCHUAK-TSAI 129:2

“Ku naosa ma tüitan tokhange wüi ku zanpabue ku to mongtsiktsik ma zothuple hüipu, ikoxlechu hwome ku to lüt ang chitho.

JEREMIA 15:15

Ifüima kue akax: “Jowanpa, nange awanpu. Ku texle ataklax ilaxle ku to fonglax. Ku zothuple changdaokyabu to kue olüix khomle chang ang tomhüi. Hwome ku lang ang tho angkya kuxmale nange hwom shanle taxchang. Kue zakkopkya a nang mün khoma kopkya changpule texle atak-hüi.

JEREMIA 22:22

Hünzom lompabu a zangwine pikle paodaoüi, nang üithobu a zandabu ang kople paodaoüi, hünzom tingnu a chingcha chitüile zakkop ang tomüi hünzome mokle hüikya ochaxbu khokho ma a.

JEREMIA 32:18

Nange chizakle nang mongkün ojat-ojat hato ahopu, ikoxle hwom pupa hwom ochaxbu khoma nange khünaknu to sikchu angünpu. Nang a tüle tsak-zongle tüikya Zang tuita changle; nang a Khüthak Jowan Zang changpu.

JEREMIA 1:18

Apalax, Jeremia! Ija haxtok angkya pangnusa — Judah nok wanghombu, nguakax-wangkhobu, nguapabu, ilaxle khünaknubu — nang zongto zan ang changüi. Ikoxle anyix kue nang ang ibu to adu tsuak ang janzüi koxpu, nang a, janthongnu hia khop katuk füi ziakople thomkya tingnu tuita ningle changüi. Hwome nang to münlüt, chemthüikoxle nang kho awa ang ku nang füi tüile. KuI, Jowanpae ija akaxpu.”