JEREMIA 2:13 - OTSAO BAIBEL (BSI)

¹³ chemthüikoxle ku khünakbu ochax oli anyi lyendaoa: hwome ku hato, tsaothakya tümik hato tok ahodaoa, ilaxle hwome titungbu thole changdaoa, ti kople thom ang chimüikya titungbu a.

JEREMIA 2:13 ပူးပေါင်းရင်းမြစ်များ

JUHAN 4:14

Ikoxle opange kue fakya ti linglaxüi hex, ibu ang ti tamchatle münlanüi; ikoxle kue chix ang fakya ti a, chix ma otuechu chizople fuakle lai ngokya timik ang achangüi.”

JUHAN 7:37

Athax pangpwon ashukkya tamchu akhokya nyix Jisu ajonglaxle azaxle thüi: “Owawa ti alanle ngokya mix jangtüi, chix ku hato nguilax, ilaxle ti linglax;

JEREMIA 17:13

Jowanpa, nang a Israel nok monghom changle; nang danle toxkyabu pangwüi ang zak-akopüi. Hwom a haxbu ma asaxkya ningle samdaoüi, Jowanpa, titsao jenkya tümik, hwome nang danle toxkya khokho ma.

MIKNGÜN-OHÜN 21:6

Üntoxle chixe thüi: “Ija tsuakdaoa! Ku a Alfa üntoxle Omega, owang tamchu oshuk changle. Tütapu wüi changlax, ti alankya mix ang omün chifango homle khüzün ti fuaknui angkya ti ling ang kue koxüi.

MÜNCHUAK-TSAI 36:9

Nang a khüzün pangwüi otong changle, nang zangngai khomatix kwome zangngai ngünpu.

MIKNGÜN-OHÜN 22:1

Zang hia Chun Hosa chongwang tüntong makhange lailaxle tingnu angkya tingjang lomnu osungwa ma jenle jukya, kristel lailaile tüle ajik-ajep le tüikya,

ISAIA 55:2

Mongzom chimüi angkya ma ngün chem ang bakpu? Hünzome hingchak hom ilaxle woknuak ma büthüikoxle ngopu? Ku kax apalax ilaxle kue chem wünpuix ija moklax, ile jangchangba hünzome sümüikya süt saxle ngo ang kopüi.

MIKNGÜN-OHÜN 22:17

Chasa hia Tuipa-e thüi: “oman!” Ija atatkya noknusae wüichu, thüi angkya changle, “Oman!” Oman, opangsa ang ti alan laxpuix; laxse tsukya pange wüi, ija khüzün ti, hingho ang pongle koplax.

JEREMIA 4:22

Jowanpae thüi: “Ku khünakbu a ongat; hwome ku müntik. Hwom ongat naosombu ningle changle; hwom ma tsing-wankya chemchu müntüi. Chem ochax hex ija mok ang hwom müimale anaxle, ikoxle chem müipuix ija mok ang hwome chithole changle.”

JEREMIA 2:11

Hwom otsing tomtata chichang koxle ngaxchu, owa nokechu ma baozangbu lüile machang. Ikoxle ku khünakbue ku, hwom hato münchong apüile fakya Zang, chem lom ma ngaxchu hwom füi chiamüitho angkya baozang füi alüixle.

2 PITAR 2:17

Ibu khünakbu a tizopünkya shuazan ningle changpu, tamchu zangchei füifüi to jeple aham ngokya zangfwombu ningle changle; zangnak-zuzukya khato Zange hwom ang nui achwonle thomle.

JEREMIA 2:17

Israel, nange alüile ija nang ding a nange apüilaxpu. Jowanpa, nang Zang ku nange awütle toxlaxpu, lomjang fole kue nang lom azüingale-a.

JEREMIA 1:16

Hwome ochax lyenle changkya khoma kue ku khünaknu to sikangünüi; hwome ku danle toxle, ilaxle mixnok baozangbu ang töbu koxle, tamchu hwom chapabu zingle ilaxle ibu to shwomle.

HWON-NWOT-JAONO 2:26

Je-hwon, tsing-wankya, ilaxle mongmüi a Zang-e chix mong amüikyabu ang koxle, ikoxle chixe ochax khünakbu ang kop-lo angkya hia tsyenle twon angkya bama mwot mok ang tomle, ikoxle tix chixe ma mong amüikya mix ang koxtsuak angkya chang koxle. Ima laxli chemchu müntüi. Ija a zangwin füito zikkya thatha changpu.

JEREMIA 15:6

Hünzom khünaknue ku chilaxle awütpu; hünzome ku hato hünzom tok ahopu. Ikhoma kue ku chak thüipu ilaxle hünzom zutle akhünpu chemthüikoxle ku mongtsik adule ngo ang ku nale shu.

ISAIA 63:8

Jowanpae thüi: “Hwom a ku khünakbu changpu; hwome ku mündyenüi.” Ikhoma chixe hwom

ISAIA 5:13

ikhokho ma hünzom a zandabu ang koplaxle paoüi. Hünzom lompabu a zikle paole woknuake lopüi ilaxle zangjang khünakbu a tilan ma ziüi.

ISAIA 1:3

Maihubue hwom hopunubu awanle, ilaxle mantsakbue hwom hopunubue fumtsüt ang ojongto paopuix ija awanle. Ija a ku khünaknu Israel noke ku tsingkya thak changle. Ibue ojaojao müntsing.”

HWON-NWOT-JAONO 2:11

Ifüima kue tsuakle hüidaokya mwot tamchu ija mokle alai ang tüle azongle mokle hüidaokyabu bama ajangle ano pongma, ija a chem ngaxchu chichang angkya, tuita zangwin füito zikle ngokya chang-a le kue ajangle lax.

HWON-NWOT-JAONO 1:2

Filosofar e thüile, ija a laxli müntüi, laxli müntüi. Khünak tsün a laxli müntüi.

1 SAMUEL 12:10

Ifüima hwome hwom to asun angkya hanpakma Jowanpa to nyakle akhong, ‘Kwome ochaxbu lyenle changdaoa, büthüikoxle, Jowanpa, kwome nang hato tok aho ilaxle Bal hia Astarte hwom chapabu to shwomle changdaoa. Nange kwom zanpabu chak tokya khosün hüi, ilaxle kwome nang to shwomtole changüi!’

JEREMIA 5:31

ajebue kaxthai zangwünkya boma chemchu münwün; nguapabue ajebu kaxtom ningle apünle, ilaxle ku khünakbue ija to münchangle chithüi. Ikoxle ibu pangwüi ashukle hüikya zuma hwome chemle thüithüi?”

HWON-NWOT-JAONO 4:4

Büthüikoxle khünaknue tata man ma lüi ang azongle mokpuix, ija kue tsing: ija a hwome ma tomzi ma tüikya tuina to osingkya khoma changle. Ikoxlechu ija ma laxli chemchu chitüi. Ija a tuita zangwin achuakle zikngokya thatha ang changpu.

JEREMIA 2:26

Jowanpae thüile: “Kople changkya zuma ahuxmix to chingcha chitüile changkya ningle, hünzom Israel khünak to chingcha chitüile changüi—hünzom wanghom hwom ilaxle nguakax-wangkhobu, hünzom nguapabu hia ajebu pangnusa to a.

HWON-NWOT-JAONO 2:21

Nange tütali nang je-hwon, tsingkya hia awankya pangnu füi mokle alai, ilaxle ija nange, ija bama chem mwotchu chimokle chang angkya mix owawa chak to danle tox angkya lai. Ima laxli chemchu müntüi, ilaxle ija a sukya olom münchang!

HWON-NWOT-JAONO 1:14

Ija chaxwannu ma pangnuli mokle tsuakkya kue ngündaoa, ilaxle kue nang ang thüipu, ibu a laxli chemchu müntüi. Ija a tuita zangwin achuale ngokya thatha.

KAXFÜNPA-HWOM 10:13

Ikoxle chuwüi hünzome ku danle toxpu ilaxle mama baozangbu to shwom ang sütpu, idaile athaxpi kue hünzom kho münsün ngoüi.

MIKA 6:3

Jowanpae thüi: “Ku khünaknu, kue hünzom to chem oma mokdaopu? Ku kax to lanhüi.

MIKA 2:8

Jowanpae lan: “Hünzome ku khünaknu to zan nok to singpupu le sing. Zantam tokya khünaknu, homhax haxmüi-zangmale tüile le ajangle chat, ikoxle ikhama hünzom a, hwom tok angkya nyiwunbu ahuxle pa-pao ang tanle nui.

JEREMIA 18:14

Lebanon angkya longnukhobu jun chitüitox homle tüngocha? Ija angkya zangkong haxnubu angkya ti zople chang toxcha?

JEREMIA 5:26

“Ochax mwot mokle ngokya khünakbu hünzom khama ngole tüile; osabu aman ang nya thakya ningle hwome tanle ngole, ikoxle hwome ibu a khünak aman ang tsünkya changle.

HWON-NWOT-JAONO 12:8

Laxli müntüi, laxli müntüi, thüile manpae. Ija pangwüi chilaxlili wüi changle.

JUHAN 4:10

Jisu-e lanle she ang thüi: “Nange Zang hingho hia nang ma ‘Ku ang lingti laxhüi’, le jukya khünak jang awan laxba, nange chix ma mix ija ti juse ilaxle chixe nang ang khüzün ti fasedai.”

JUHAN 4:11

She-e chix ang thüi: “Nang ma tikho angkya oli chemchu chitüi üntoxle tiküi nang müima male zu; jangchangba nange ija khüzün ti nange ojong tokya kopüi?

TSAITONG-KAXTONG 31:16

Jowanpae Mosa ang thüi: “Nang a chwonle wüi zi angkya changle ikoxle nang zi füima khünaknu ang mongong chitüile changüi ilaxle kue hwom füi tsaotsütle zingkya Tsaotsüt amaüi. Hwome kop angkya haxtok to ngui füima hwome songsari baozangbu to shwomüi ma ku hato tok ahoüi.

ISAIA 12:3

Tikongsae tilan amüikya ningle, Zang khünakbu, chixe hwom khosünkya zuma mongmüile.”

JEREMIA 14:3

Hakpabue ti lax ang hwom dabu tsanle apaole; hwom a tüküi to ti lax ang za, ikoxle ti ojao chiatak; hwom a tipebu ohua ma laxlaxle chat. Monghixkyae tamchu khosamkyae, hwome ma thün khom.

JEREMIA 19:4

Khünaknue ku chilaxle awütdaoa ilaxle ija onui ma mama baozangbu: baozangbu oja hwomechu chitik, hwom pupabue chitik ilaxle Judah nok wanghombue chuwüi chitik, ibu ang hwome töbu apüile koxkya tokhange ija onui akhudaoa, ikhoma kue iningle mok angkya jao changle. Hwome ijongkha a chemngax chichangkya khünakbu ajie awangdaoa,

EZEKEL 47:1

Ija mixsüne ku Zangshwom-Hom dünlom to laxlaxle chat. Zangshwom-Hom homthün thale tüikya chima, ija dünlom makhange handün chito jenle jule ti fuakle laingokya kha tuita tüikya. Ija shuasa a Zangshwom-Hom shuathong chikao makhange tö-tsap zongma shuathongchi akaile jenle ju.

ZEKARIA 13:1

“Jowanpa Khüthak Zang-e thüi: ‘Chemtue hanpak nguile hüiüihex, Dawid sixli hia Jerusalem angkya khünaknu, hwom ochaxbu hia chapa shwomkyabu tokya atsao angkya hanpakma shuasa tuita fuakle lai angkya changle.

2 WANGHOMBU 22:17

Hwome ku chilaxle awütdaoa ilaxle mama baozangbu ang töbu koxle changdaoa; hwome mokkya mwot ibu makhange ku ang mongtsik adünle changdaoa. Jerusalem zongto ku mongtsikkya tüidaoa ilaxle ija a tam dang angkya münchang.

ISAIA 1:4

Ochax jat-li tamchu laxli chitüikya hia chichang-chizangkyabu, hünzom a müt-shua! Hünzom ochaxe hünzom bele jole! Hünzome hünzome Jowanpa, Israel nok otsao Zang pongle chikop ilaxle chix hato hünzome tok ahole changdaoa.

EZEKEL 14:5

Chapa ibu khokho ma Israel noke ku hato tok aho angkya laipu, ikoxlechu ku kaxlan makhange hwom ku kax ma laxle ngo ang mongchatle ahüiüile ongpu.