JEREMIA 19:3 - OTSAO BAIBEL (BSI)

³ Jowanpae ku ang ile thüi angkya akax: “Judah wanghombu tamchu Jerusalem angkya khünaknu, ku, Jowanpa Israel nok Khüthak Zang-e hünzom füi akax angkya kax to apalax. Ija haxtok hato kue khomtsikya tha ahüi angkya changle, ilaxle ija zing atatkyabu pangwüi abütle changüi.

JEREMIA 19:3 ပူးပေါင်းရင်းမြစ်များ

1 SAMUEL 3:11

Jowanpae chix ang thüi: “Alüile chingo homtoxle kue Israel khünaknu to tütali tümoküi ilaxle ija atatkya khünak pangwüi khosamle changüi.

JEREMIA 17:20

Wanghom hwom hia Judah angkya khünaknu hama tamchu Jerusalem ma ngole tüikya pangnusa hama üntoxle chu zünkai ibu makhange nguidongle changkyabu pangnusa hama, kue akaxkya kax to apa angkya akaxkox.

JEREMIA 6:19

Apalax, Chaxwannu! Hwom mongjang mwot pangwüi ama angkya hanpakma kue ibu khünaknu hato thama apüiüi, chemthüikoxle hwome ku hwon-nwot pongle münkop ilaxle ku zangwünbu kax ma münlax.

ISAIA 28:19

Ijae hünzom nopfo-nopfo to chatchatnaole chakmokle ngoüi. Hünzome ija zangnak zangngai adule hün angkya wüi. Zang-e tokhange kaxho hozün tuita hüikyae thama hozün apüi angkya changle!

MIKNGÜN-OHÜN 2:29

“Na zaikyabue, chasae müimüithombu füi chemle akaxpuix ija to apalax!

MATHI 10:18

Ku khokhoma hexle, nguakhobu hia apün-awangkyabu tamchu mixnokbu hato koplaxle, ku bama Kaxho Müikya apuk ang hünzom pao angkya changle.

JEREMIA 13:18

Jowanpae ku füi akax: “Hwom ngwotnui angkya thai angkya wanghompa hia hotatüi wangchanu hama akaxkox, chemthüikoxle osün müikya khohom hia khüsünbu a hwom khangkho angkya dütdaoa.

MÜNCHUAK-TSAI 110:5

Jowanpa a nang tsaxchi ma tüile; chemtue chix ang mongtsik dongüihex, chixe wanghombu to lütüi.

MÜNCHUAK-TSAI 102:15

Jat-libue Jowanpa thuazale changüi; chaxwannu angkya wanghombu pangnue chix tsak-zong thua zaüi.

MÜNCHUAK-TSAI 2:10

Hünzom wanghombu, athax ija kaxkhün apale koplax; ija olom awanle koplax, hünzom chaxwan apünkyabue:

JEREMIA 19:15

ilaxle Khüthak Jowanpa, Israel nok Zang-e akaxkya kax ngaile thüi: “Ija tingnu hia tomzi tinglongbu pangwüi hato, kue ahüiüile tsaokya sikngün pangwüi kue apüiüi, chemthüikoxle hünzom mong khüidaoa ilaxle hünzome ku zangwün to nathaüi münchang.”

JEREMIA 35:17

Ikhoma athaxpi, Jowanpa, Israel nok Khüthak Zang-e kue thama-thomshix chempang ahüi angkya tsaole thompuix, ibu pangwüi Judah hia Jerusalem hato ngui ang tomüi. Kue zangwün pongma hünzome chiapa, tamchu kue nyakpongma hünzom chitsa, ile changkya khokho ma kue ija mwot mok angkya wüi changpu.”

JEREMIA 18:11

Ikoxle athax, kue hwom zan to kale hwom to sikangün angkya olom zingle ngole le Judah hia Jerusalem angkya khünakbu füi akaxkox. Hwom ang chichang-chizangkyae awangle chingo angkya kax laxkox: hwom kün-mong hia hwome mokle ngokya mwot dantox angkya akaxkox.

JEREMIA 25:29

Kue pünle ama angkya mwottho ku tingnu makhange jao owang wangle changüi. Hwom to sikngün chifa homtoxle alyetüihexle hwome thütpia? Ile otuechu münchang, hwom to sikangün angkya wüi changpu, chemthüikoxle zangfang angkya khünaknu noknusa hato kue ochax-ozan ahüi angkya changle. Jowanpa Khüthak Zang, kue ija kax akaxdaoa.

JEREMIA 44:3

chemthüikoxle hwom khünakbue ochax mwot mok ilaxle ku ang mongtsik adünle changdaoa. Hwome mama baozangbu ang zokle ashunle töbu kox ilaxle hünzomechu tamchu hünpu hünpa hwome shwomle chihüikya baozangbu thothale changdaoa.

EZEKEL 7:5

Ija a Jowanpa Khüthak Zang-e akaxle ngokya kax changle: “Hünzom hato thama tuita füima tuitale hüile ngole.