JEREMIA 2:2 - OTSAO BAIBEL (BSI)

² Jerusalem ma tüikya pangnusa hato ija kaxho fa angkya akax: “Nang naosom pongma chemtukux mongong ma chiale le tüikya hex kue münalak, künyi aju-asomle chang tanto owangpongma nange ku to tüle mongkünkya dai; sak-hax akaile nange ku mantole azüi, thomo-manzaile chichangkya haxtok akaile a.

JEREMIA 2:2 ပူးပေါင်းရင်းမြစ်များ

EZEKEL 16:60

Ikoxlechu nang naosom ma tüitanto nang füi zingkya ku tsaotsüt bama kue achuak-achenle changüi, ilaxle tamchu chiashuk tox angkya tsaotsüt kue nang füi zingüi.

EZEKEL 16:8

“Anaole chu ku emakhange lekya zuma, nang a mongkün dong angkya hanpak nguile tsongdaoale kue ngün ang kop. Kue ohua ma ngokya nang tsawan to ku nyipongnu füi awunle kox ilaxle nang to mongkün angkya tsaosax. Changle, kue nang füi aju-asomkya tsaosax, ilaxle nang a ku kux ang achang.” Ija a Jowanpa Khüthak Zang-e chem akaxpuix ija changpu.

JEREMIA 11:6

Ifüima Jowanpae ku füi akax: “Judah tingnu hia Jerusalem tingjang lomnu to paokox. Ikhato ku kaxho laxkox ilaxle khünaknu ang Tsaotsüt füikya zangwün to nathale apa angkya ilaxle ibu kax ma laxle tüi angkya akaxkox.

TSAITONG-KAXTONG 2:7

“Chemthüikoxle Jowanpa nang Zang-e hünzom mwot pangnu lom ma hünzom to mohimanle hüidaoa; ipong chongkya faonu mong akaile ahamkya chixe awan ngole; ibu zanglao punyi mong ma Jowan Zang hünzom füi womle tüikya, ipongma hünzom chemmachu tui-nole chichang.

HOSIA 2:15

Kue she kux grep haxtok achatle koxüi ilaxle tingtui haxsha a monghom kafülom ang achangüi. She Ijip nok tokya nguitanto, she tuita naocha ma tüipongma ku kax to lankya ningle she-e ikhato ku kax to lanüi.

JEREMIA 2:6

Hwome ku tüi jaojao chitex. Ijip nok tokya hwom kue sünle apüihupu ilaxle sak-hax faokha akaile kue hwom azuipu: Sak hia sak haxbange awangle tüikya haxtok, zuazoxkya hia thomzün tüikya haxtok ojong khato owachu chingo ilaxle owa ngaxchu ahamle chichangkya haxtok.

TSAITONG-KAXTONG 8:2

Jowanpa hünzom Zang-e hünzom zanglao punyi mong ma sak-hax faonu akaile chemle azuile apüipuix; hünzom mongjang awan ang tamtampong chixe sikngün apong ang tom, imakhange, hünzome chix kax ma laxle chitüi hia tüi ija awanle lax.

LAIPAO 14:31

Chemtue Jowanpae Ijip nok to lüt ang chix tsak-zong chongkya ahokya Israel noke ngünle laxpuix, hwom a Jowanpa thuaza. Hwome Jowanpa hia chix dapa Mosa hokhi to mongong.

MATHI 11:15

Hünzom ma na jangzaiba apahüi!

KAXHO MÜIKYA LUK 12:13

Üntoxle othom kha angkya mixhuak tuitae chix ang thüi: “Nwotmix, atüi hama apae dantoxkya tingtok ku füi ahan angkya akaxkox.”

JONA 1:2

Chixe thüi: “Ija chongkya tingnu Ninewi to paokox ilaxle ija füi akaxkox; ikha angkya khünakbu chemtukuxle chichang-chizangkyabu hex kue tikle ngole.”

HOSIA 8:1

Jowanpae thüi: “Tinglyet kox! Ola jukya ningle zan-nokbu ku haxtok to jule ngole! Ku khünakbue hwom füi tsaokya ku tsaotsüt amadaoa ilaxle ku hwon-nwot zongto zan ang changdaoa.

EZEKEL 23:19

She a amipongkya füingaxchu sisi-mix tsangtsa hangkya mixcha ang achangle pao, ilaxle ami naocha pongma Ijip nok to mokpupule mokle ngo.

EZEKEL 23:8

Ijip nok to ngopongma naocha chang zakle oja tsangtsa hangkya mwot mokle hüipuix ija tamchizak. She naochasa ang ngotan tokhange wüi, lükabu she füi jip-pomle she a tuita tsangtsa hangkya mixcha thama twonle hüi.

EZEKEL 23:3

Chemtue hokhi naosa ma tüikya hex, Ijip nok to ngole tüipongma, ikhato naocha chang zak ilaxle tsangtsa hangkya mixcha nyi ang achang.

EZEKEL 16:22

Nange ma tsangtsa hangle nushix dongkya mwot mokle ngopongma nang naosom pongkya tsün onox tuita ma ngaxchu thütle chiatak: nang ma aji to wotle tomlomle ohua ma ngopongkya a.”

JEREMIA 19:2

ilaxle Tik zingnui Zünkai makhange Hinnom Haxsha to pao angkya chixe ku füi akax. Ikhato kue chixe ku ang koxkya kaxho apuk angkya chang.

ISAIA 58:1

Jowanpae thüi: “Tsuakkya pongle hünzom akhong kox! Ku khünaknu Israel nok hama hwom ochaxbu apuale laxkox!

TSAITAX-NGAONÜI 3:11

Zaion angkya mixchabu, wanghompa Solomon to hu ang nguilax. Chix a, chix ma wangcha apüile mongmüi atungkya nyix, honue chix khang ma sünle koxkya khohom sünlaxle tüile.

WANWÜNKAX 1:20

Apakoplax! Tingjang-lomnu hia thalex-nuibu to je-hwone nyakle ngole,

LAIPAO 16:8

Ifüima Mosa-e thüi: “Jowanpae aja hansonge hünzom ang müisax ang koxüi ilaxle ngainop a hünzome chemtukux saxüihexle an koxüi; chemthüikoxle hünzome chix to chemtukux kaxthup-ngaotünle changpuix, chixe atatdaoa. Chemtue hünzome kwom to kaxthup-ngaotünle changpuix, ija a hünzome Jowanpa to kaxthup-ngaotünkya changpu.”

JAKOP 4:4

Hünzom chaxwannu zuikhui ang achangkya a Zang zongto zan ang achangpu le hünzome matsing hia? Hünzome chaxwannu zuikhui ang ngose tsukya a malailai to Zang füi zan ang achangpu.

MIKNGÜN-OHÜN 2:4

Ikoxlechu nang ang kue thüipu: Ami owang pongkya ningle nange ku to mongkünkya müntüi.

MÜNCHUAK-TSAI 129:1

Israel, nang naosom ma tüitan tokhange wüi chemle hünzom zanpabue sikngün fale hüipuix, ija kwom hama wünhüi.

JEREMIA 2:1

Jowanpae ku ang

JEREMIA 3:4

“Ikoxle athax nange ku ang thüipu, ‘Nang a ku apa changle, ilaxle nange ku to naosa tanto khange wüi mongkünle hüipu.

HOSIA 2:7

She a ma mongkün hwom füito ziküi ikoxle she-e hwom kop ang münthüi. She-e hwom lomüi ikoxle hwom chiataküi. Ifüima she-e thüiüi: “Ku a owang pongkya ku kakopa hato chatüi: athax pongkya füi ku chifün amipongma wüi sümüikya changpu.”

TSAITONG-KAXTONG 33:3

Jowanpae chix khünaknu to mongkün ilaxle chix kux ang ngokyabu kho-awa. Ikhoma kwom chix chitong ma akhux ilaxle chix kaxtombu kax ma lax.

TSAITAX-NGAONÜI 3:6

Wünkhut ajutkya ningle chemsa hüingopuix sak-haxchi tokya a, thalex mixbue hangkya ongan müikya ongan müikya jing-so ngan ma zingwüi zing namngan le?

HOSIA 2:17

Kue she ang tamchatle Bal mün lünle chang ang müntom.

HOSIA 9:10

Jowanpae thüi: “Chemtue kue pongwang ma Israel atakkya hex, ija a sak-hax to nyemle ngokya tuita grep zu ningle changkya. Chemtue kue hünzom putong hwom owangole ngünpuix, ija a jumtukhae pongwang ma jumkya fupsa jum lailaile tüikya. Ikoxlechu chemtue hwom Peor Haxnu to nguipuix, hwome Bal to shwom ang süt ilaxle lebama wüi hwome mongkünkya baozang Bal lailaile hwom ku dyenkyabu ang achang.

HOSIA 11:1

Jowanpae thüi: “Chemtue Israel a naosa tuita changkya hex, kue chix to mongkün ilaxle kusa ningle kue chix Ijip nok tokya nyakle apüi.