JEREMIA 2:20 - OTSAO BAIBEL (BSI)

²⁰ Jowanpa Khüthak Zang-e thüile: “Israel, nange ku tsak-zong kaiwüi awütpu; ku kax ma münlax tamchu ku to münshwomle nang angampu. Haxnukho pangkha towüi ilaxle pünnu tong hex athüithüi to puamün baozangbu to hünzome shwompu.

JEREMIA 2:20 ပူးပေါင်းရင်းမြစ်များ

TSAITONG-KAXTONG 12:2

Hünzome lax angkya haxtok ma, ikha tokya khünakbue hwom baozangbu to shokya onui haxnu ma tüikyabu, haxkho ma tüikyabu tamchu pün ohing tong ma tüikyabu, ibu pangwüi pünle amadao.

LIWI 26:13

Hünzom a da ang achangle chingo angkya kuxma kue hünzom a Ijip nok tokya alaile apüipu. Hünzom to kople thomkya zong kue akhixdaoa ilaxle kue hünzom ngadongle aham ang tomüi.”

JEREMIA 17:2

Hünzom khünakbue baozangchanu Asherah hanpak ang pünnu tong hex athüithüi ma tamchu haxkho hex athüithüi ma

HOSIA 3:3

She-e ku thatanle okuilole tsangtsa hangkya hia chinunchakkai mixcha ang chiachang homtoxle ngose pa changhupu le kue she füi akaxpu; ilaxle ile changkya tuk ma kue she thatanle nuipu.

JEREMIA 30:8

Jowanpa Khüthak Zang-e thüi: “Chemtue ija nyix nguile hüipuix, hünzom dingkux ma tüikya danglang hia ima tüikya janbüibu kue daüi, ilaxle hwom a chemtuechu mixnok dahaibu ang achangle münngoüi.

ISAIA 1:21

Amipongma kax ma laxle tüikya tingnu zanglom-saikha a ma-tsa hangkya mixcha tuita ningle! Hanpak tuita ma ija a otsao khünakbue awangle tüikya, ikoxlechu athax a mix lang mixe awangle tüile.

NAHUM 1:13

Athax kue hünzom ma nok tsak-zong ashuk ang tomüi ilaxle hünzom to khale thomkya janbüi afünle awütüi.”

EZEKEL 23:5

She ku kuxle chang koxlechu Oholah a tsangtsa hangkya mixcha lüwüi ngohom ilaxle Asiria nok tokya she mongkünbu hanpakma she mongkha awangle mongzalokya tüingo.

EZEKEL 20:28

Kue hwom ang koxüihex-ole tsaole thomkya haxtok to kue hwom apüi. Chemtue hwome haxkho tsuakyabu hia hingkwonkya pünbu ngünle laxpuix, ibu pangnu chitong ma hwome töbu kox. Hwome zokle tö koxkya hia tö ang ju thokle koxkya, ibu makhange hwome ku ang mong atsikle.

EZEKEL 16:41

Hwome nang hom texle atsunüi ilaxle shekobue ngünle nang to sikangünüi. Nang chinunchakkaile ngokya hia nang mongkün hwom ang hingho koxle ngokya zak ang tomüi.

EZEKEL 16:31

Tingjang lomnu lomkua afikle nange chapabu to shwom angkya pombu zai ilaxle ikhato chinunchakkai mwot mok. Ikoxle mama zangjang tsangtsa hangkya mixchabu ningle nange ngun chilom.

EZEKEL 16:28

“Mamabu füi nang ang mongzom chimüitsuakkya khoma, nang a Asiria nok füito azuile zik. Nang a hwom jipnui ang achangle ngo, ikoxlechu hwome chuwüi nang mongzom amüi ang chitho.

ISAIA 14:25

Kue Asiria nok a ku haxtok Israel ma amütüi ilaxle ku haxnubu ma hwom to cha füi naküi. Asiria nok dang chak tokya tamchu hwome hün angkya hünlit chak tokya kue ku khünaknu danüi.

ISAIA 10:27

Chemtue ija hanpak nguile hüiüihex, kue Asiria nok chak tokya khangkho zangngai ang tomüi, ilaxle hwom dang a hünzom suakto ma hünlix tuita ang münngopu.”

ISAIA 9:4

Chemthüikoxle hwom zothuple ngokya dang nange amadaoa ilaxle hwom suakpong ma fitle ngokya jantom nange awütdaoa. Zan-nokbu to nange lütle tsuakdaoa nang khünaknu to afangle zothup ngokya zan-nokbu a, ami pongma nange Midi nok süpahibu to lütkya lailaile.

MÜNCHUAK-TSAI 78:58

Hwome hwom songsaribu bao shwomnuibu makhange chix mongtsik ang tom, ilaxle hwome chapabu makhange chix tüle shix-ma ang tom.

1 WANGHOMBU 12:32

Judah nok angkya pangpwon lailaile, Jeroboam-e lyetbün achyet lükya nyixbün aga to tuita pangpwon alai. Bethel angkya tö-tsap ma chixe zingle alaikya maihupongsabu ang tö kox. Ilaxle chixe zaile alaikya zangshwomnuibu to zomzingle chang ang chixe zomzingmixbu dan.

1 SAMUEL 12:10

Ifüima hwome hwom to asun angkya hanpakma Jowanpa to nyakle akhong, ‘Kwome ochaxbu lyenle changdaoa, büthüikoxle, Jowanpa, kwome nang hato tok aho ilaxle Bal hia Astarte hwom chapabu to shwomle changdaoa. Nange kwom zanpabu chak tokya khosün hüi, ilaxle kwome nang to shwomtole changüi!’

JIHUSUA 24:26

Jihusua-e ibu kaxtom Zang Wanlom laipex ma zale kop. Ifüima chixe longnu tuita lax ilaxle Ok pünnu fang ma Jowanpa ngwotnui ma ija küile ajong.

JIHUSUA 24:24

Khünaknue Jihusua ang thüi: “Kwome Jowanpa kwom Zang thothale changüi. Kwome chix kaxtombu kax ma laxle tüiüi.”

JIHUSUA 1:16

Hwome Jihusua kax to lan: “Kwome nang kax ma bakle laxüi ilaxle nange atomtom khato kwom paoüi.

TSAITONG-KAXTONG 26:17

Anyix hünzome Jowanpa a hünzom Zang changpule awan ang tompu; hünzom chix kax ma laxle tüi angkya hia ibu wanlom pangwüi thom angkya tsaosaxpu, ilaxle chix kaxtom kax ma laxle moküihexle tsaopu.

TSAITONG-KAXTONG 15:15

Hünzom chuwüi Ijip nok to da ang ngodaokya Jowanpa hünzom Zang-e danpu, ikhoma anyix kue hünzom ang ija kaxtom fapu.

TSAITONG-KAXTONG 5:27

Chatkox, Mosa, ilaxle Jowanpa kem Zang-e akaxkya pangwüi atatle kop-hüi. Ilaxle chixe nang füi chempang akaxpuix ibu kwom hama wünle fahüi. Kwome ija to apaüi ilaxle ija kax ma laxle tüiüi.’

TSAITONG-KAXTONG 4:34

Jowanpa hünzom Zang-e hünzom hanpakma Ijip nok to mokkya lailaile baozang owawae mama jat-li chak tokya alailaxle khünakbu chix khünak ang zingle dan ang mongchongkya baozang tütüichahex? Hünzom mikngün ma chixe chix tsak-zong chongkya twon; chixe kaknu-laknu hia zanhok alai, ohünotün mwotbu mok, ilaxle khompua-atsikle abütkyabu ngai ang tom.

TSAITONG-KAXTONG 4:20

Ikoxle hünzom a Ijip nok to lekya okham-wün chak tokya chix azünkya changle. Anyixkya lailaile chix khünaknu ang lax ang chixe ikhatokya alaipu.

LAIPAO 24:3

Mosa nguilaxle khünaknu hama Jowanpa kaxtombu hia chixe akaxkyabu pangwüi wün; ilaxle khünaknu noke motomle thüi: “Jowanpae akaxkya kax pangwüi ma kwome laxüi.”

LAIPAO 19:8

Ijama khünaknu pangnue notomle lan: “Jowanpae chem akax daopuix ibu pangwüi kwome moküi.” Mosa-e ija Jowanpa hama wün.

LAIPAO 3:8

Ku a Ijip nokbu chak tokya hwom khosün angle nguikya changpu; ilaxle kue hwom ikhatokya, müikya tamchu haxka khaole tüikya; tsomti hia nax-ti shuajen jenle tüikya: Kanan nok, Hit nok, Amon nok, Periz nok, Hip nok, Jebu nok, ibu ngokya Kanan chaxwan to apüi angkya changle.

MIKNGÜN-OHÜN 17:1

Ifüima kaxtaimix anüt kha angkya tuita anüt lükya pe koplaxle tüikya mixe ku hato hüilaxle thüi: “Oman, kue nang hama fuale wünkya tsahangcha, thüikoxle shuajenbu hama zingle tüikya chongkya tingnu tuita to chem sikangün angkya hex ahofang.

1 WANGHOMBU 14:23

Hwome baozangbu to shwom angkya onui zaile kox, ilaxle long-thong küi laxle haxkho hia pünnu-zuanu tong to shwom angkya hanpakma Asherah chapabu zaile alai.

MÜNCHUAK-TSAI 107:14

Hwome thün naktakle zangnak fangto ngokya chifün tokya chixe alai ilaxle hwom to khale thomkya janbüibu akhixle pao ang tom.

JEREMIA 2:31

Israel khünaknu, kue akaxle ngokya to apa koplax. Ku a hünzom zongto sak-hax tuita ningle, zangnaktukle tamchu khompua-zadünle tüidao pia? Ile chichangba, chemkhoma hünzom a hünzom küntsu monglua ma mok-mole ngoüihex, ku hato münchatpule angam?

JEREMIA 3:13

Nang thaidaoa, Jowanpa nang Zang zongto nang zanpa ang changle hüidao ale ngaikox. Nange ku kaxtombu kax ma chilax ikoxle pünnu tong hex athüithüi ma nang mongkün a mixnok baozangbu ang koxle tüidaoa. Ija kax Jowanpae akaxdaoa, le Israel füi akax angkya kax chixe ku füi akax.

JEREMIA 5:5

Khünaknu hato ku tsak-zong füi paoüi ilaxle hwom füi zangwünüi. Hwom Zang-e lomkya hwome tütakoxchu awanle ngole, Jowanpae hwome naxmoksele thütkyabu.” Ikoxlechu hwom pangnusae Jowanpae apün-adakya chilaxle awütle ilaxle chix kax ma münlaxpule angamle.

JEREMIA 13:27

Hünzome chixe anukya mwot mokle changkya chixe ngündaoa. Zwonpong tuita zwonnu tuita to achuale zikpupule hünzom a ma tomzi kakonubu füito zikle ilaxle haxkho hia kotho to hünzom a songsari baozangbu hato paole changkya chixe ngündaoa. Jerusalem angkya khünakbu, hünzom a maxdaoa! Hünzom a chemtue tsaotha laxüi?

HOSIA 4:13

Hwome haxnukho to otsao nui to töbu koxle, ilaxle haxhuabu to chongkya pünnu hia fakfakchak le tüikya pünnubu tong to hwome so zokle shwomle, chemthüikoxle ija zangkhung zakzui ang müile tüikoxle! “Ikhokhoma, hünzom sacha hwom tsangtsa hangkya shekobu ang achang, ilaxle hünzom nomcha hwome chinunchakkaile chang.

KAXFÜNPA-HWOM 2:11

Ifüima Israel khünaknue Jowanpa zongto ochax lyen ilaxle Bal baozangbu to shwom ang süt.

KAXFÜNPA-HWOM 2:13

Hwome Jowanpa to shwomle ngokya zak laxle Bal hia Astarte hwom thothale chang.

KAXFÜNPA-HWOM 10:6

Bal hia Astartebu to shwomkya makhange, tam chuwüi Siria nok, Sidon nok, Moab nok, Amon nok, hia Filistia nok, ibue shwomkya baozangbu to shwomle changkya makhange Israel nokbue Jowanpa zongto ochaxbu lyenle chang. Hwome Jowanpa danle tox ilaxle chix to shwomkya zak.

MÜNCHUAK-TSAI 2:3

Hwome thüi: “Hwome apün-adakya fang ma kem taxngohax; hwome kem to akumathumle chang ang taxtomhax.”

HOSIA 1:2

Chemtue Jowanpae Israel nok füi Hosia makhange pongwang lükya zangwün ang sütpuix, chixe Hosia ang thüi: “Paokox ilaxle pongwang ma kako tanle koplax; nang kakonu a tüle osün müikya mixcha tuita changüi, ilaxle nang naosombu chuwüi she lailaile sule tüiüi. Ija lailaile ku khünaknue ku danle toxdaoa ilaxle chichangchizangle tüikyabu ang achangdaoa.”

HOSIA 9:1

Israel khünaknu, songsaribu ningle hünzome pangpwon saxle ngokya zakün. Hünzome a hünzom Zang hato tok ahodaoa ilaxle chix to mongong chitüile hünzom ngole hüile. Chaxwan faole hünzome tsangtsa hangkya khünakbu ningle ma alüile Bal baozang ang hangdaoa ilaxle chixe hünzom ang omün ang koxpule thütkya saxziak to mongkünle changdaoa!