JEREMIA 2:15 - OTSAO BAIBEL (BSI)

¹⁵ Hwome chix to mailangbu lailaile tsele; hwome chix haxtok a sak-hax ang achangdaoa, ilaxle chix tingnubu amale toxdaoa, komkaile ohua ang achangle dantoxdaoa.

JEREMIA 2:15 ပူးပေါင်းရင်းမြစ်များ

JEREMIA 4:7

Azwonle ngokya mailang laile hüikya ningle, jat-libu hato ngui angkya thama achexüna. Chix a Judah amüt ang nguile ngole. Judah angkya tingnubu pünle ama toxüi, ikhato owachu münngoüi.

JEREMIA 50:17

Jowanpae thüi: “Israel khünaknu a, mailangbue achuale asamkya chunbu ningle changpu. Pongwang ma hwom to Asiria chongwangpae singpu, ilaxle Babilon nok wanghompa Nebukadnezar-e hwom za jao shaole akhixpu.

JEREMIA 9:11

Jowanpae thüi: “Kue Jerusalem a pünle amadaokya tamting ang achangüi, hijanbu ngwotnui ang achangüi; Judah tingnubu a sak-hax ang achangüi, owachu chingokya onui tuita ang a.”

ISAIA 5:29

Mailangbu müi langlaxle owaechu chix chak angkya owaechu pale chipao tho angkya nui to paolaxle tsekya ningle süpahibue sungdünle azax.

ISAIA 1:7

Hünzom haxtok a komkaile amadaoa ilaxle hünzom tingnubu a zokle ashunle hax to adütdaoa. Hünzome hule ngongale, zannokbue hünzom haxtok lax üntoxle pangnu olithu ang tom.

ZEFANIA 3:6

Jowanpae thüi: “Kue jat-libu pangwüi hwotle amütdaoa; kue hwom tingnubu amadaoa ilaxle ibu pan katuk hia zanhunuibu amale toxdaoa. Tingnubu ma owachu münngo; tingjang lomnubu ahuasak--ikhato owachu chitox.

ZEFANIA 2:5

Hünzom Filistia nok, opang tinu achole ating-anokle tüilaxpuix, hünzom olithupu. Jowanpae hünzom hanpakma zangwün tsuakdaoa. Chixe hünzom olithuüi, ilaxle hünzom mixhuak tuita danle chitoxüi.

ZEFANIA 1:18

Jowanpae chix chabüt-lasün ngünle laxkya nyix, hwom ma tüikya hun hia khopbue ngaxchu hwom khose ang müntho. Chaxwannu komkaile chix mongtsik wün füi bakle amütüi. Chixe chaxwan tok ma ngokya noknusa hato sünto ashuk angkya chaxwan zanghan apüile faüi.

NAHUM 2:11

Athax tingnu a ojong mailangbu longkun ningle ngokya tingnu a, mailang hosabu tuxle ngokya onui a, mailang honu-hola hwom ojong to le tamchu hosa hwom a chemle azünüi?

AMOS 3:12

Jowanpae thüile: “Chun-nyetmixe mailang süt-ta chun ochak anyi hia omik tuita wüi atak ang thokya ningle, Samaria nok changtwon-nyiwun wanmüile ngokya Israel khünakbu a, toxnyitua muale tamchu lya cha tuipong wüi koplaxle hidaole wüi azang ang thoüi.

AMOS 3:8

Chemtue mailang ahungle changüihex, chizale owa ngothoüi? Chemtue khüthak Jowanpae zangwünle changüihex, ija kaxho chingaile owae mongto thom ang thoüi?

AMOS 3:4

Chixe osüt atakle machang tanto faokha to mailang ahung zai chami? Hwom longkun to, tütali koplaxle lüwüi chichangthüi: mailang hosa twom-twom-hale füt zai chami?

HOSIA 11:10

“Kue hwom zanpabu to mailang ngao ma ngaole achua pongma ku khünaknu a ku füima azüi angkya changle. Hwom a hannop chitokya ku hato nonokhaile nguiüi.

HOSIA 5:14

Kue Israel hia Judah to mailangpa lailaile shingle hüiüi. Kujaoe hwom ashikle akhixlaxle dantoxüi. Chemtue kue hwome linle paoüihex, owaechu hwom khosünle kop ang chithoüi.

EZEKEL 5:14

Hünzom zui makhange le-zyenkya ting-nok pangnusae hünzom tunthoma kam thaüi ilaxle hünzom füi atsaile ngoüi.

JEREMIA 44:22

Anyixkha hünzom haxtok a pünle ama thomdaoa ilaxle ikhato owachu münngo. Jowanpae hünzom chichang-chizangkya hia ochax mwotbu füi adu ang chithokya tokhange, ija a mikngün zongma za-adünkya tuita ang changdaoa, ilaxle khünaknue ija mün a othuak-ozom lom ma lünle.

JEREMIA 34:22

Kue hwom ang kaxkoxle changüi ilaxle hwom a ija tingnu hato chatüi. Hwome ija to singüi, ija hwople kopüi, ilaxle ija zokle ashunüi. Kue Judah angkya tingnubu a owachu chingokya sak-hax ang achangüi. Ku, Jowanpae ija akaxdaoa.”

JEREMIA 33:10

Jowanpae akax: “Khünaknu thüile, ija onui a sak-hax ningle tüile, ikhama khünak hia müi chemchu müntüi. Ilaxle hwom a otsingtsing changle; Judah angkya tinglongbu hia Jerusalem tingjang lomnu pangwüi ahuasakle tüile; ikhama khünak hia müi chemchu münngo. Ikoxlechu ija onui ma hünzome tamchatle ozing atat ang kopüi,

JEREMIA 26:9

Jowanpa mün lünlaxle nange ija Zangshwom-Hom Shiloh ningle achang angkya tamchu ija tingnu pünle ama laxle owachu chingokya onui ang achang angkya büthüikoxle akaxpu?” Ipongma ku akhople khünaknu asox.

JEREMIA 25:30

“Jeremia, nange kue akaxkax pangwüi apuk angkya changpu. Nang ibu khünaknu hama ija kax akax angkya wüi: “‘Jowanpae zangding tokhange tseüi ilaxle zangkho tokhange zang atsaküi. Chixe chix khünaknu zan to kale tseüi; chix a grep ziak fyetkya khünak ngaokya ningle akhongüi. Chaxwannu angkya noknusae chix zing atatüi,

JEREMIA 5:6

Ikhoma faokha tokya mailang tuitae hwom langüi, faokha tokya shwonbue hwom ashikle akhixüi, ilaxle fuachaxbu hwom tinglong afünle leüi. Khünak ibu kotok to laile jangchang, hwom a ashikle akhixüi chemthüikoxle hwom ochaxbu a huanu changle ilaxle onoxnox to hwome Zang hato tok ahole.

ISAIA 24:1

Jowanpae chaxwannu a ohua ang achangüi ilaxle ija chilaxli ang dantoxüi. Chixe chaxwan thün nongnong-püilüile achangüi ilaxle ikha angkya khünaknu chiakle asamüi.

ISAIA 6:11

Kue atüi: “Ija, iningle chemtukux changle ngoüi?” Chixe lan: “Tingnu maxlaxle tamting ang machang tanto: chaxwan longkho jaojao owachu chingokya nuiting ang achangle awütle matox tanto, ile ngoüi.

ISAIA 5:9

Khüthak Jowanpa kax kue atatdaoa: “Ibu chongkya hia osün müikya homnubu homhua ang achangle paoüi.

MÜNCHUAK-TSAI 57:4

Ku a Zanpabue akhople tüile, hwom a khünak müi saxsele woknuak ma ngokya mailang ningkyabu changle. Hwom owabu a paxtun hia santun ningle junle; hwom lebu a tüle anaxkya changlo ningle tüile.

JOB LAIPEX 4:10

Ochax khünak mailangbu ningle ahungle üntoxle akhwomle; ikoxchu Jowanpa-e hwom adangle üntoxle owabu hingle.

KAXFÜNPA-HWOM 14:5

Ikhoma Samson a honu hia hopa nyi laxlaxle Timnah to ju. Ikhatokya grep haxtok akaile hwom le le ngopongma, chixe ikhato mailang hosa tuita ahungkya atatle lax.

JEREMIA 51:38

Babilon nok pangwüi mailang ningle ahungüi ilaxle chaxnu hosabu ningle akhwomüi.

EZEKEL 36:3

“Aje-kox, ilaxle ku, Jowanpa Khüthak Zang-e akaxkya kax ija tsingang tomkox: Chemtue tomzi nokbue Israel haxnubu hwople koplaxle amale changpuix, noknusae Israel nok wanjaile chang.

ZEKARIA 11:3

Mongmax laxle wanghombu sop; hwom fuazang athax samdaoa! Mailangbu ahungkya zing apalax; Jordan shuanu achole tüikya, hwom hom ang ngokya faonu amütdaoa!

JEREMIA 6:8

Jerusalem angkya khünaknu, ija sikngün a hünzom khünzai angkya hanpak khünzai kax ang naxchang, ile chichang thüiningle kue nang danle awütüi; kue hünzom tingnu a tuita sak-hax ang achangüi, ikhato owachu münngoüi.”

JEREMIA 9:10

Kue akaxpu: “Kue haxhuabu mang sople changüi ilaxle müitsomnuibu hanpakma mikfi ajenüi, chemthüikoxle ibu a zile zandaoa, athaxpi ibu akaile owachu münaham. Tsom-pom ahamkya zing ikhato münatat; fao osa hia fao müibu pangwüi paole samdaoa.”

JEREMIA 10:22

Apalax! Kaxho hüidaoa! Shuakuxchi ma tüikya nok tokya zandün zing huanuma tüile; hwom süpahibue Judah tingnu a sak-hax ang achangüi, hijanbu ngokya onui tuita ang a.”

JEREMIA 25:9

‘Kue noknusa hanpakma shuakux chitokya khünakbu ahüiüi ilaxle ku da hanpak ang Babilon nok wanghompa Nebukadnezar ahüiüi. Kue hwom a Judah hia ima tüile ngokya khünaknu tamchu tomzi nok pangnusa füi azan ang apüiüi. Kue ija jat-li hia tomzi nokbu pangwüi amütüi ilaxle othuithui hanpak ang olithule amatoxüi, ija a mikngün ma tuita khomtsikya hia abüt angkya oli changüi. Ija kax, Jowanpa kue akaxdaoa.