JEREMIA 18:18 - OTSAO BAIBEL (BSI)

¹⁸ Ifüima khünaknue thüi: “Jeremia hanpakma tütali tümok-hax! Kem ang adangle fa angkya hanpakma nguapabu, zün-sai angkya hanpakma jepabu, ilaxle Zang kaxho angkya hanpakma ajebu tüile ngo angkya changle. Kemepi chix ma kaxhux fehax ilaxle chix zangwün to apale taxngohax.”

JEREMIA 18:18 ပူးပေါင်းရင်းမြစ်များ

MÜNCHUAK-TSAI 52:2

Nange mix fün ama angkya hanpakma mongjang zing; nang lesa a anaxkya daxcha tuita ningle. Nange othuithuima kaxthai zangwün alai ang azongle ngole.

MALAKI 2:7

Otsingtsing Zang hwon-je anwot-anole kox angkya a zompu-zangpabu mwot changle. Ku mongtex tsingle lax angkya hanpakma khünaknu a hwom hato apao angkya changpu, chemthüikoxle hwom a Jowanpa Khüthak Zang kaxho mixbu changle.

JEREMIA 11:19

Ku a mongongsakya tuita lang ang paole ngole chun ningle chang, ilaxle hwome ochax huxtsing-loptsang mwot ibu mok ang aze ngokya a ku zan to ka ang atsing ngopule kue chitik. “Kemepi opün wan müile ngopongma ija pün dakle changhax; kemepi owaechu chix texle chiatak angkya hanpakma chix mik amüt-hax”, le hwome akaxle ngo.

JEREMIA 18:11

Ikoxle athax, kue hwom zan to kale hwom to sikangün angkya olom zingle ngole le Judah hia Jerusalem angkya khünakbu füi akaxkox. Hwom ang chichang-chizangkyae awangle chingo angkya kax laxkox: hwom kün-mong hia hwome mokle ngokya mwot dantox angkya akaxkox.

MÜNCHUAK-TSAI 21:11

Hwome chix zan to ka angkya katzua laxüi, ikoxlechu hwome chithoüi.

JEREMIA 43:2

Ifüima Hoshaiah sasün Azariah hia Kareah sasün Johanan ilaxle kax ma chilaxle tüikya khünaknue ku hama akax: “Nang a atse ngole. Kwom Ijip nok to kale chingo angkya hanpakma kwom füi akax ang Jowanpae ahüikya münchang.

WANWÜNKAX 18:21

Oja zang nange wündao laxpuix ijae nang khosün ang tsuak chichangba khohang ang tsuak; idaile nang zangwün khoma chem apongpuix ibu nange pongle lax angkya wüi changle.

MÜNCHUAK-TSAI 64:3

Hwome hwom lebu a changlo lailaile wunle anaxle thom ilaxle tsaima-kaxshix a sanhap hanpak ang twon

MÜNCHUAK-TSAI 57:4

Ku a Zanpabue akhople tüile, hwom a khünak müi saxsele woknuak ma ngokya mailang ningkyabu changle. Hwom owabu a paxtun hia santun ningle junle; hwom lebu a tüle anaxkya changlo ningle tüile.

JEREMIA 2:8

Nguapabue chiatüi: ‘Jowanpa ojongkha?’, le Ku nguapabue ku chitik. Apün-awangkyabue ku zan to ka; ajebue Bal baozang mün ma zangwün ilaxle laxli chitüikya chapabu to shwom.

ISAIA 32:7

Ongat-ongüi khünak a ochax khünak changle ilaxle ochax mwot mokle; chixe atsele zangwünkya füi chitüi-chinang khünak tha ama angkya olom zingle ilaxle ibu ang hwom süntswon kop ang chitomle tsyenle.

1 WANGHOMBU 22:24

Ija füima ajepa Zedekiah Mikaiah hato ngui. Chix thün ma fit ilaxle atüi: “Ku angkya Jowanpa chasa paolaxle chemtu makhange nang füi zangwünpu?”

2 SAMUEL 17:14

Absalom hia Israel khünaknu pangwüie thüi: “Ahithofel füi Hushai zünkax-saikax wüi müihule.” Absalom hato thama chihüi angkya hanpakma, Ahithofel-e koxkya müikya zünkax-saikaxbu mokle chile angkya hanpakma Jowanpae kaxfün tsuakle fa.

2 SAMUEL 15:31

Chemtue Ahithofel a zankat ma womünale Dawid hama wünle koxpuix, chixe zangjop: “Jowanpa, chingchalaxle Ahithofel tsai-kax hia tutex ongat ang achangfa!”

LIWI 10:11

Ilaxle Mosa makhange Jowanpae hwom füi zangwünkya wanlom bakle, Israel khünakbu pangwüi hama apua angkya changle.”

JUHAN 9:40

Chix füi tomle ngokya farisibue ija zangwün atatlaxle chix ma atüi: “Kwom ang miksut changpu le thüikya kax ning münchang hexnyi?”

JEREMIA 26:11

Ipongma nguapabu hia ajebue onok lompabu füi akaxle thüi: “Ija khünak mik amüt ang asupu chemthüikoxle chixe kem tingnu zongto omale akaxdaoa. Hünzome chix kax ma na füi jao atatle laxdaoa.”

KAXHO MÜIKYA LUK 11:45

Üntoxle Wanlom nwotmix mixsün tuitae chix ang thüi: “Nwotmix, nange ija kax akaxkya e kwom angchu zak akople.”

JEREMIA 44:17

Kwome moküihexle akaxkya pangwüi kwome moküi. Kwome Zangkangting Baozangchanu ang töbu koxüi, ilaxle she to kwome ju füi liüi; ija a kwome tamchu kwom pupa hwome, kwom wanghom hwom hia lompabue Judah tinglongbu ma tamchu Jerusalem tingjang lomnu to mokle hüikya ningle changüi. Ipongma kwom tüle ahak-aluale ngopu, ilaxle chem tingtui chitüile ngopu.

JEREMIA 8:8

Hünzom a jepabu tamchu hünzome ku wanlombu tikle ngopule chemle thüitsuak? Hulax, wanlombu a otsing chichangkya zatmixbue tüilüidaoa.

JEREMIA 18:19

Ikhoma kue zangjop: “Jowanpa, ku kax to apahüi ilaxle ku zanpabue ku bama wünkya zangwün atatle kop-hüi.

JEREMIA 20:10

Pangnusae huxsa ma wünkya kue atat, “Thomshix thama a pangkhato tüile! Idaile chix bama pünpa-chongwangbu hato kax koxhax!” Ku zuikhui shemkhaxbu ngaxchu ku dütüi to hule nui. Hwome thüi: “Chix a dyen ang tsuaküi, ifüima keme chix koplaxle olüix khom ang thoüi.”

JEREMIA 37:13

Ikoxle chemtue kue Benjamin Zünkai alople changpuix, ikhama süpahi lompa ang ngokya alixachong, Shelemiah sasün, Hananiah susüne ku azak ilaxle thüi: “Nange ija Babilon nok hato tok ahokya changpu!”

EZEKEL 7:26

Thama tuita füima mama thama azuile hüiüi, ilaxle kaxho oma a chizopkya jajen ningle thokle hüiüi. Hwome chem ngünpuix, ibu ngaile aho angkya hanpakma hünzom ajebu füi tsaiju-kaxjule changüi. Nguapabue khünaknu hama anwot-ano angkya chemchu chitüile changüi, ilaxle tüichong mixmüibu ma zünkax-saikax chemchu chitüile changüi.

2 PUKAX-PANGAO 24:21

Zekariah amüt angkya khualop zangwün khato wanghompa chuwüi hak, ilaxle Zekariah a Zangshwom-Hom lopsha ma long füi thuple lang angkya chixe khünaknu ang kax kox.

JEREMIA 44:16

“Jowanpa mün ma nange kwom füi akaxkya zangwün to mün-apale kwom angampu.

MANGSOP 3:62

Han-ahomle hwome ku mo-mo wüi wünpu ilaxle ku zan to ka angkya mwottho zingpu.

MIKA 3:6

“Ajepahom, hünzom hanpak zanghan a kaipu; hünzom zanghannu a dütüi khakha. Hünzome ku khünaknu ochei lom to zunle paokya khoma, athaxpi hünzom ang ajekya zakdaoüi, ilaxle hünzome füichi hanpak bama chemchu akax ang münthoüi.”

MIKA 3:7

Opange füichi hanpak bama ajele akaxlaxüihex, hwom kax ningle changle chingaikya zuma hwom thajao-wünhaile changüi. Hwom pangnu wüi thünkhux-thajaole chang ang tomüi chemthüikoxle Zang-e hwom kax to chilan koxle.