Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JEREMIA 20:10 - OTSAO BAIBEL (BSI)

10 Pangnusae huxsa ma wünkya kue atat, “Thomshix thama a pangkhato tüile! Idaile chix bama pünpa-chongwangbu hato kax koxhax!” Ku zuikhui shemkhaxbu ngaxchu ku dütüi to hule nui. Hwome thüi: “Chix a dyen ang tsuaküi, ifüima keme chix koplaxle olüix khom ang thoüi.”

အခန်းကိုကြည့်ပါ။ ကော်ပီ




JEREMIA 20:10
35 ပူးပေါင်းရင်းမြစ်များ  

Ku zuikhui amüikya, owato kue ataxle mongong tüipuix, owae ku füi saxtsom ahanle saxpuix, chixe ngaxchu ku zan to kale.


Ku zanpabu obiobi huxsa zangwün kue atatle; ku akhople thamama wüi. Hwome ku zongto chichangkyabu mok ang tungle ngole, ku mik amüt ang tungle ngole.


Zangwün makhange mix tha ajaokyabu, mütkopmixbu kho awakyabu, ilaxle chithaikya mix ang sukya kaxfün chifale abax thomkyabu, ibu Zang-e amaüi.


Ifüima khünaknue thüi: “Jeremia hanpakma tütali tümok-hax! Kem ang adangle fa angkya hanpakma nguapabu, zün-sai angkya hanpakma jepabu, ilaxle Zang kaxho angkya hanpakma ajebu tüile ngo angkya changle. Kemepi chix ma kaxhux fehax ilaxle chix zangwün to apale taxngohax.”


Athax hwome ku ma kaxhux fele nang hama wünkya zangwün bamachu hwome kaxkhi fale changkoxa le aho ang münthoüi.


Hwom mik amüt angkya hanpakma hünzom kha angkya züizüie owawa hanpakma kaxthai zangwün alaile khualople. Hwom züizüie chapabu ang koxkya töbu chuwüi saxle. Züizüie a jento mix mikzalokya mongzom amüile ngole.


Kwom a tingtui-panja hia lomnu ma aham ang mong münchong tsuak, chemthüikoxle akhyep-adi laxle kwom zanpabu tha-nyemle tüile ilaxle thomshix-thamae kwom akhoplaxle tüile.”


Miktsak khomle thomkya khünak pangwüi tselopbu changpu. Khualop-zangwün atsatle changkyabu a ongatbu changpu.


Ilaxle hwome oshua to hule ngo. Künkox-mongkoxkya khünak ningle hüilaxle chix dyen angkya hanpakma hwome khünkhi-khikya khünak züita shak ilaxle kax atüikyabu füi Jisu tsün angkya hanpakma hwom tsanle apao. Apün-awangkyabu hia Roman gowarnor chak to chix owüiole koxtsuak angkya kuxmale hwome ile hwon.


Ku shemkhaxbue ku to nushixdongle hu; kue tüle akhüixkyabue ku hato tok aho.


Chemtue Ahap-e Elija ngünle laxpuix, chixe thüi: “Nang a ku zanpa changle. Nange ku ngünle laxdaopuix nyi?” Elija-e lan: “Changle, kue nang ngünle laxdaoa, Jowanpa miksho ma komkaile thaikya mwotlom to nange mongkoxle changdaoa.


She-e Elija hato kaxho akatle thüi: “Nange ajebu to chemle hwondaopuix ilailaile ngainyix ipongkhae kue nang to chihwon jangthüiba baozangbue ku naxlang.”


Stefen zangwün apa laxle nguawangbu ang huanuma mongtsik dong ilaxle chix füikya mongtsike hwome wa azyak.


Ija kax atatlaxle nguakhobu ang wün ma lai khi le mongtsik dong üntoxle wangshembu mik amütse tsu.


Ku a Zanpabue akhople tüile, hwom a khünak müi saxsele woknuak ma ngokya mailang ningkyabu changle. Hwom owabu a paxtun hia santun ningle junle; hwom lebu a tüle anaxkya changlo ningle tüile.


Ija mixsün a kun to sho angkya tamchu ku müimüi-zangngaile machat tanto an hia ti hidaopong koxle ozün ma thom angkya hwom füi akaxkox.”


Ahap-e lan: “Chatle chu ajepa tuita, Imlah sasün Mikaiah tüile. Ikoxlechu kue chix thua anule, chemthüikoxle chixe ku hanpakma chemtuechu müikya kaxho münfa. Chixe hokya jekax a pangwüi amama wüi changle.” Jehusafat-e thüi: “Nange ile taxthüi.”


Ku a mongongsakya tuita lang ang paole ngole chun ningle chang, ilaxle hwome ochax huxtsing-loptsang mwot ibu mok ang aze ngokya a ku zan to ka ang atsing ngopule kue chitik. “Kemepi opün wan müile ngopongma ija pün dakle changhax; kemepi owaechu chix texle chiatak angkya hanpakma chix mik amüt-hax”, le hwome akaxle ngo.


Anathoth angkya khünakbue ku langse tsu, ilaxle kue Jowanpa kaxho apukle ngokya chizak thüiningle hwome ku lang angkya hwome ku hama akax.


Ofüinop, Pushhur-e ku khale thomkya dan füima, kue chix ang thüi: “Nang ang Pushhur le mün Jowanpae fakya münchang. Chixe nang ang fakya mün a ‘Pangnu khato Tuwuk’, le changpu.


Ikoxle chemtue kue Benjamin Zünkai alople changpuix, ikhama süpahi lompa ang ngokya alixachong, Shelemiah sasün, Hananiah susüne ku azak ilaxle thüi: “Nange ija Babilon nok hato tok ahokya changpu!”


Ikoxle mama lompa hia Gowarnorbue Danel mwot ma thaikya opong atak angkya hanpakma azong, ikoxlechu hwome chiataktsuak, chemthüikoxle Danel a noke mongongle tüikya tamchu thaikya hia chisukya oli chemchu chimokkya mix tuita chang koxle.


Ikoxlechu ku mongong nang ma thompu, O Jowanpa; nang a ku Zang changle.


Jowanpa, ku to chingcha tüihüi, üntoxle ku kak amüile fahüi, ilaxle kue zanpabu to jan-nong alüiüi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ