JEREMIA 18:8 - OTSAO BAIBEL (BSI)

⁸ ikoxle hwom chichangchizang mwot dantoxlaxle ija jat-li mongchatle jangchangba, kue chem moksepa hex ija münmok.

JEREMIA 18:8 ပူးပေါင်းရင်းမြစ်များ

EZEKEL 18:21

“Owawa ochax khünak tuitae ochax mwot mokle ngokya zak ilaxle ku wanlom ma ngole ilaxle chixe chem supuix tamchu chem müipuix ijaja mokle jangchang, chix a münziüi; chix a tütakoxlechu ozün ma ngoüi.

JEREMIA 26:13

Hünzom ngole hüikya lomtang hia hünzome mokle hüikya mwot pangwüi hünzome lüi angkya wüi, ilaxle hünzome Jowanpa kax ma laxle chang angkya wüi. Hünzome mong alople jangchang, chixechu hünzom hato thama tsangmüt apüi angkya chix mongjang alüixüi.

HOSIA 11:8

“Israel, kue nang chemle danle awütüi? Kue nang chemle dantoxüi? Kue Admah amütkya ningle hünzom amütüi hi chichangba kue nang to Zeboiim to hwonkya ningle hwonüi hi? Ku mongkhae ku ang ija mok ang müntom! Hünzom tokya ku mongkün a huanu changpu.

JEREMIA 26:3

Owatsing khünaknue apa laxle chichang-chizangkya hwom lomtangbu danle toxle chu changtsuak. Hwome ile jangchang, hwom chichangchizangle tüikya mwotbu khoma kue hwom hato thama apüi angkya katzua laxle ngokya ku kün-mong alople changüi.”

KAXFÜNPA-HWOM 2:18

Chemtue Jowanpae Israel nok ang lompa tuita koxle changpuix, Jowanpae chix to fong ilaxle chix ozün ma ngokya kople Jowanpae hwom zanpabu chak tokya khosünle thom. Hwome sikngün hia zothup chak tokhange akhongle changkya khoma Jowanpae hwom to chingcha angkya wüi lai.

MÜNCHUAK-TSAI 106:45

Hwom kuxmale chixe hwom füikya chix Tsaotsüt texle atak, ilaxle chongkya chix mongkün khoma chixe hwom to chingchale thüt.

MÜNCHUAK-TSAI 135:14

Jowanpae chix khünaknu kho-awaüi; chixe chix dabu to chingchakya tüiüi.

MÜNCHUAK-TSAI 90:13

Nang mongtsik a chemtukux okuilole ngo angkya? Jowanpa, nang dabu to chingcha tüihüi!

2 PUKAX-PANGAO 12:6

Wanghompa hia mama nguakax-wangkhobue, hwome ochax lyenle thaidaokyabu ngai ilaxle thüi: “Jowanpae chem mokpuix ija wüi sukya changpu.”

TSAITONG-KAXTONG 32:36

Jowanpae chix khünaknu khosünle kopüi chixe hwom ang janzüi müntüile ngünkya zuma a. Chix thothale changkyabu to chixe chingchakya tüiüi, chingcha ashukle hwom max-samle ngünkya zuma a.

LAIPAO 32:12

Nange, nang khünaknu haxnukho to lang ang ilaxle hwom oli thule amüt ang Ijip nok tokya alaile paopu, le Ijip noke akax angkya olom büthüikoxle daple koxüi? Mongtsik danghüi ilaxle nang mong alüix üntoxle nang khünaknu hato ija thama hüi ang taxtom.

JONA 4:2

Ikhoma chixe zangjop: “Jowanpa, kue hom makhange achexüima wüi, nange ilüwüi mok angkya changpule münthüidai hia? Ikhoma kue tsuakkya tukuxle Spain nok to paole azang ang azongpu! Nang a jento adukya, chingchakya, ilaxle sikngün ang chitomle mong alopkya tamchu mongkün chingchae awangle tüikya mix changpule kue awan ngopu.

EZEKEL 33:13

Kue müikya mix owawa füi khüzün kox angkya akax, ikoxlechu chix mongto, ledaokya ma chix müile hüikya wüi okhonguidaoa le thüt ilaxle ochax lyen ang sütle jangchang, ami chixe mokle hüidaokya mwotmüi kue texle atak angkya münchang. Chix a chix ochax khoma max angkya wüi changpu.

EZEKEL 33:11

Hwom hama, ku a mongao chitüikya ozün ma ngokya Jowanpa Khüthak Zang changpu, ochax khünakbu max-samkya to ku mong münmüi. Itülüi kue hwom a, ochax mwotbu dantoxlaxle ozün ma ngokya ngünse tsule. Israel nok, hünzome mokle hüikya ma ochax mwot zakün. Hünzom zise büthüikoxle tsupu?

JEREMIA 42:10

‘Hünzom ang ija haxtok ngole hüi angkya to mongtsukya jangtüi, kue hünzom zingle ajongüi ilaxle pünle münatsunüi; kue hünzom küi-thwomle changüi ilaxle file münawütüi. Kue hünzom hato ahüikya thama khoma ku ang huanuma mongma ang tomle.

JEREMIA 36:3

Owatsing chemtue Judah khünaknue, kue hwom hato ahüi angkya thama-thomshix bama atat ang kopkya zuma, hwom ang mongchat laxle chichang-chizangkya lomtang pangwüi danle tox lechu changtüilax.”

JEREMIA 26:19

Wanghompa Hezekiah hia Judah angkya khünaknue Mika a langle chiawüt. Itülüi, Hezekiah-e Jowanpa achuak-achen ilaxle chix chingcha kop ang azong. Ilaxle hwom hato ahüi angkya thama bama Jowanpa ang mong alüix. Athax kem a kem hato alüile khomtsikya thama-thomshix ahüiüi khakha.” (

JEREMIA 15:6

Hünzom khünaknue ku chilaxle awütpu; hünzome ku hato hünzom tok ahopu. Ikhoma kue ku chak thüipu ilaxle hünzom zutle akhünpu chemthüikoxle ku mongtsik adule ngo ang ku nale shu.

JEREMIA 12:16

Hwome hwom kün-hi-mong makhange zongbakle ku khünakbue tokya zanglom pongle jangkop ilaxle ‘Jowanpa chemle ozün ma ngopuix iningle ngo angkya’: kaitanto hwome ku khünaknu ang Bal mün ma tsaotsüt angkya anwot-anole koxkya ningle: tsaotsütle jangchang, hwom chuwüi ku khünaknu khama womüi ilaxle tomwüi ahak-aluale changüi.

EZEKEL 33:14

Kue ochax khünak owawa ang chix zikmüt mangkho bama kaxkhün koxle changüi, ipongma chixe ochax lyenkya zak laxle sukya hia müikya mwot mokle jangchang:

LAIPAO 32:14

Ikhoma Jowanpae chix mong alüix ilaxle chixe hwom ang koxüihex-ole azakya thama hwom hato hüi ang chitom.

EZEKEL 33:12

“Athax, ziün angkya khünak, ochax khünak owawae müikya mwot mokle changkoxchu, chix mwotmüi mokkyae chix khosünüi münchang. Chichangchizangkya khünak tuitae chix ochax mwot zakle jangchang, chix to sikangün angkya müntüi, ikoxle müikya khünak tuitae ochax mwot mok ang sütle jangchang, chix to sikchiangün homle müntox.

AMOS 5:15

Chem ochax hex ija thua anulax, chem supuix ija to mongkünlax, ilaxle khwa ma sukya kaxfün koxle chang angkya to hulax. Ile jangthüiningle owatsing, athax atale toxkya khünakbu to Jowanpae chingchakya tüiüi.