JEREMIA 2:11 - OTSAO BAIBEL (BSI)

¹¹ Hwom otsing tomtata chichang koxle ngaxchu, owa nokechu ma baozangbu lüile machang. Ikoxle ku khünakbue ku, hwom hato münchong apüile fakya Zang, chem lom ma ngaxchu hwom füi chiamüitho angkya baozang füi alüixle.

JEREMIA 2:11 ပူးပေါင်းရင်းမြစ်များ

ROM NOK HATO ZAKYA POL LAIZA 1:23

tam chizi chimax angkya Zang tongshwom haxkux tsyento, hwome zile maxün angkya khünak ningle chichangba osabu ningle chichangba müibu ningle chichangba alyangle ahamkya müibu ningle chapabu zinglaxle shwom.

ISAIA 37:19

ilaxle hwom baozangbu zokle ashundaoa — ibu a baozang jao chichangkyabu, ikoxle khünake pün hia long, ibu makhange zingle alaikya changkya.

JEREMIA 16:20

Khünaknue ma baozangbu alüile zingle lax ang tsuak ang chami? Müntsuak! Hwome zingle jangchang thünchu ibu a baozangbu tsingtsing münchangüi.”

MÜNCHUAK-TSAI 106:20

hwome Zang fuazang fum tsütkya müi chapa füi alüix.

MIKA 4:5

Pangnok jating towüi ma baozang-zang to shwomle ilaxle kam ma laxle, ikoxlechu kwome Jowanpa kwom Zang to othuithuima shwomüi.

1 KORIN 8:4

Idaile chapa ang koxkya süt saxkya bama; keme awanpu chapa ma ozün müntüi; ikoxle keme awankya a, Zang a tuita wüi.

JEREMIA 2:8

Nguapabue chiatüi: ‘Jowanpa ojongkha?’, le Ku nguapabue ku chitik. Apün-awangkyabue ku zan to ka; ajebue Bal baozang mün ma zangwün ilaxle laxli chitüikya chapabu to shwom.

JEREMIA 2:5

Jowanpae akaxle: “Hünzom putong hwome ku zongto tsaitox-kaxfe angkya chempang apüipuix? Hwome chem khoma ku hato tok ahopuix? Hwome laxli chitüikya chapabu to shwom ilaxle hwom alüile chilaxle ang achangle pao.

MÜNCHUAK-TSAI 115:4

Hwom baozangbu a khop hia hunbu füi zingle tüile, khünak chak füi a.

MÜNCHUAK-TSAI 3:3

Ikoxlechu Jowanpa, thama chak tokya ku hale tui ang jento nang a di changle; nange ku ang tho-lün ang tomhüi üntoxle ku mong chatle achen fahüi.

TSAITONG-KAXTONG 33:29

Israel, nang mong chemkuxma müipuix! Nang lailaikya owachu müntüi, Jowanpae sünle thomkya jat-li tuita a. Nang di hia changlo a Jowanpa chixjao changpu, chixe nang khosele ilaxle lütkya koxle. Nang zanpabu nang hato chingcha jule hüiüi, ilaxle nange hwom to cha füi tingle akhünüi.

1 PITAR 1:18

Chemthüikoxle hünzome pupa tsün tokhange kople hüikya obato maxün angkya hünzom khüzün shak ang otha chem thompuix ija hünzome awanpu. Ija a ma ang thokya hun hia jangjong fang chichang;

GALATIA 4:8

Ledaokya wan ma hünzome Zang chitsing homtoxle ngole hüi, ikhoma hünzom Zang chichangkyabu chak to da ang ngole hüi.

1 SAMUEL 4:21

She-e ija nao ang Ikabod thüikoxle “Zang fuazangkyae Israel nok danle toxdaoa” lükya tsyento mün ija nao ang mün kox; chemthüikoxle Jowanpa Tsaotsüt Suak nang amütdao, hohopa nang zidao ilaxle she kakopa nang zan to maxdao, ibu pangwüi to saile amün.

2 PUKAX-PANGAO 13:9

Jowan dapa Arun sixli nguapabu hia Liwi hwom hünzome jwonle apaopu. Hwom man ma hünzome mixnokbu lailaile zompu-zangpabu kamle danpu. Owawae maihupong hia chun anüt koplaxle nguile jangchang, chix a hünzome baozangle nyakle ngokyabu zompu-zangpa ang achang tsuakpu.

JEREMIA 5:7

Jowanpae atüi: “Kue ku khünaknu thaikya ochaxbu chemkhoma alak angkya? Hwome ku chilaxle dantoxpu ilaxle changjao chichangkya baozangbu to hwome shwompu. Kue hwom ang wok afwotle machang machangle ku khünaknu tuxpu, ikoxlechu hwome chinunchakkaile changpu ilaxle hwom hanpakbu a tsangtsa hangkyabu füi alyetpu.

JEREMIA 18:13

Jowanpae thüi: “Thochi ma iningkya changle hüidaocha ang mixjat-mixlibu ma atüile anolax. Israel khünaknue khomtsikya oli tsuakdaoa!

EZEKEL 5:7

Athax, Jerusalem, Jowanpa Khüthak Zang kue chemle akax ngopuix ija to apakoplax. Ku wanlombu chithomkya hia ku kaxtombu kax ma laxle chitüikya ma, hünzome hünzom akhople tüikya ting-nokbu füi sütsexle ku ang sikngün koxpu. Hünzome hünzom akhople tüikya onokbu zanglom-saikha topu.

EZEKEL 14:5

Chapa ibu khokho ma Israel noke ku hato tok aho angkya laipu, ikoxlechu ku kaxlan makhange hwom ku kax ma laxle ngo ang mongchatle ahüiüile ongpu.

TSAITONG-KAXTONG 32:16

Hwome chapabu to shwomkyae Jowanpa ang mongma ang tom; hwome mokkya ochaxe chix ang mongtsik ang tom.

TSAITONG-KAXTONG 32:21

Hwom chapabu füi hwome ku ang mongtsik ang tom, hwome baozangle nyakkyabu to huanuma khax-khu, Zang chichangkya baozangbu a. Ikhoma kue jat-li tuita hwom mong atsik ang twonüi; kue hwom ang ongat jat-libu to osingle tüi ang tomüi.

1 WANGHOMBU 11:33

Solomon-e ku awüt laxle mixnok baozangbu to shwomle changkya khoma kue ija ile mok angkya changle. Chixe Sidon baozangchanu Astarte, Moab nok baozang Kemosh; ilaxle Amon nok baozang Molek, ibu to shwom. Solomon-e ku kax ma münlax; chixe chisule mokdaoa ilaxle hopa Dawid ningle ku wanlom hia kaxtombu münthom.

2 WANGHOMBU 1:3

Ikoxle Tishbi nok Elija füi Jowanpae akax: “Ajonglax, Samaria nok wanghome tsanle ahüikya kaxhomixbu füi apong ang paolax, ilaxle hwom ang, ‘Hünzom a Israel nok ma Zang müntüile Ekron nok baozang Balzebub hato tik ang paopuix nyi?’ le atüikox.