JEREMIA 18:20 - OTSAO BAIBEL (BSI)

²⁰ Ku müikya khoma kue kop angkya a ochax hi? Ikoxle hwome ku adüt angkya tswomkha thodaoa. Ku nang hato nguilaxle hwom khose ang kue chemle akaxkya dai ija texle atak-hüi, ikoxle tix nange hwom to mongtsiktsik ma laxle münmoküi.

JEREMIA 18:20 ပူးပေါင်းရင်းမြစ်များ

MÜNCHUAK-TSAI 57:6

Ku zanpabue ku kop angkya nya thale; ku to künthang-mongdange lütle tüile. Hwome ku lomtang ma tswom thole, ikoxlechu ija ma hwom wüi alüi wole. Selah

MÜNCHUAK-TSAI 35:7

Chemtsai-chemkax chitüikya khato hwome ku tsünle üntoxle ku kop ang zudaole tswom thole.

MÜNCHUAK-TSAI 106:23

Chemtue Zang-e chix khünaknu amütüile thüipuix, ipongma chixe zünle kopkya Mosa Zang füi apüile ajong ilaxle hwom olithule amase chix mongtsik abaxle achat.

MÜNCHUAK-TSAI 35:12

Müikya lüixto hwome ku to oma füi jannong alüi, ilaxle ku khosam khato dütle asam.

JEREMIA 18:22

Kaxkhün chemchu chitüi homtoxle hwom hom-hax tsui pao angkya khünak othom tuita ahüikox; hwom a chabüt-lasünle akhong ang tomkox. Hwome ku naxdüt ang tswomkha thodaoa ilaxle aman ang kam thale changdaoa.

HWON-NWOT-JAONO 10:8

Nange tswon thole jangchang, nang a ija ma dütüi; nange katuk wole jangchang, pu tuitae nang to tule.

WANWÜNKAX 26:27

Mix aman ang kam thale changkya khünak ma kam ma mawüi manle. Longnu a owae atüile wangpuix chix ding mawüi dütüi.

MÜNCHUAK-TSAI 119:95

Chichangchizangkyabu a ku lang ang tanle ngole, ikoxlechu kue nang wanlom to mongkoxle toüi.

JUHAN 15:25

‘Ikoxle hwome ngat-khüza to ku thua anu’ le wanlom ma zale tüikya kax changle ngai angkya kuxma ile changpu.

JUHAN 10:32

Jisu-e hwom ang thüi: “Apae koxkya müikya mwotbu kue hünzom hama huanuma mokle ahodaoa; ijabu khama opupu mwot thaikya khoma hünzome ku to thup angkya?”

JEREMIA 14:20

Kwome nang zongto ochax lyenle changdaoa, Jowanpa; kwome ku ochax ngaile ngopu ilaxle kwom pupa hwom ochaxbu a.

JEREMIA 11:14

Jeremia, ibu khünaknu hanpakma ku to jop-tole taxchangzi. Chemtue hwom thama ma tüiüihex ilaxle hwom to fong angkya bama ku nyakle changüihex, kue hwom kax to ojao na münthapu.”

JEREMIA 7:16

Jowanpae thüi: “Jeremia, khünak ibu hanpakma zangjople taxchang. Hwom mün ma taxsop tamchu zangjople taxchang; ku ma tsaiju-kaxjule taxchang, chemthüikoxle kue nang tsai nang kax to apaüi münchang.

WANWÜNKAX 17:13

Nange müikya to oma füi olüix khomle jangchang, nang homkha angkya ochax otuechu atsaile ngo ang müntho.

MÜNCHUAK-TSAI 38:20

Opange müikya to oma füi olüix khomle tüipuix ibu a ku füi apüile tüile büthüikoxle kue sukyakya mok ang azong koxa.

MÜNCHUAK-TSAI 7:15

Ikoxlechu mix hanpakma thakya hwom kam ma hwom wüi alüile manle.

JOB LAIPEX 6:27

Changle, hünzome zasa-khaxsabu chizing to nantakle; üntoxle ma zuikhuibu angkya hünzome olüi saxle!

1 SAMUEL 19:4

Jonathan-e hopa pomtho ma Dawid achuakle akax: “Apa, nang dapa Dawid to nange oma chemchu taxmok. Chixe nang zongto thaikya chemchu mamok, itülüi thüikox, chixe chempang mokdaolaxpuix ibu pangwüi nang to fongkya tuita ang changwüi.

JEREMIA 5:26

“Ochax mwot mokle ngokya khünakbu hünzom khama ngole tüile; osabu aman ang nya thakya ningle hwome tanle ngole, ikoxle hwome ibu a khünak aman ang tsünkya changle.

JEREMIA 15:1

Ifüima Jowanpae ku füi akax: “Mosa hia Samuel hwom ikhama ku ma tsaiju-kaxjule ajongle tüikoxchu, kue ibu khünaknu to chingcha ojao münaho. Hwome pao ang tomkox; hwom ku miktho angkya apaokox.

JEREMIA 18:19

Ikhoma kue zangjop: “Jowanpa, ku kax to apahüi ilaxle ku zanpabue ku bama wünkya zangwün atatle kop-hüi.

JEREMIA 27:18

Khünak ibu a ku ajebu tsingtsing jangchang tamchu hwom ma ku kaxho tüile jangchang, Zangshwom-Hom angkya tuina hia wanghom homlo angkya thanu-juapabu Babilon nok to chipaole onui ma wüi ngo ang tom angkya bama hwome ku füi zangwün ang laxkox.” (

MANGSOP 3:59

Kuchi ma sele kaxfün fahüi; ku zongto thaile mokkya nange awan-ngopu.

JEREMIA 17:18

Ku zan to kale changkyabu hato thünzak apüile laxkox, ikoxle ku a shantoxhüi, Jowanpa. Hwom a thomshixe awangle chang ang tomkox, ikoxlechu ku a chabüt-lasünle chang ang taxtom. Hwom hato thama apüile laxkox ilaxle hwom a thuple akhixkox.