JEREMIA 2:19 - OTSAO BAIBEL (BSI)

¹⁹ Hünzom ochaxe hünzom towüi sikngün fa angkya changpu, ilaxle hünzome ku hato tok ahokyae hünzome wüi thajao kop angkya changpu. Jowanpa hünzom Zang ku awütle toxkya chemtukux khaxkya hex tamchu thaikya hex ija hünzome awanle laxüi, ilaxle hünzom mongong tüikya füi ku ma ngo ang chikople changüi. Ku, Jowanpa Khüthak Zang-e ija akaxdaoa.”

JEREMIA 2:19 ပူးပေါင်းရင်းမြစ်များ

ISAIA 3:9

Hwome Zang ang oma thüikya hwom hato wüi alüile chatüi. Sodom nok lailaile hwome ngaithole ochax lyenle. Hwom a maxdaoa, ilaxle ija hwome hwom hato alüile apüilaxpu.

JEREMIA 4:18

Nang ngokya zanglao hia nange mokle hüikya mwotbu makhange Judah nange ija nange alüile nang hato apüilaxpu. Nang ochaxbu makhange ija thangnak apong ang tomlaxpu; ijae nang mongtsang apatle tsundaoa.

JEREMIA 2:17

Israel, nange alüile ija nang ding a nange apüilaxpu. Jowanpa, nang Zang ku nange awütle toxlaxpu, lomjang fole kue nang lom azüingale-a.

MÜNCHUAK-TSAI 36:1

Chichangchizangkyabu füi ochaxe hwom mong othongdua to zangwünle; hwome Zang awütle üntoxle chix chathua zakyajao müntüi.

HOSIA 5:5

Israel khünaknue hwom kax-kax ma chilaxlaxba le tüikya tutexe hwom zongto apüile akhong ngole. Hwom ochax hwom asu ang tamchu ati ang tomle, ilaxle Judah angkya khünakbu chuwüi hwom füi tomtomle atile.

AMOS 8:10

Kue hünzom pangpwon a mangtsakya ang achangüi ilaxle hünzom mongmüi tsai ang mongma tsai ang achangüi. Kue hünzom khang ongle tamchu nyikhwon apongle chang ang tomüi, ilaxle hünzom a, nao tuita wüi tüikya zile paokya nu-pa hwom ang achangüi. Ija nyix a oshuk kople tüle khax wüi khaxle changüi.

HOSIA 11:7

Hwome ku hato tok aho angkya wüi zong. Hwom khangkho ma dangzem khoma hwom akhongle sopüi, ikoxle hwom khangkho angkya ija owaechu nwonle chifaüi.

JEREMIA 5:6

Ikhoma faokha tokya mailang tuitae hwom langüi, faokha tokya shwonbue hwom ashikle akhixüi, ilaxle fuachaxbu hwom tinglong afünle leüi. Khünak ibu kotok to laile jangchang, hwom a ashikle akhixüi chemthüikoxle hwom ochaxbu a huanu changle ilaxle onoxnox to hwome Zang hato tok ahole.

ROM NOK HATO ZAKYA POL LAIZA 3:18

tamchu Zang thua za angkya awanle chilax.”

ZEKARIA 7:11

“Ikoxlechu ku khünaknue ibu ku kax to kheba chithüi. Hwome hwom khangkabu zim

HOSIA 14:1

Hünzom Israel khünaknu, Jowanpa hünzom Zang hato chat-hüi. Hünzome ochaxe hünzom asua ang tamchu ati ang tomle.

JEREMIA 8:5

Jangchangba, ku khünaknu, chemthüikoxle hünzom ku hato ojao tamchichatle tok ahole paopu? Hünzom a hünzom chapabu füi mongkün shingmongle chang ilaxle ku hato anongle münchatpule angam.

HOSIA 4:16

Israel khünakbu a mansabu lailaile mongwüi batuk le. Wundom to chun tuxkya ningle kue hwom chemle tuxthoüi?

JEREMIA 5:22

Ku a Jowanpa changle; hünzom a ku thua büthüikoxle chiza? Ku tunthoma hünzom büthüikoxle zale abünkya chitüipu? Kue otuechu chikai angkya jento ngo angkya tinu füikya longzi tuita a sak danpu. Tinu tüle-tüle achap lechu chang koxlax; ikoxlechu ija a tanle thomdaokya longzi akaile ija münchong; tichap huanuma azaxle chu chang koxlax, ikoxlechu ibue ija longzi mün ama.

JEREMIA 3:22

Jowanpa hato tok ahole paokyabu hünzom pangwüi chat-hüi; chixe hünzom kak amüiüi ilaxle mongong tüikyabu ang achangüi. Hünzome thüi: “Changle, kwom a Jowanpa hato chatpu chemthüikoxle chix a kwom Zang changle.

ISAIA 50:1

Jowanpae thüi: “Khünak tuita chix kakonu apaokya ningle kue ku khünakbu apaopule nange thütpia? Jangchangba, afan angkya laiza ojong? Khünak tuitae masa da ang hangkya ningle kue hwom zanda ang koxle apaopule nange thütpia? Ile münchang, hünzom zanda ang hünzom ochax khoma paopu; hünzom mütkopbu khomale hünzom koxle apaopu.

ISAIA 5:5

“Kue ku grep haxtok to ile mok angkya changle; kue ija akhople tüikya tsawat paoüi, ija to tsyenle thomkya katuk atsunüi, ilaxle faomüie ibu naxsaxkox tamchu nakle naxakhixkox.

WANWÜNKAX 5:22

Chichangchizangkya khünakbu ochax a kam thakya tuita changle. Hwom a ma ochax sha ma alüile manle.

WANWÜNKAX 1:31

Ikhoma hünzome chem kopse hex ija hünzome kop angkya changle, ilaxle hünzom ma mwote alüile okak ang achangüi.

WANWÜNKAX 1:32

Jali lople hüidaokya khünakbue ku je-hwon chilaxle changkya khoma hwom mik max angkya ataküi. Ongat khünakbu a ija to mongkoxle chitüikya khoma thama apongle maxüi.

JEREMIA 5:24

Kue tsosa zangwat hia watun zangwat ajo laxle zanglao foto otutu ma puamün ang tomkox ngaxchu, hünzom ku achuak-achen angkya mong ma otuechu texle chiatak.

EZEKEL 39:24

Hwom chitsaokya hia chichangchizangle tüikya khoma chem kopse hex ija hwom ang kox, ilaxle kue hwom hato tok aho.”

HOSIA 7:2

Ibu ochax kue mong ma kople thom angkya le hwon khangka ma ojao chiale; ikoxle hwom ochaxe hwom to akanle kop, ilaxle ibu chingünle kue tsiaktox ang chitsuak.”

HOSIA 13:9

“Kue hünzom amütüi, hünzom Israel khünaknu! Ile chang füima hünzom to owae asunthoüi?

MIKA 1:5

Israel khünaknue ochax lyen ilaxle Zang zan to kale changdaokya khoma ibu ile changüi. Israel noke Zang zongto tüikya bama owa ma tsaitox kaxfele changüi? She jaoechu chapabu to shwomtole thaidaokya khoma Judah angkya pongwün tingnu Samaria ma feüi hia? Jerusalem ma jao feüi hia?

LAIPAO 33:6

Ikhoma Sinai haxnukho angkya hwom achexkya makhange athaxpi Israel khünaknue likwün chemchu chilax.

KAXFÜNPA-HWOM 10:13

Ikoxle chuwüi hünzome ku danle toxpu ilaxle mama baozangbu to shwom ang sütpu, idaile athaxpi kue hünzom kho münsün ngoüi.

1 WANGHOMBU 18:18

Elija-e lan: “Ku a tingtui adünle ngokya mix münchang, ikoxle nang ang tingtui adünle ngokya mix changpu, nang tata chichangle hünpa hünkhi pangnyi wüi tingtui adünkya mix changle. Hünzome Jowanpa kaxtom kax ma chilaxle ilaxle Bal chapabu to shwompu.

2 PUKAX-PANGAO 12:5

Ajepa Shemaiah nguilaxle, Shishak thoto paole azang ang Jerusalem ma asoxle tüikya wanghompa Rehoboam hia Judah nok lompabu füi akax. Chixe hwom ang thüi: “Ija a hünzom hanpak ang Jowanpa kax changpu: ‘Hünzome ku awütdaoa, ikhoma athax kue hünzom a Shishak chak to koxpu.’”

2 PUKAX-PANGAO 21:10

Imakhange Edom nok a othuithui hanpak ang Judah nok chak tokya pongwün nok ang achangle pao. Jehoram-e Jowanpa, hwom pupa hwom Zang hato tok ahole changkya khoma, ipong ponge wüi Libnah nok chuwüi hwom füi alünle ajong.

2 PUKAX-PANGAO 25:16

Ija kax apale Amaziah-e thüi: “Chemtu makhange kwome nang wanghom zün angkya wangnak-wangshem ang achang daopu? Nange taxakax ngo, kue nang langle awüt langa!” Ajepa kax zak, ikoxlechu chixe ija kax tsuakle tox: “Nange ibu mwot mokkya hia ku zünkax-saikax to na chithale changkya khoma, athaxpi Jowanpa nang mik amüt angkya mongzangwünle tsuakdaoale kue awandaoa.”

JEREMIA 1:16

Hwome ochax lyenle changkya khoma kue ku khünaknu to sikangünüi; hwome ku danle toxle, ilaxle mixnok baozangbu ang töbu koxle, tamchu hwom chapabu zingle ilaxle ibu to shwomle.

JEREMIA 7:19

Ikoxle hwome mong amakya otsing tomtata ma ku changchami? Münchang, hwome hwom to alüile mak-khapu ilaxle alüile hwom hato wüi thünzak apüipu.

JEREMIA 13:22

Nang to ibu büthüikoxle changpuix: nang nyi büthüikoxle akyet puix ilaxle nang to shing-nünle changpuixle nang jangatüi: ija a nang ochax khom-atsikle changkya khoma changle.

EZEKEL 23:30

nang hato iningkyabu apüipu. Nang a chaxwannu nok hanpakma tsangtsa hangkya mixcha tuita changle ilaxle hwom chapabu makhange nang a chitsaokya ang achangdaoa.

HOSIA 9:1

Israel khünaknu, songsaribu ningle hünzome pangpwon saxle ngokya zakün. Hünzome a hünzom Zang hato tok ahodaoa ilaxle chix to mongong chitüile hünzom ngole hüile. Chaxwan faole hünzome tsangtsa hangkya khünakbu ningle ma alüile Bal baozang ang hangdaoa ilaxle chixe hünzom ang omün ang koxpule thütkya saxziak to mongkünle changdaoa!