JEREMIA 2:31 - OTSAO BAIBEL (BSI)

³¹ Israel khünaknu, kue akaxle ngokya to apa koplax. Ku a hünzom zongto sak-hax tuita ningle, zangnaktukle tamchu khompua-zadünle tüidao pia? Ile chichangba, chemkhoma hünzom a hünzom küntsu monglua ma mok-mole ngoüihex, ku hato münchatpule angam?

JEREMIA 2:31 ပူးပေါင်းရင်းမြစ်များ

TSAITONG-KAXTONG 32:15

“Jowanpa khünakbu huanuma ahak-aluale chang, ikoxlechu chix zan to kale tüi; hwom a tüle nutle ilaxle osüt füi wokbu afwot. Hwome hwom zingpupa Zang chilaxle awüt üntoxle tsak-zong füikya hwom khosünpa chilaxle awüt.

1 KORIN 4:8

Hünzom awang tsuakdaoa! Hünzom hakpa luapa ang achang tsuaküna! Kwom chilax homtoxle hünzom wanghombu ang achang ang tsuaküna! Changle, hünzom füi tomle kwomchu wanghom ang achang angkya kuxma, otsing tomtata ma hünzom wanghombu ang namachangbae le kue thütle.

MIKA 6:9

Jowanpa chathua za angkya a hwontüi-jelangkya changpu. Chixe tingnu nyakle akax: “Apalax, hünzom tingnu ma asoxle tüikya khünaknu!

AMOS 1:1

Ija a Tekoa nok angkya chunnyetpa Amos-e akaxkya kaxbu changle. Bütix si angkya zanglao anyi thoto, chemtue Uziah a Judah nok ma wanghom ilaxle Jehoash sasün Jeroboam a Israel nok ma wanghom changkya hex, Israel nok hanpakma ibu pangwüi Zang-e Amos hato ngaile aho.

HOSIA 13:6

Ikoxle müikya haxtok to nguikya füi tomle, hünzom awangle tamchu okhonguile ngokyabu ang achang, ilaxle hünzom mongngam ma tsong ilaxle ku alakle asam.

ISAIA 45:19

Kue huxsa ma zang chiwün chichangba ku mongtex pyenle chithom. Kue Israel khünaknu ang khünak chingokya haxtok to ku lomlaxle chithüi. Ku a Jowanpa changle, ilaxle kue kaxtsing zang wünpu; Chem supuix ija kue awanle fapu.”

WANWÜNKAX 30:9

Ku ma alüile jangtüi thüiningchu, owatsing, kue nang chem ma lax angle thüiüi. Ikoxle ku mütmix ang jangchangchu, kue ahuxüi ilaxle nang mün amaüi.

MÜNCHUAK-TSAI 12:4

Kwom mong atsutsu kwome akaxle, üntoxle kwom owaechu abax ang müntsuak” ibu zangwünkya tsaichong-kaxbongkyabu tun huxdao.

MÜNCHUAK-TSAI 10:4

Chichangchizangkya khünake Jowanpa bama tuitex chemchu müntüi; hwom mongngam makhange hwome thütle Zang a chem mwot mütüi.

2 PUKAX-PANGAO 31:10

Nguakho Azariah, owa Zadok saxthom angkya changkya hex, chixe wanghompa kax to lan: “Hwome Jowanpa hom to tö ibu apüile kox ang sütkya makhange keme okhonguile saxle hüidaoa ilaxle ota-otua tüile changdaoa. Jowanpae chix khünaknu to mohimanle changkya tokhange kem ang ibu tüinangle hüikya changle.”

TSAITONG-KAXTONG 31:20

Kue hwom putong hwom füi tsaotsüt daokya ningle kue hwom ang ija ahak-aluale tamchu haxzaoe awangle tüikya haxtok to apüiüi. Ikhato hwom ang hwome alomlom sütli tüiüi ilaxle hwom mongtex ma shale ngo ang kopüi. Ikoxle hwom a mixnok baozangbu to sho ang anongle paoüi. Hwome ku awütüi ilaxle ku füikya Tsaotsüt amaüi.

JEREMIA 2:20

Jowanpa Khüthak Zang-e thüile: “Israel, nange ku tsak-zong kaiwüi awütpu; ku kax ma münlax tamchu ku to münshwomle nang angampu. Haxnukho pangkha towüi ilaxle pünnu tong hex athüithüi to puamün baozangbu to hünzome shwompu.

JEREMIA 2:25

Israel, nang cha hua ma taxngo, chichangba mix baozangbu achuale nang dingdua zan ang taxtom. Ikoxle nange thüitüi, ‘Ile münchang! Ku aküile chat ang müntho. Kue mixnokbu baozang füi mongakün daoa ilaxle kue hwom tangchua angkya wüi changle.’”

TSAITONG-KAXTONG 32:18

Hwome hwom Zang, tsak-zong chongkya füi tüikya khosünpa alakle asam, hwom hanpakma tsün koxkya Zang a chix changkya.

1 WANGHOMBU 11:22

Wanghompa-e atüi: “Büthüikoxle? Kue nang to hume ang chithole le hia? Ikhoma nang homchi towüi chat-sele mongtsu puixnyi?” Hadad-e lan: “Ku a chat angkya wüi changle.” Ilaxle chix a hwom chaxwan to chat. Edom nok wanghom ang ngolaxle Hadad a Israel nok zongto tüle shixkya zanpa ang achang.

JOB LAIPEX 21:14

Chichangchizangkyabue Zang ang hwom danhüi thüile; hwom hanpak chix mongtex hwome awanle laxse müntsu.

JEREMIA 5:5

Khünaknu hato ku tsak-zong füi paoüi ilaxle hwom füi zangwünüi. Hwom Zang-e lomkya hwome tütakoxchu awanle ngole, Jowanpae hwome naxmoksele thütkyabu.” Ikoxlechu hwom pangnusae Jowanpae apün-adakya chilaxle awütle ilaxle chix kax ma münlaxpule angamle.

JEREMIA 5:6

Ikhoma faokha tokya mailang tuitae hwom langüi, faokha tokya shwonbue hwom ashikle akhixüi, ilaxle fuachaxbu hwom tinglong afünle leüi. Khünak ibu kotok to laile jangchang, hwom a ashikle akhixüi chemthüikoxle hwom ochaxbu a huanu changle ilaxle onoxnox to hwome Zang hato tok ahole.

EZEKEL 14:5

Chapa ibu khokho ma Israel noke ku hato tok aho angkya laipu, ikoxlechu ku kaxlan makhange hwom ku kax ma laxle ngo ang mongchatle ahüiüile ongpu.