JEREMIA 19:5 - OTSAO BAIBEL (BSI)

⁵ ilaxle hwom naosombu wün ma zokle tö ang kox angkya hanpakma hwome Bal ang tö-tsapbu zingle koxle. Ijaningle mok angkya otuechu kue hwom ang kaxtom chifa; ijaningkya bama ku mongkho ma ngaxchu chidong.

JEREMIA 19:5 ပူးပေါင်းရင်းမြစ်များ

JEREMIA 32:35

Hwom baozang Molek ang hwomsu-hwomsabu tö ang kox angkya hanpakma Hinnom Haxsha ma hwome Bal ang tö-tsapbu zingle kox. Ija mok angkya kue hwom ang kaxtom chifa, ilaxle hwom ija ningkya mwot mokle Judah khünaknu ang ochax lyen ang tom angkya ku mongkho ma jao chidong.”

TSAITONG-KAXTONG 12:31

Jowanpa hünzom Zang to hünzome ibu noke hwom baozangbu to shwomkya lailaile taxshwom, chemthüikoxle ibue hwom baozangbu to shwomle changpongma Jowanpa ang nushix dongkya olom pangwüi twonle. Hwome hwom tö-tsap angkya wün ma masu-masabu ngaxchu tö ang koxle zokle ashunle.

LIWI 18:21

Molek zangshwom pongma lax ang nang naosom opupuchu taxkox. Ile chang koxle Jowanpa ang nang füi küntsik mongma angkya tüiüi.

2 WANGHOMBU 17:17

Hwome songsari baozangbu to shwom ang masu-masabu zokle ashunle tö kox; hwome chajik-muashem, opa-nanpa, ibu füi tsaitik-kaxshole chang, ilaxle Jowanpa ma chem chimüipuix ijaja mok ang hwome mongkox, ile hwome Jowanpa ang mongtsik adün.

DANEL 2:29

“Wanghompa, nang jiple ngopongma, nange füichi chaxwan zanghan hanpakma wünmang ngünle; ilaxle Zang, owae huxsa zangwün komle angai ang thopuix, chixe nang hama chempangle changüihex ija ahokya changpu.

EZEKEL 38:10

Ija a Jowanpa Khüthak Zang-e Gog füi akaxkya kax changpu: “Chemtue ija hanpak nguile hüiüihex, nang mongto chichangle mok angkya ochax mongtex hüiüi.

EZEKEL 20:26

Kue hwom a, hwome koxkya töbu makhange hwom alüile chitsaokya ang chang ang tom, ilaxle hwom ang tüichongsasa tö kox ang tsan. Ija a hwom to sikangün ang tamchu ku a Jowanpa changpule aho angkya hanpakmale chang.

2 PUKAX-PANGAO 28:3

ilaxle Hinnom Haxsha ma ongan müikya so zok, ilaxle Israel khünaknu nguile ngopongma ija haxtok angkya Jowanpae jwonle apaokya khünakbue mokkya nushix dongkya mwot thüi anole chapabu ang zokle tö tuita ningle chixe sasün ngaxchu wüi zokle ashunle kox.

HUAKE LAIPEX 22:41

Ngainop ningle Balak-e Balam a Bamwoth Bal alople pao. Imakhange Balam-e Israel nok haxsüt hidaole ngün ang kop.

EZEKEL 16:36

Ija a Khüthak Jowanpa zangwün changle: “Nange nang nyizabu sik, ilaxle tsangtsa hangkya mixcha tuita ningle, nang füi mong akünkyabu hia nushix dongkya chapabu chak to ma tsangtsa dan, ilaxle chapabu ang tö koxkya tuita ang nange nang naosombu langle awüt.

2 WANGHOMBU 21:6

Chixe ikhama chix sasün tuita zokle ashunle tö tuita ang kox. Chixe o-nan hule ilaxle jenu-shipabu ma tsaitik-kaxsho le chang. Chixe Jowanpa zongto ochax huanuma lyen ilaxle chix ang mongtsik adün.