JEREMIA 2:17 - OTSAO BAIBEL (BSI)

¹⁷ Israel, nange alüile ija nang ding a nange apüilaxpu. Jowanpa, nang Zang ku nange awütle toxlaxpu, lomjang fole kue nang lom azüingale-a.

JEREMIA 2:17 ပူးပေါင်းရင်းမြစ်များ

JEREMIA 4:18

Nang ngokya zanglao hia nange mokle hüikya mwotbu makhange Judah nange ija nange alüile nang hato apüilaxpu. Nang ochaxbu makhange ija thangnak apong ang tomlaxpu; ijae nang mongtsang apatle tsundaoa.

JEREMIA 2:19

Hünzom ochaxe hünzom towüi sikngün fa angkya changpu, ilaxle hünzome ku hato tok ahokyae hünzome wüi thajao kop angkya changpu. Jowanpa hünzom Zang ku awütle toxkya chemtukux khaxkya hex tamchu thaikya hex ija hünzome awanle laxüi, ilaxle hünzom mongong tüikya füi ku ma ngo ang chikople changüi. Ku, Jowanpa Khüthak Zang-e ija akaxdaoa.”

JEREMIA 2:13

chemthüikoxle ku khünakbu ochax oli anyi lyendaoa: hwome ku hato, tsaothakya tümik hato tok ahodaoa, ilaxle hwome titungbu thole changdaoa, ti kople thom ang chimüikya titungbu a.

HOSIA 13:9

“Kue hünzom amütüi, hünzom Israel khünaknu! Ile chang füima hünzom to owae asunthoüi?

MÜNCHUAK-TSAI 107:7

Chixe hwom tangthokya lomnu to zunle pao, hwom ngotho angkya tingnu to a.

MÜNCHUAK-TSAI 77:20

Mosa hia Arun nyi ma hünlit koxlaxle, Chunnyetpa tuita lailaile nange nang khünaknu lomzun.

ISAIA 1:4

Ochax jat-li tamchu laxli chitüikya hia chichang-chizangkyabu, hünzom a müt-shua! Hünzom ochaxe hünzom bele jole! Hünzome hünzome Jowanpa, Israel nok otsao Zang pongle chikop ilaxle chix hato hünzome tok ahole changdaoa.

MÜNCHUAK-TSAI 136:16

Chixe chix khünaknu sak-hax makhange alyet; chix mongkün ma oshuk müntüi.

JOB LAIPEX 4:8

Ochax manzai üntoxle ochax liwüi saikya kue ngünle hüipu; athax ibue chimüikya hia ochax oziak-opua athünle ngopu.

1 PUKAX-PANGAO 28:9

Anaole chixe Solomon ang thüi: “Ku sasün, nange hünpa ku Zang to otsing changpule ngaitsuak angkya oli changpu ilaxle mong züizüihanle chichang homtoxle mongtsutsule chix thotha angkya changpu. Chixe kem küntex-mongsung komkaile tsingle. Nang chix hato hüile jangchang thüiningle, chixe nang a pongle kopüijao; ikoxlechu nange chix hato tok ahole jangchang, chixe othuithui hanpak ang nang a awütüi.

TSAITONG-KAXTONG 32:19

“Ija ngünkya zuma Jowanpa ang mongma ilaxle chix sasün hia sacha hwom chilaxle awüt.

TSAITONG-KAXTONG 32:10

“Chixe hwom a sak-hax to hamhamle ngokya atakle lax, khünak chingokya kha, zangwin wuwukya faokha. Chixe hwom kho awa ilaxle akox-akomle hume, chixe ma khosün pupule.

HUAKE LAIPEX 32:23

Ikoxle hünzome ija hünzom kaxtsao chithom thüiningle, kue hünzom ang kaxkhün fapu, hünzome Jowanpa zongto ochax lyenle changüi, hulax. Ija bama hünzom thaile taxkopünlax; hünzom ochax khoma hünzome sikngün apong angkya laiüia.

JEREMIA 5:25

Itülüi, hünzom ochaxbu khoma müikya oli ibu hünzome kop ang chitomle abaxle tüile.

JEREMIA 13:22

Nang to ibu büthüikoxle changpuix: nang nyi büthüikoxle akyet puix ilaxle nang to shing-nünle changpuixle nang jangatüi: ija a nang ochax khom-atsikle changkya khoma changle.

JEREMIA 19:4

Khünaknue ku chilaxle awütdaoa ilaxle ija onui ma mama baozangbu: baozangbu oja hwomechu chitik, hwom pupabue chitik ilaxle Judah nok wanghombue chuwüi chitik, ibu ang hwome töbu apüile koxkya tokhange ija onui akhudaoa, ikhoma kue iningle mok angkya jao changle. Hwome ijongkha a chemngax chichangkya khünakbu ajie awangdaoa,

JEREMIA 44:3

chemthüikoxle hwom khünakbue ochax mwot mok ilaxle ku ang mongtsik adünle changdaoa. Hwome mama baozangbu ang zokle ashunle töbu kox ilaxle hünzomechu tamchu hünpu hünpa hwome shwomle chihüikya baozangbu thothale changdaoa.

EZEKEL 39:24

Hwom chitsaokya hia chichangchizangle tüikya khoma chem kopse hex ija hwom ang kox, ilaxle kue hwom hato tok aho.”

2 PUKAX-PANGAO 15:2

ilaxle chix a wanghompa Asa füi apong ang pao. Chixe nyakle thüi: “Wanghompa Asa, tamchu Judah hia Benjamin ma ngokya khünaknu, ku kax to apahüi! Hünzom chix füi ngokya kople Jowanpa a hünzom füi tüipu. Hünzom chix lomle jangchang, chixe hünzom ang chix atak ang tomüi, ikoxlechu hünzome chix hato tok ahole jangchang chixechu hünzom hato tok ahoüi.

JOB LAIPEX 34:27

Chemthüikoxle hwome chix füito azuikya zakdaoa, üntoxle chix kaxtombu ajaodaoa.

WANWÜNKAX 15:10

Nange chem thaipuix ija jangmok thüiningle, nang a huanuma sikngün ang tomüi; nang alüile achangle zingle chihüi thüiningle nang ziüi.

ISAIA 59:13

Kwome nang zongto alünle changdaoa, nang chilaxle awütdaoa, ilaxle nang man müntopu le angam daoa. Kwome mix to afangle thom ilaxle nang hato tok aho. Kwom tutex a othai changpu; kwom zangwünbu a thaipu.

MIKA 1:5

Israel khünaknue ochax lyen ilaxle Zang zan to kale changdaokya khoma ibu ile changüi. Israel noke Zang zongto tüikya bama owa ma tsaitox kaxfele changüi? She jaoechu chapabu to shwomtole thaidaokya khoma Judah angkya pongwün tingnu Samaria ma feüi hia? Jerusalem ma jao feüi hia?