JEREMIA 2:25 - OTSAO BAIBEL (BSI)

²⁵ Israel, nang cha hua ma taxngo, chichangba mix baozangbu achuale nang dingdua zan ang taxtom. Ikoxle nange thüitüi, ‘Ile münchang! Ku aküile chat ang müntho. Kue mixnokbu baozang füi mongakün daoa ilaxle kue hwom tangchua angkya wüi changle.’”

JEREMIA 2:25 ပူးပေါင်းရင်းမြစ်များ

TSAITONG-KAXTONG 32:16

Hwome chapabu to shwomkyae Jowanpa ang mongma ang tom; hwome mokkya ochaxe chix ang mongtsik ang tom.

JEREMIA 18:12

Hwome lanüi, ‘Münchang, kwome ile büthüikoxle changüi? Kwom pangwüi kwome tex-sung pupule mongkhüile tamchu chichangchizangle tüiüi.’”

JEREMIA 3:13

Nang thaidaoa, Jowanpa nang Zang zongto nang zanpa ang changle hüidao ale ngaikox. Nange ku kaxtombu kax ma chilax ikoxle pünnu tong hex athüithüi ma nang mongkün a mixnok baozangbu ang koxle tüidaoa. Ija kax Jowanpae akaxdaoa, le Israel füi akax angkya kax chixe ku füi akax.

ROM NOK HATO ZAKYA POL LAIZA 8:24

Chemthüikoxle kem khosünkya a monghom makhange; ikoxlechu keme monghom jangngün dao thüiba, ija a monghom tsingtsing münchang. Chemthüikoxle ma mike ngün ang kopkya to owae monghom tüi?

MANGSOP 4:4

Hwome ma naosombu woknuak-tilan ma zi ang tomle; hwom ang owae ngaxchu chifa angkhato naosome süt jule ngole.

JEREMIA 14:10

Jowanpae ibu khünakbu bama akax: “Ku ha angkya zikle paokya to hwome luale, ilaxle hwome alüile ma akum-athumle münchangüi. Ikhoma ku ang hwom füi mong münmüi. Hwome mokdaokya thaikya mwotbu kue akhax thomüi ilaxle hwom ochaxbu khoma hwom to sikangünüi.”

JEREMIA 13:22

Nang to ibu büthüikoxle changpuix: nang nyi büthüikoxle akyet puix ilaxle nang to shing-nünle changpuixle nang jangatüi: ija a nang ochax khom-atsikle changkya khoma changle.

ISAIA 57:10

Mama baozangbu lom ang hünzom ipongpongle na-jua-le maxle azong, ikoxlechu hünzome twotle chitox. Hünzome thüt ibu jannong alüile tüikya chapabue hünzom ang janzüi faüi, ikhoma hünzom otuechu na-juale chichang.

ISAIA 2:6

O Zang, nange nang khünaknu awütdaoa, Jakop sixli hwom a! Ija haxtok a handünchi hia Filistia nok tokhange ahüikya chajik-muashem mwote awangle tüile. Khünakbue mixnok zanglom-saikhabu twonle.

2 PUKAX-PANGAO 28:22

Chix tingtuibu huanu ziama ma changpong khae, ija mixsün Ahaz-e ozangjang to kaile Jowanpa zongto ochax lyen.

TSAITONG-KAXTONG 28:48

Ikhoma, Jowanpae hünzom hato ahüi angkya zan-nokbu thothale hünzom ngoüi. Hünzom a wokno-tilanle tamchu tsangtsa ma chemngax chitüile tui-nolanle ngoüi. Hünzom bakle olithule machang tanto Jowanpae atsangle afang thomüi.

KAXHO MÜIKYA LUK 16:24

Ija ma chixe akhongle nyak, ‘O Apa Abraham! Ku to chingchalaxle Lazar chakkhizae ti to thulaxle, ku le ma athwotle akong ang ajohüi, chemthüikoxle ija wünchua khato ku sikngün ashukle ngole!’

KAXHO MÜIKYA LUK 15:22

Ikoxlechu hopae dabu nyaklaxle thüi: ‘Momlax, nyiza amüimüi apüilaxle chix to awunle laxkox. Chix chakkhi ma khoptüt langle laxkox üntoxle cha ma chisox soxle laxkox.

HOSIA 2:3

She-e ojao na chitha thüiningle, pux pongma she chemle tüikya dai, ile ohua ang achangle she to kue chakmoküi. Kue she a chem pünsa-zuasa chinyemkya haxzan ningle achangüi, ilaxle she a tilan ma ziüi.

JEREMIA 44:17

Kwome moküihexle akaxkya pangwüi kwome moküi. Kwome Zangkangting Baozangchanu ang töbu koxüi, ilaxle she to kwome ju füi liüi; ija a kwome tamchu kwom pupa hwome, kwom wanghom hwom hia lompabue Judah tinglongbu ma tamchu Jerusalem tingjang lomnu to mokle hüikya ningle changüi. Ipongma kwom tüle ahak-aluale ngopu, ilaxle chem tingtui chitüile ngopu.

JEREMIA 2:31

Israel khünaknu, kue akaxle ngokya to apa koplax. Ku a hünzom zongto sak-hax tuita ningle, zangnaktukle tamchu khompua-zadünle tüidao pia? Ile chichangba, chemkhoma hünzom a hünzom küntsu monglua ma mok-mole ngoüihex, ku hato münchatpule angam?

JEREMIA 13:21

Nange zuikhuile thütle ngokyabue nang to lüt ilaxle nang to apün-adale jangchangba nange chemle thüiüi? Sheko mixnu tuita to nao ngün wok kakpupule nang to kaküi.

JEREMIA 22:20

Jerusalem angkya khünaknu, Lebanon to paokox ilaxle akhong kox, Bashan haxtok to paokox ilaxle sopkox; Moab haxnubu makhange nyakkox, chemthüikoxle nang üitho hwom pangwüi to anaodaoa.

MANGSOP 1:2

She a jamütungle sople apüi; she bwomzong to mikfi jenle ju. She üinu ozang hwom khama, she mong asom ang tuita ngaxchu chitüi. She füi nokmüile changkyabue she ale ilaxle athax a hwom pangwüi she zongto zan ang chang.

EZEKEL 20:32

Hünzome hünzom chuwüi mixjat-mixlibu, opang mix haxtok to ngolaxle long-pünbu to shwomle ngopuix, ibu lailaile chang angkya mong ma zangwünle tsuakdaoa. Ikoxchu ija otuechu ile münchangüi.

MALAKI 3:14

Hünzome thüipu, ‘Zang thothakya ma olüi chemchu müntüi. Chixe akaxkax mokkya ma chemtüi chichangba kwome chem mokdaopuix ija bama kwom thaikya ngaipu le Jowanpa hato aho ang azongkya ma chemtüi?

2 PUKAX-PANGAO 28:23

Chix to lütle changkya Siria nok baozangbu ang chixe töbu koxle chang. Chixe thüi: “Siria nok baozangbue Siria nok wanghompa to asunle, iningle kue chu töbu koxle jangchang, hwome ku tochu asunle changüi.” Ijae chix tamchu chix wangting hato thama apüi.

JEREMIA 22:21

Nang ahak-aluale tüipongma Jowanpae nang füi zangwünpu, ikoxle nange mün-apapule angam. Nange nang tsün-tsün ma ilele wüi mokle hüipu; nange Jowanpa kax ma otuechu chilaxpu.