JEREMIA 2:37 - OTSAO BAIBEL (BSI)

³⁷ Nang zakkop ashukle Ijip nok tokya tok ahole paoüi. Jowanpa kue, nange mongongle tüikya ibu chilaxle awütdaoa; hwom makhange nange olüi chemchu münkoppu.”

JEREMIA 2:37 ပူးပေါင်းရင်းမြစ်များ

2 SAMUEL 13:19

She-e ma khang to haxbu füi fu, she nyi akyet, ilaxle she thün to chak füi khung laxle sopngale laile pao.

JEREMIA 17:5

Jowanpae thüi: “Ku hato tok ahokyabu zile maxün angkya khünak to hwome mongong thomle changkyabu pangwüi kue ahaile changüi.

JEREMIA 32:5

Zedekiah a Babilon nok to paoüi, ilaxle kue chix füi zangwünle machang tanto chix a ikhato ngoüi. Chixe Babilon nok füi azanle changkoxchu, chixe lütüile münchang. Ku, Jowanpae ija akaxdaoa”, lükya Jowanpa kaxho kue apüipule kaxhux fe.

JEREMIA 2:36

Mixnok baozangbu hato paokya makhange nang a thanai ang achangle awütdaoa. Asiria noke lailaile nang a Ijip noke chuwüi mong atho ang tomüi.

ISAIA 10:4

Hünzom a zanhok ma lang ang tomüi chichangba zandabu ang linle pao ang tomüi. Ile changkox-ngaxchu Jowanpa mongtsik a münbaktox; sikngün fa angkya hanpakma chix chak a ajong lüwüi ngoüi.

2 PUKAX-PANGAO 13:12

Kwom lompa ang Zang chixjao changpu ilaxle nguapabu a ikhama thuaput-waxmaibu füi tüile. Hwom a ibu angaole hünzom füi azan angkya zan-khong apuk ang achwonle ngole. Israel khünaknu, hünzom pupa hwom Zang, Jowanpa füi azanle taxchang ünlax! Hünzome münlütpu!”

HUAKE LAIPEX 14:41

Ikoxlechu Mosa-e thüi: “Jangchang thüiningle athax chuwüi hünzome Jowanpa kax ma büthüikoxle chilax? Hünzome münlütüi!

JEREMIA 14:3

Hakpabue ti lax ang hwom dabu tsanle apaole; hwom a tüküi to ti lax ang za, ikoxle ti ojao chiatak; hwom a tipebu ohua ma laxlaxle chat. Monghixkyae tamchu khosamkyae, hwome ma thün khom.

JEREMIA 14:4

Chemthüikoxle zang ojao chiwat ilaxle chaxwan tok komkaile zanle zua, manzaimixbu ang mong ma okak ang achang; hwome ma thün khom.

JEREMIA 22:30

“Ija mixsün a chix su-sa hwom amüt angkya le ahaidaoa, otuechu chitho-chilünkya mix ang achang angkya ahaidaoa. Dawid mantswon tuita ningle Judah haxtok ma apün angkya mix chix ang sixli tuita chu müntüiüi. Ija kax, Jowanpa, kue akaxdaoa.”

2 SAMUEL 11:12

Ikhoma Dawid-e thüi: “Jangchang thüiningle anyix ima ngole toxdao. Kue nang ngainyix wüi chatle zantam to chat ang koxüi.” Ikhoma Uriah a ija nyix hia ofüinyix Jerusalem ma nuile tox.

ISAIA 28:18

Hünzome oja zangwün zikmüt-mangkho füi tsuakle tüipuix, ija a oman chitoxle amütüi. Chemtue thama zutle hüiüihex, ijae hünzom to lüt ang tomüi.

JEREMIA 22:20

Jerusalem angkya khünaknu, Lebanon to paokox ilaxle akhong kox, Bashan haxtok to paokox ilaxle sopkox; Moab haxnubu makhange nyakkox, chemthüikoxle nang üitho hwom pangwüi to anaodaoa.

MANGSOP 4:17

Fongkya ojong tochu chiatak angkhato, kwome mik-hu ngwomle shule hu. Fongkya ojao chifa angkya khato kwome onok tuita to ngwomtokle hule tan.