JEREMIA 19:7 - OTSAO BAIBEL (BSI)

⁷ Ija onui ma kue Judah hia Jerusalem angkya khünaknue zingkya mwottho pangwüi olom tün ang tomüi. Kue hwom zanpabu ang hwom to anao ang tomüi ilaxle zanhok ma hwom mik-amüt ang tomüi. Kue hwom mangbu a osa hia faomüibu ang sax ang tomüi.

JEREMIA 19:7 ပူးပေါင်းရင်းမြစ်များ

LIWI 26:17

Kue hünzom chito tok ahoüi, ile hünzom to lüt ang tomüi, ilaxle opange hünzom thua anule tüipuix hwome hünzom thakma apünüi; hünzom a huanuma abütüi, ikhoma owaechu chijwon khato hünzom fütle paoüi.

JEREMIA 16:4

Hwome khompua-zadünkya kaknu-laknu ma zile paoüi, ilaxle owaechu hwom mang münsop chichangba münakhün. Hwom mangbu a haxkha to haxzao thokle athünkya ningle thomüi. Hwom a zan ma maxüi chichangba woknuak ma maxüi, ilaxle hwom mangbu a osabu hia faomüibu süt ang changüi.

JEREMIA 34:20

Hwom lang ang tungle ngokya zanpabu chak to kue hwom koxüi, ilaxle hwom mangbu a osa hia faomüibue sax ang tomüi.

JEREMIA 15:9

Sasün hwom anüt amütkya mixchanu zakmaxle tox, zaksyet ang azongzi. Anyixningkya she zangngai a zangnaknu ang achangle pao; she-e zak kople ilaxle mongkha ma kakle. Anyix ozün ma ngole tüikyabu, hünzom a zanpabu chak to lang ang koxüi. Ija kax, Jowanpa, kue akaxdaoa.”

JEREMIA 15:2

Chemtue hwome nang ma hwom ochito paoüile atüipuix, ile akaxkya ku kax hwom hama wünkox: “Züizüi a okak-olak thama ma zile pao angkya chifün ma tüile: ikhoma hwom pao angkya wüi! Züizüi a zan ma max angkya thama ma tüile: ikhoma hwom pao angkya wüi! Züizüi a woknuak thama ma zi angkya wüi: ikhoma hwom pao angkya wüi! Züizüi a zanda ang kople paokya thama ma max angkya changle: ikhoma hwom pao angkya wüi!

JEREMIA 7:33

Khünak mangbu a fao osabu hia faomüibu hanpakma osüt ang changüi, ilaxle hwom to hule khuakhom angkya mix tuita chitüiüi.

ROM NOK HATO ZAKYA POL LAIZA 4:14

Chemthüikoxle Zang kaxtsao wanlom kax ma laxle ngokyabu ang tata kox angkya jangchang thüikoxle, khünake mongongkya ma lap chemchu müntüi üntoxle Zang kaxtsao chem angchu münchang.

ROM NOK HATO ZAKYA POL LAIZA 3:31

“Hwome Jisu Khrista to mongongkya makhange Zange khünaknu chix füi muamüi ang koxle”, le thüikoxle keme wanlom kax ma chilaxle ahaikya kax chang laxcha? Ile ojao münchang; itülüi, oting ma sütle keme wanlom fün mix amongpu.

MANGSOP 3:37

Jowanpa mongtex jento mokle alyetpu.

JEREMIA 46:26

ilaxle hwom langsele lomle ngokya Babilon nok wanghompa Nebukadnezar hia chix süpahibu chak to kox angkya changpu. Ikoxlechu ofüima amipongkya ningle, Ijip nok ma khünaknu tamchatle ngoüi. Ku, Jowanpae ija akaxdaoa.

JEREMIA 22:25

ilaxle nang a nang zale ngokya khünakbu chak to koxüi, nang mik amüt-sele tsukya khünakbu chak to a. Kue nang a Babilon nok wanghompa Nebukadnezar hia chix süpahibu chak to koxle apaoüi.

JEREMIA 22:19

Mantsak tuita mangzuk achuakkya füi, chix a linle paoüi ilaxle Jerusalem zünkai akaile tswonle awütüi.”

JEREMIA 18:21

Ikoxle athax, Jowanpa, hwom naosombu woknuak ma zi ang laxkox; hwom a zan ma max ang tomkox. Mixnu hwome ma kakopa hia naosom hwom amüt-asamle naxchang kox; mixpabu a okak-olak ma ilaxle tsünzün thom a zanhok male max ang tomkox.

JEREMIA 8:2

Ibu afoxlaxle akhünle changse lüito, hwom za-tuabu a chaxwantok ma shale haxzao ang changüi. Hwom za-tuabu a, ibu khünakbue mongkünle tamchu shwom-tole tamchu tsaitik-kaxshole ngokya zanghannu, lyetnu hia lyettsibu tuntho to chiakle changüi.

ISAIA 8:10

Hünzom katzuabu laxlax! Ikoxlechu ibu otuechu tsuakle münpao. Mongtsukya tukuxle hünzome zangwünlax! ikoxlechu ija chem angchu münchang, chemthüikoxle Zang a kwom füi tüile.

WANWÜNKAX 21:30

Jowanpa nang füi apüile jangtüidao thüiningle, khünak je-hwon, khüzi anaxkya, mongtex zukya: ibu chem mwot angchu münchang.

JEREMIA 8:8

Hünzom a jepabu tamchu hünzome ku wanlombu tikle ngopule chemle thüitsuak? Hulax, wanlombu a otsing chichangkya zatmixbue tüilüidaoa.

JEREMIA 8:9

Hünzom jepabu a zak-kop ang tompu; hwom ang kho asamdaoa ilaxle tsün ma amandaoa. Hwome ku kaxbu chilaxle awüt; ikoxle athax hwom ma chemningkya je-hwon tüile ngo?

JEREMIA 32:28

Ija tingnu a kue wanghompa Nebukadnezar hia chix süpahibu ang kox angkya changle; hwome ija hwople kopüi

LIWI 26:25

Ku füikya Tsaotsüt amakya khoma kue hünzom hato zan lailaxle hünzom to sikngün kox ang tomüi, ilaxle hünzom azangsele tingnubu ma süile jangchang, kue chimüitox angkya kaklak hünzom hato ahüiüi ilaxle ma chak ajongle hünzom a zanpabu chak to kox ang tomüi.

1 SAMUEL 17:46

Anyixkha Jowanpae nang a ku chak to koxüi; kue nang to lütüi ilaxle nang khang dütüi. Nang a Filistia nok süpahi, nang a kue osa hia faomüibu ang asütüi. Ijama, Israel nok ma Zang tüikya zangfange awan ang kopüi;

2 WANGHOMBU 21:14

Ozün ma tüile ngokya khünakbu kue chilaxle awütüi, ilaxle hwom haxtok to lütlaxle hwom chaxwan pünle ama angkya zanpabu chak to hwom koxle apaoüi.

ISAIA 29:14

Ikhoma kue hwom to texle chilekya sikngün füi tam füima tamle chabüt-lasün ang tomüi. Opangsa jepa changpule ngopuix ibu ongat ang achangüi, ilaxle hwom tsingtsang chem angchu chichangüi.”

JEREMIA 21:7

Ikoxlechu nang tomta hanpakma, nang nguakax-wangkho hwom hanpakma, ilaxlechu zan ma, otui-onuak ma, tamchu kaklak ma chimaxle tüikya khünaknu hanpakma: kue hünzom pangwüi, hünzom mik amüt-sele tsukya wanghompa Nebukadnezar hia hünzom zanpabu ang kop ang tomüi. Chixe hünzom tuita ngaxchu shanle müntox chichangba hünzom owawa hatochu chixe chingcha-jajakya müntüiüi. Ija kax Jowanpa, kue akaxdaoa.”