JEREMIA 18:23 - OTSAO BAIBEL (BSI)

²³ Ikoxlechu, Jowanpa, hwome ku mik amüt ang atsing ngokya pangwüi tikle ngopu. Hwom chichangchizangle tüikya hia hwom ochaxbu hanpakma thailak taxtüi. Hwom to zane lüt ang tomkox ilaxle nang mongtsikle ngopongma hwom to chak mokkox.”

JEREMIA 18:23 ပူးပေါင်းရင်းမြစ်များ

MÜNCHUAK-TSAI 35:4

Ku lang angle tungkyabu hwom to lütkya khoma mongmale naxchang! Ku zan to ka ang tungkyabu anongle chatlaxle khosamle naxchang!

ISAIA 2:9

Pangnusae hwom tha ajaole adix-adaüi. Jowanpa, hwom ang thailakkya taxtüi!

ROM NOK HATO ZAKYA POL LAIZA 2:5

Nang ang na tüikya tokhange, Zang mongtsik hia otsao kaxfün ngaile ahokya nyix kop angkya nang sikngün mix sisile achenle.

KAXHO MÜIKYA LUK 21:22

Chemthüikoxle zale thomkyabu pangnu kotok to ngai angkya hanpakma ibu a zothupkya din changüi.

JEREMIA 18:18

Ifüima khünaknue thüi: “Jeremia hanpakma tütali tümok-hax! Kem ang adangle fa angkya hanpakma nguapabu, zün-sai angkya hanpakma jepabu, ilaxle Zang kaxho angkya hanpakma ajebu tüile ngo angkya changle. Kemepi chix ma kaxhux fehax ilaxle chix zangwün to apale taxngohax.”

JEREMIA 15:15

Ifüima kue akax: “Jowanpa, nange awanpu. Ku texle ataklax ilaxle ku to fonglax. Ku zothuple changdaokyabu to kue olüix khomle chang ang tomhüi. Hwome ku lang ang tho angkya kuxmale nange hwom shanle taxchang. Kue zakkopkya a nang mün khoma kopkya changpule texle atak-hüi.

JEREMIA 11:23

Anathoth angkya khünaknu hato thama ahüi angkya kue lyet-hantyale changdaoa, ilaxle ija hanpak nguile hüikya zuma, hwom tuita chu azang ang münkop.”

JEREMIA 8:12

Ku khünaknu, hünzome chichangchizang mwot ibu pangwüi moklaxle azakzi pia? Münchang, hünzom a ojao münazak; hünzome thünkhi angkya ngaxchu müntik! Ikhoma mix chemle ngolaxpuix ilailaile hünzom chuwüi nguaküi; chemtue kue hünzom to sikangünüihex, hünzom hanpakma oshuk a ija changüi. Jowanpa, kue ija kax akaxdaoa.

ISAIA 10:3

Zang-e hünzom to zothuple changkya zuma hünzome chem moklaxüi? Chixe tsailo nok tokhange hünzom hato thama apüi ang tomkya zuma hünzome chem moklaxüi? Hünzom to asun angkya lomle hünzom ojong to paolaxüi? Hünzom tuinabu hünzome ojongto khomle thomlaxüi?

MÜNCHUAK-TSAI 59:5

Zohüi, Jowanpa Khüthak Zang, ilaxle ku to fong ang nguihüi; nange hukoplax, O Israel nok Zang! Zohüi ilaxle ibu songsaribu to sikangün kox; khualop mixbu to chingchakya taxtüi! Selah

MÜNCHUAK-TSAI 119:126

Jowanpa, ija a nange mok angkya hanpak changle, chemthüikoxle khünaknue nang wanlom kax ma chilaxle tüingole.

JEREMIA 6:15

Ibu zakkop mwotbu moklaxle hwom azak zipia? Münchang, hwom ojao münazak; hwome azakle thünkhi angkya ngaxchu müntik. Idaile mix chemle nguakpuix iningle hwomchu nguak angkya changpu; chemtue kue hwom to sikangünüihex, hwom hanpakma oshuk ang ija changüi. Jowanpa, kue ija akaxdaoa.”

JEREMIA 6:21

Ikhoma kue ibu khünak ang chikho thule nguak ang tomüi. Nu-pa hia su-sa hwom zile paoüi, ija lailaile zuikhui hia tomzi-longzibu chuwüi changüi.”

JEREMIA 7:20

Ikhoma ku, Jowanpa Khüthak Zang-e za-adünkya ku mongtsik ija Zangshwom-Homnu ding ma thoküi. Kue ija khünakbu hia müibu ding ma tomwüi thokle adütüi, ilaxle pünzua hia tsaxsa-hikhabu pangwüi ding ma thoküi. Ku mongtsik a owaechu amüt ang chithokya wünnu ningle changüi.

JEREMIA 17:4

Kue hünzom ang koxkya haxtok hünzome dantox angkya wüi ilaxle hünzome awanle chingokya mixnok chaxwan to kue hünzom ang zan-nokbu thotha-manzaile ngo ang tomüi, chemthüikoxle ku mongtsik a wün ningle changpu, ilaxle ijae jento zokle ngoüi.”

JEREMIA 26:8

ilaxle Jowanpae ku ang kaxtom fakya zangwün pangnu tsuakle chang füima, hwome ku to shingle kop ilaxle akhong: “Ija khokho ma nang lang angkya changle!

JEREMIA 26:11

Ipongma nguapabu hia ajebue onok lompabu füi akaxle thüi: “Ija khünak mik amüt ang asupu chemthüikoxle chixe kem tingnu zongto omale akaxdaoa. Hünzome chix kax ma na füi jao atatle laxdaoa.”

JEREMIA 37:15

Hwom ang ku füi huanuma mongtsik ilaxle ku to fit üntoxle Jonathan hom ma shole thom. Chix a khwa ma chakzamix tamchu chix hom a kun ang laxle tüikya.

JEREMIA 38:4

Ifüima nguak-wangkhobu wanghompa hato ngui ilaxle thüi: “Ija khünak ang lang koxle müiüi. Ija ningle zangwünkya füi chixe tingnu angkya süpahibu ang mong ahikle, ilaxle tingnu ma danle toxkya pangnusa füi chixe ile mokle. Chixe khünaknu to fong ang münazong; chixe hwom mongthomzün angkya tata thütle.”

MÜNCHUAK-TSAI 56:8

Ku chemtukuxle tingtui ma ngopuix nange awan-ngopu; nange ku mikfi ajenkyabu lai ma zale thompu. Ibu nang laipex ma akiakle müntüidaihi?

JEREMIA 17:18

Ku zan to kale changkyabu hato thünzak apüile laxkox, ikoxle ku a shantoxhüi, Jowanpa. Hwom a thomshixe awangle chang ang tomkox, ikoxlechu ku a chabüt-lasünle chang ang taxtom. Hwom hato thama apüile laxkox ilaxle hwom a thuple akhixkox.

MANGSOP 3:60

Ku zanpabue ku to chemle miktsakpuix ilaxle hwome ku chemle tsünpuix ibu nange awan ngopu.

MANGSOP 3:61

“O Jowanpa, hwome ku ajao-adakya nange atatpu; hwome ku zan to kakya nange pangwüi tikle ngopu.