JEREMIA 2:27 - OTSAO BAIBEL (BSI)

²⁷ Hünzom pangwüi ang zak-akopüi—pün nang apa kux ilaxle long nang anu kuxle akaxkya hünzom pangnusa ang a. Hünzom ku hato hüihaxkux lüi ma ku hato tok ahole paokya khoma ija ile chang ang tomüi. Ikoxlechu chemtue hünzom sikngün-tuitaile changüihex, hünzome hüilaxle hünzom khosün angkya ku wüi lom.

JEREMIA 2:27 ပူးပေါင်းရင်းမြစ်များ

ISAIA 26:16

Nange nang khünaknu to sikangün, Jowanpa, ilaxle fuxtsüi chifün tokhange hwome nang to jop.

HOSIA 7:14

Hwome ku to mongkoxle chijop, itülüi hwome ma alüile tswonle adüt ilaxle songsaribu lailaile mangsop. Chemtue hwome saxziak hia grep ziak hanpakma zangjople changpuix, hwome songsaribu lailaile ma to alüile züt. Hwom ma adukya chem tüi?

HOSIA 5:15

“Hwom ochax khoma okhonguile hwome sikngün apongle machang tanto tamchu ku lomle mangui tanto kue ku khünaknu awütle thomüi. Hwom sikngün tokhange ngaxchu hwome ku lom ang cha.”

EZEKEL 23:35

Athax Jowanpa Khüthak Zang-e akaxkya a ija changle: “Hünzom ku alakle awüt ilaxle ku hato tok ahole changkya khoma, hünzom a hünzom mongzok hia ma tsangtsa hangle changkya khoma sikngün angkya changpu.”

EZEKEL 8:16

Ikhoma chixe ku Zangshwom-Hom angkya nuithong to dün. Ekhato otsao nui to dongüi fülom ma, tö-tsap hia nya-o nyi bama, khünak tsaba-aga tukux tüikya. Hwome hwom tok a otsao nui chito aho ilaxle handün chito hule, zanghan chidün to shwomle chikux thongle akhux ngokya.

JEREMIA 32:33

Hwome ku hato tok aho; ilaxle kue chizakle hwom hama anwot-anole changkoxchu, hwome ku kax to chiapa ilaxle awanle kop ang chithüi.

JEREMIA 22:23

Lebanon tokhange apüikya sedar thamkha to nang kho azangle ngo; ikoxle nang to tsütle kakkya zuma nang a chingcha ashukle changüi, mixnu tuita to nao ngün wok-kak kakkya ningle a.

JEREMIA 18:17

Hwom zanpabu tunthoma kue ku khünakbu afale apaoüi, ija a handünchi winjep to haxbu pile paokya ningle changüi. Kue hwom hato ku tok ahoüi; Thama hüile changkya zuma kue hwom to münfong.”

JEREMIA 10:8

Hwom pangwüi ongat-onguingui wüi. Püntho chapabu makhange hwome chem tsingle lax ang thoüi?

JEREMIA 2:24

sak-hax to thule fütkya ningle. She zok-khamle changpongma, ija owae abax ang thoüi? She füi ngose tsukya ola tuita ang khosam chemchu müntüi; atu-amai tu ma she a jento achwonle tüile.

JEREMIA 3:9

ilaxle she zakmaxle thünba. She-e haxtok akhu ang tom, ilaxle long hia pünbu to shwomkya makhange she-e chinunchakkaile achax.

JEREMIA 30:7

Nu zao hanpak tuita hüile ngole; ija nyix füi mama nyix chemningkya chu apyen ang münmüi— ku khünaknu hanpakma künmax-mongshan hanpak tuita, ikoxlechu hwom a münzi-münmax.”

JEREMIA 37:3

Kwom chaxwan hanpakma Jowanpa to jop-tole chang angkya wanghompa Zedekiah-e Shelemiah sasün Jehukal hia Maseiah sasün nguapa Zefaniah hokhi ku hato ahüi.

DANEL 9:7

Jowanpa, nange jento sukyakya wüi mokpu, ikoxle kwome kwom hato alüile thünkhux-thajao apüipu. Judah hia Jerusalem ma ngole tüikya hia nang kax ma chilaxle tüikya khoma zangfang ma pangnu chaxwan tok to chiakle tüikya Israel nok pangwüi zongto ija a otsing tomtata changpu.

HOSIA 4:12

Hwome pünfunsa tuita ma mikngün ohün lomle ngole! Kiathox tuitae wüi hwom hama hwome chem tsingse tsupuix ija awankoxle! Hwome ku dantoxdaoa. Mixcha tuita tsangtsa hangkya mixcha ang achangle paokya ningle, hwome ma alüile mix baozangbu chak to koxdaoa.

2 PUKAX-PANGAO 29:6

Kem putong hwome, Jowanpa, kem Zang to mongong chithom ilaxle chix zongto chem mapuix ijaja mok. Hwome chix chilaxle awüt ilaxle chix ngwotnui hato tok ahole chang.

JEREMIA 42:2

ilaxle ku füi akaxle thüi: “Kwome nang ang mok-hüi thüikya mwot shong-mok fahüi! Kwom hanpak ang Jowanpa kwom Zang to jople changhüi. Kwom ozün ma toxle tüikya pangwüi hanpakma jople fahüi. Hanpak tuita ma kwom a huanuma tüile ngokya; ikoxle athax a, nange ngün ang kople kwom hidaole wüi dantoxpu.