JEREMIA 2:21 - OTSAO BAIBEL (BSI)

²¹ Kue hünzom a sümüipu zu tuita ang küihupu püntsangbu kha angkya sümüipu otsang zünlaxle a. Ikoxle nang chem ang achangpuix hulax! Nang a laxli chitüile shanle maxünkya zu tuita ang achangdaoa.

JEREMIA 2:21 ပူးပေါင်းရင်းမြစ်များ

ISAIA 5:4

Kue ija thomwot ma chimokle athakya tüidaocha? Chichangthüiba, kue sungkya ningle chichangle chixe grep ziak osik büthüikoxle ziakpu?

LAIPAO 15:17

Nange hwom apüi ilaxle nang haxnu ma küi; Jowanpa, nange nang hom ang zünle kopkya haxmik ma, nang jaoe zingkya Zangshwom-Hom tüikya khama.

JUHAN 15:1

Jisu-e akax: “Ku a otsingtsing hopupa ilaxle ku Apa a opün zangkya mix changpu.

MÜNCHUAK-TSAI 44:2

nang tatae chemle songsari khünakbu jwonle apaopuix üntoxle chemle hwom haxtok ma nang khünaknu ating-anok ang tompuix; nange jat-libu mamabu to chemle sikngün ang tompuix üntoxle nang mamixbu a ahak-aluale chang ang tompuix, ibu pangwüi a.

MÜNCHUAK-TSAI 80:8

Nange Ijip nok tokya grep zu apüipu; nange mixnokbu jwonle apaolaxle ibu hwom haxtok ma thwompu.

TSAITONG-KAXTONG 4:37

Chixe hünzom putong hwom to mongkünkya khoma chixe hünzom zünle kop, ilaxle chix tsak-zong chongkya makhange chixe hünzom Ijip nok tokya alaile apüi.

KAXHO MÜIKYA LUK 20:9

Ifüima Jisu-e khünaknu ang kaxpan ija akax: “Hanpak tuita ma grep manzaikya mix tuita tüikya, üntoxle mwotmok mixbu ang hingmo chaomo angkya dantoxlaxle, chix mixnok ting to ozulole ngo ang pao.

MARK 12:1

Ifüima Jisu-e hwom füi kaxpan makhange akax ang süt: “Khünak tuitae grep haxtok manzai. Ija akhople zün zinglaxle zuziak fyet ang hax tho ilaxle nyet nui ang tap tuita zing. Ifüima mwotmok mixbu chak to manzai ang danle toxlaxle chix a mix chaxwan to mixwün ang pao.

TSAITONG-KAXTONG 32:32

Hwom zanpabu a, Sodom hia Gomorah nok ningle laxli chitüikyabu, oje füikya hia khaxkya oziak ziakkya grep zubu ningle,

MATHI 21:33

Jisu-e thüi: “Mama kaxpan apalax; Hanpak tuita ma grep haxtok hopunu tuita tüikya. Chixe ija haxtok akanle tsawat wat, ju fyet angkya nui ang hax tho ilaxle nyet nui sailia dünle tox. Ofüima mwotmok mixbu chak to ija haxtok mo angkya danle toxlaxle chix a mixwün to pao.

ISAIA 61:3

Zaion ma künmax-mongshanle ngokyabu ang kox ang Mongma lüix ma künsom hia mongmüi kox ang, Mongma lüix to mongmüi tsai ngao ang. Hwom a pünbu ningle changüi Jowanpa chix jaoe küikya pünbu ningle. Hwom pangnusae chem changpuix ija moküi, Chixe chem mokdaopuix ija hanpakma Zang achuaküi.

ISAIA 60:21

Hünzom khünak pangnusae chem supuix ija moküi, Ilaxle ija haxtok a hünzome jento kople thomüi. Ibu kue küi-thwompu, kue zingle alaipu, Noknusa hato ku chongkya aho ang.

ISAIA 41:8

“Ikoxlechu hünzom, Israel nok ku dabu, hünzom a kue zünle kopkya khünakbu changle, ku zuikhui Abraham su-sa hwom a.

ISAIA 1:21

Amipongma kax ma laxle tüikya tingnu zanglom-saikha a ma-tsa hangkya mixcha tuita ningle! Hanpak tuita ma ija a otsao khünakbue awangle tüikya, ikoxlechu athax a mix lang mixe awangle tüile.

JIHUSUA 24:31

Jihusua ozün ma ngokya kople Israel noke Jowanpa thothale ngo. Chix tokfüimachu, Jowanpae Israel nok hanpakma mokle hüidaokyabu ngün ang kopkya lompabu bakle mazi-mazile hwome ile wüi mokle ngo.

MANGSOP 4:1

Jikjeple ngokya kwom hun bidaoa; Zangshwom-Hom angkya longbu tingjang to chiakle thomle.

PONGWANG LAIPEX 32:28

Ija mixsüne thüi: “Athax nang mün a Jakop le münchangüi. Nang Zang füi tamchu ku füi ashingle changdaoa ilaxle nange wüi anaodaoa; ikhoma nang mün a Israel”

PONGWANG LAIPEX 18:19

Ku kax ma laxle tüi angkya tamchu changkya hia sukya mwot mok angkya bama su-sa hwom to zünsaile changtsuak angkya hanpakmale kue chix zünle koppu. Hwome ile jangmok thüiningle kue tsaosaxdaokya pangwüi chix ang mokle koxüi.”

ISAIA 27:2

Ija nyix a Jowanpae chix mongmüikya grep haxtok füi akaxüi,

JEREMIA 11:17

“Ku, Jowanpa Khüthak Zang-e Israel hia Judah nyi küi-thwomkya changpu; ikoxle athax kue hwom a thama füi azapu. Hwome achaxkya khoma hwom khangkho to ija thama alüile ahüilaxpu; hwome Bal ang töbu koxle shwomkya makhange ku mong atsik laxpu.”

MÜNCHUAK-TSAI 80:9

Nange ija tsale tsong angkya hanpakma onui zangle atsaopu; ija otsing zule ju, ilaxle ijae haxtok pangwüi to u.

JEREMIA 5:10

Ku khünakbu grep haxtok züt ang kue zanpabu ahüiüi, ikoxle ibu komkaile oli thu angkya hanpakmale münchang. Kue hwom ang okangsasa tum angkya akaxüi, chemthüikoxle okang ibu a ku kux münchang.

JEREMIA 11:16

Hanpak tuita ma kue hwom ang ochakmua wüi pongmüikya, oziake awangle tüikya olip pünle nyakpu; ikoxle athax, zangchei zangwat ningle tsaktsakdungle kue ija ochakbu zokle ashunüi ilaxle okangbu zople awütüi.

EZEKEL 15:2

Chixe thüi: “Ziün angkya khünak, zu tuita pün füi chemle apyenüi? Grep zu tuita fao angkya pünkang füi apyen koxle müikya chemtüi?