JEREMIA 2:5 - OTSAO BAIBEL (BSI)

⁵ Jowanpae akaxle: “Hünzom putong hwome ku zongto tsaitox-kaxfe angkya chempang apüipuix? Hwome chem khoma ku hato tok ahopuix? Hwome laxli chitüikya chapabu to shwom ilaxle hwom alüile chilaxle ang achangle pao.

JEREMIA 2:5 ပူးပေါင်းရင်းမြစ်များ

2 WANGHOMBU 17:15

Hwome chix kaxtombu kax ma münlaxpule angam, hwome hwom pupa hwom füi tsaole thomdaokya Jowanpa Tsaotsüt chithom ilaxle hwome Jowanpa kaxkhün ahai. Hwome chemjao chichangkya chapabu to shwom ilaxle hwom chemjao ang chiachang, ilaxle hwom tomzi nokbu zom-zang to, ilaxle man taxto-ole thüikya Jowanpa kaxtom kax ma chilaxle tüi.

ROM NOK HATO ZAKYA POL LAIZA 1:21

Hwome Zang awan, ikoxlechu chix achuak afua le chichang, ilaxle münchongchu tamchifa. Itülüi mongjang samsamsüi le pao ilaxle chem ngax chitüikya hwom khangka zangnake awang.

JONA 2:8

Opange laxli chitüikya chapabu to shwomle changpuix, ibue nang tsai-kax ma laxkya dantoxpu.

MÜNCHUAK-TSAI 115:8

Opange ibu zinglaxpuix tamchu ibu to mongongle tüilaxpuix hwom pangwüi hwome zingkya chapabu lailaile naxchang kox.

ISAIA 44:9

Chapa zingle alaikyabu pangwüi chilaxlibu changpu, ilaxle otha lixle hwome hangkya baozangbu a chilaxli changpu. Ibu baozangbu to shwomkyabu a miksut mixbu tamchu ongatbu changpu — ilaxle hwom a chingcha chitüile awütüi.

1 SAMUEL 12:21

Othai baozangbu hato taxpao; hwome hünzom to fongle fa ang münthoüi, chemthüikoxle ibu a otsingtsing münchang.

TSAITONG-KAXTONG 32:21

Hwom chapabu füi hwome ku ang mongtsik ang tom, hwome baozangle nyakkyabu to huanuma khax-khu, Zang chichangkya baozangbu a. Ikhoma kue jat-li tuita hwom mong atsik ang twonüi; kue hwom ang ongat jat-libu to osingle tüi ang tomüi.

WANGSHEMBU MWOT 14:15

“Ibibi khünaknu, hünzome ija chem mok ang ajongpu? Kukhichu wüi hünzom ningle khünak changpu. Kukhi a iningkya lap chitüikya mwot mokle ngokya tokhange ding hia hax ilaxle tinubu zingle alaikya, anaolechu ibu ma tüikya khünak mixsa; müi-nyax; tamchu pün-zua pangwüi zingle alaikya ozün Zang hato chat angkya bama hünzom hato Kaxho Müikya apuk ang nguipu.

JEREMIA 2:31

Israel khünaknu, kue akaxle ngokya to apa koplax. Ku a hünzom zongto sak-hax tuita ningle, zangnaktukle tamchu khompua-zadünle tüidao pia? Ile chichangba, chemkhoma hünzom a hünzom küntsu monglua ma mok-mole ngoüihex, ku hato münchatpule angam?

MATHI 15:8

“‘Ibu khünak tun zaza ma, ku hato hüile; hwome le füi ku achuakle; ikoxle hwom mongtsang a, ku füi ochu towüi.

EZEKEL 11:15

“Ziün angkya khünak, Jerusalem ma ngole tüikya khünakbue nang mo wünle ilaxle zanda ang ngole tüikya hünzom khünakbue wüi wünle. Hwome thüile, ‘Zanda ang ngokyabu a Jowanpa to shwom ang chimüile tsailo towüi. Chixe kem ang tingtok kop angkya koxdaoa.’

JEREMIA 14:22

Owa nok chapabue chu zangwat ti ajo ang münthopu; zangdinge chix lailai to nyenti ajo ang müntho. Kwome kwom monghom nang ma thompu, O Jowanpa kwom Zang, chemthüikoxle ibu moktsuakkya a nangtix changle.

JEREMIA 12:2

Ibu nange küipu, ilaxle hwome otsing ajopu; hwom tsongpu ilaxle oziak ziakpu. Hwome jento nang müikya bama zangwünpu, ikoxlechu hwome nang bama tuitexkya chitüi.

JEREMIA 10:8

Hwom pangwüi ongat-onguingui wüi. Püntho chapabu makhange hwome chem tsingle lax ang thoüi?

ISAIA 29:13

Jowanpa-e thüile: “Ibu khünake ku to shwomle le wüntüia, ikoxle hwom kaxfa ma lax angkya chemchu müntüi, ilaxle hwom kün-mong chu ojongjong towüi. Hwom zanglom a chemchu münchang ikoxle hwome mong ma kople thomkya khünake zingle alaikya wanlom hia mokle hüikya olom lanlan.

ISAIA 46:12

“Ku kax to apalax, hünzom kheba chithüikyabu lüt angkya a ochu towüile owae thüipuix.

JEREMIA 2:4

Jowanpa kaxho to apalax, hünzom Jakop su-sa hwom, hünzom Israel jatlibue.

JEREMIA 8:19

Apalax! Haxtok pangkha towüi Ile ku khünaknu akhongkya kue atatle, “Zaion ma Jowanpa münngo hia? Zaion nok wanghompa ima müntüi hia?” Jowanpa, hwom wanghompa-e lan, “Hünzome ma chapabu to shwomlaxle tamchu laxli chitüikya mixnok baozangbu tong to akhuxlaxle ku ang mong büthüikoxle amapu?”

EZEKEL 14:5

Chapa ibu khokho ma Israel noke ku hato tok aho angkya laipu, ikoxlechu ku kaxlan makhange hwom ku kax ma laxle ngo ang mongchatle ahüiüile ongpu.