JEREMIA 18:11 - OTSAO BAIBEL (BSI)

¹¹ Ikoxle athax, kue hwom zan to kale hwom to sikangün angkya olom zingle ngole le Judah hia Jerusalem angkya khünakbu füi akaxkox. Hwom ang chichang-chizangkyae awangle chingo angkya kax laxkox: hwom kün-mong hia hwome mokle ngokya mwot dantox angkya akaxkox.

JEREMIA 18:11 ပူးပေါင်းရင်းမြစ်များ

2 WANGHOMBU 17:13

Jowanpae Israel nok hia Judah nok ang kaxkhün kox ang, chix kaxhomixbu hia ajebu ahüilaxle thüi: “Hünzom ochax lombu danle toxdao ilaxle ku kaxtombu kax ma laxlax, ija ku Wanlombu a kue hünzom putong hwom ang koxdaopu, ilaxle ija ku da ajebu makhange hünzom hato tailaile apüile koxkya tüile.”

JEREMIA 35:15

Kue chizakle hünzom hato ku da ajebu ahüile ngopu, ilaxle hwome hünzom ang chichangchizangle ngokya ochax lom dantoxlaxle sukya mwot mokle hüi angkya akaxpu. Kue hünpu hünpa hwom ang tamchu hünzom ang koxle thomkya haxtok ma hünzom ngole hüi angkya kux male, hünzome baozangbu to shwom-töle hia ibu thothale chichang angkya hünzom ang kaxkhün koxle hüipu. Ikoxle hünzome ku kax chiapa chichangba ku kax to mongjao chikox.

JEREMIA 25:5

Hünzom chichangchizangle ngokya zanglom hia ochax mwotbu tokya mongchatle chang angkya hwome hünzom hama akaxpu; ile changkox tix wüi hünpu hünpa hwom ang othuithuima hwom kux hex-ole koxkya ija hünzom haxtok ma hünzom chemsua chisixle ngole hüitsuak angkya chang koxle.

JAKOP 5:1

Üntoxle athax, hünzom ahak-aluakyabu, ku kax apalax! Hünzom hato hüile ngokya sikngün bama hünzom soplax üntoxle akhonglax.

WANGSHEMBU MWOT 26:20

Hwom ochaxbu tokya mong chatle Zang hato hüi angkya wüi changle üntoxle mong chatüna le ahokya mwotli mok angkya changle.

ZEKARIA 1:3

ikoxlechu athax kue thüipu, ‘Ku hato chat-hüi, üntoxle ku chuwüi hünzom hato chatüi.

MIKA 2:3

Ikhoma Jowanpae akax: “Kue hünzom hato thama apüi ang mongzangwünle ngole, ilaxle ija chak tokya hünzom azangle pao ang münthopu. Ma thoma alüile hünzom a thama ma bangüi, ifüima hexle athaxpi hünzom ongam ahole aham angkya chitüiüi.

ISAIA 5:5

“Kue ku grep haxtok to ile mok angkya changle; kue ija akhople tüikya tsawat paoüi, ija to tsyenle thomkya katuk atsunüi, ilaxle faomüie ibu naxsaxkox tamchu nakle naxakhixkox.

JAKOP 4:13

Anyix chichangba ngainyix kwom ija tingsho to paoüi ilaxle ikhato zanglao atale thalexle ngunkop-syenloüi, le akaxkyabu, hünzome ku kax apa hüi.

EZEKEL 18:23

Ochax khünakbu zikkya ngünlaxle ku ang mongmüile le nange thütpuix nyi?”, le Jowanpa Khüthak Zang-e atüi. “Ile münchang, itülüi kue hwom künlop-monglüi laxle ozün ma ngokya ngünse tsupu.

EZEKEL 13:22

“Hünzom kaxthai zangwün makhange müikya khünakbu ang hünzome mong ahik. Ibu a kue mong amase lejao chitsukya khünakbu changle. Ochax khünakbue hwom ochaxbu danle toxlaxle khosün atak angkya hünzome abaxle thom.

JEREMIA 51:11

Chixe Babilon nok amüt-sele tsukya khoma Jowanpae Medi nok wanghombu to cheile amwop. Ijaningle chixe chix Zangshwom-Hom amakya olüix khom angkya changle. Zansing lompa-e kaxkox: “Hünzom changlobu wunle anax kox! Hünzom dibu achwonkox!

JEREMIA 36:7

Owatsing hwome Jowanpa to zangjopüi ilaxle chichang-chizangkya khatokya hwom mongchatle chang ang tsuak, chemthüikoxle zongbakbak ma chix mongtsik mongma ashukle Jowanpae khünaknu aza-anale changdaoa.”

JEREMIA 36:3

Owatsing chemtue Judah khünaknue, kue hwom hato ahüi angkya thama-thomshix bama atat ang kopkya zuma, hwom ang mongchat laxle chichang-chizangkya lomtang pangwüi danle tox lechu changtüilax.”

JEREMIA 26:13

Hünzom ngole hüikya lomtang hia hünzome mokle hüikya mwot pangwüi hünzome lüi angkya wüi, ilaxle hünzome Jowanpa kax ma laxle chang angkya wüi. Hünzome mong alople jangchang, chixechu hünzom hato thama tsangmüt apüi angkya chix mongjang alüixüi.

JEREMIA 26:3

Owatsing khünaknue apa laxle chichang-chizangkya hwom lomtangbu danle toxle chu changtsuak. Hwome ile jangchang, hwom chichangchizangle tüikya mwotbu khoma kue hwom hato thama apüi angkya katzua laxle ngokya ku kün-mong alople changüi.”

JEREMIA 18:18

Ifüima khünaknue thüi: “Jeremia hanpakma tütali tümok-hax! Kem ang adangle fa angkya hanpakma nguapabu, zün-sai angkya hanpakma jepabu, ilaxle Zang kaxho angkya hanpakma ajebu tüile ngo angkya changle. Kemepi chix ma kaxhux fehax ilaxle chix zangwün to apale taxngohax.”

JEREMIA 11:19

Ku a mongongsakya tuita lang ang paole ngole chun ningle chang, ilaxle hwome ochax huxtsing-loptsang mwot ibu mok ang aze ngokya a ku zan to ka ang atsing ngopule kue chitik. “Kemepi opün wan müile ngopongma ija pün dakle changhax; kemepi owaechu chix texle chiatak angkya hanpakma chix mik amüt-hax”, le hwome akaxle ngo.

JEREMIA 4:23

Kue chaxwannu to hu—ija a puamün chitüikya haxtok tuita changle; zangkho to hu—ikhato zangngaikya chitüi.

JEREMIA 4:6

Zaion chitole angkya lom apua laxkox! Khangkhosün ang ziklax! Shenle taxngo! Shuakuxchi tokhange Jowanpae huanu thomjo hia thama apüile ngole.

JEREMIA 3:22

Jowanpa hato tok ahole paokyabu hünzom pangwüi chat-hüi; chixe hünzom kak amüiüi ilaxle mongong tüikyabu ang achangüi. Hünzome thüi: “Changle, kwom a Jowanpa hato chatpu chemthüikoxle chix a kwom Zang changle.

JEREMIA 3:1

Jowanpae thüi: “Khünak tuitae chix kakonu füi fan-janle jangchang, tamchu she paolaxle mama mix kakonu ang jangachang, chixe she tam achatle lax ang müntho. Ijae haxtok jaojao komkaile chitsaokya ang achangüi. Ikoxle, Israel, hünzom ang mongkünbu huanuma tüile hüidaoa, ilaxle athax nang a ku hato chat-sele tsupu!

2 WANGHOMBU 22:13

“Ija laipex ma zale tüikya bama, ku tamchu Judah khünaknu hanpakma Jowanpa füi tsaitik-kaxshole anohu. Ija laipex ma chem mok angkya hex-ole zale tüipuix, ija chimokkya khoma Jowanpa a kem füi mongtsikle ngoüna.”

2 WANGHOMBU 5:5

Wanghompa-e thüi: “Ku laiza koplaxle nang a Israel nok wanghompa hato kalax.” Ikhoma Naman achexle pao. Chixe chix füi tomle 30, 000 khop ngunkhix,6000 hun ngunkhix, ilaxle nyimüi shembün, le koplaxle achex.

PONGWANG LAIPEX 11:7

Oman, juhax! Hwom ang tsaikho-kaxkho asamle koxhax, ikoxtix hwome tata zangwün chitsingle changüi.”

ISAIA 57:1

Müikya khünaknu zile paole, ikoxle owaechu ija müntik chichangba ija tuitexkya mix tuita chitüi. Ikoxle chemtue hwom zile paopuix, jaopo sikngün chemechu hwom to mak-kha ang chitho.

JEREMIA 4:1

Jowanpae thüi: “Israel khünaknu, hünzom mong chat-se jangtsu, ku hato chat-hüi. Hünzome ku to mongong thom ilaxle kue tsakkya chapabu awütle jangchang,

JEREMIA 11:11

Ikhoma, athax ku, Jowanpae hwom hato thama ahüi angkya kaxkhün koxpu, ilaxle hwom a azang ang münthopu. Ilaxle chemtue hwome ku hato ozing alaile, hwom to fong angkya akhongle changüihex, kue ija to ojao münapa.

JEREMIA 25:2

Kue Judah hia Jerusalem angkya khünaknu füi akax,

JONA 3:8

Khünak noknusae tamchu müi pangnusae nyikhwon awun angkya changle. Khünak pangnusae wüi mongkoxle zangjop angkya changle ilaxle hwom zanglom chimüikya hia thaikya mwot pangwüi dantox angkya oli changle.

1 WANGHOMBU 22:23

Ilaxle Mikaiah-e ashuk: “Chemle changpuix ija a ile changpu. Jowanpae ibu ajebue nang hama othai aje ang tompu. Ikoxlechu chixe a nang füi thama apong angkya wüi changle le kaxfün tsuakle changdaoa!”

JEREMIA 4:14

Jerusalem, nang mongkha angkya ochax sole atsao dao, ikoxtix nang azang ang thoüi. Ochax tutexbue awang laxle nang chemtukux ngole hüiüi?

JEREMIA 19:3

Jowanpae ku ang ile thüi angkya akax: “Judah wanghombu tamchu Jerusalem angkya khünaknu, ku, Jowanpa Israel nok Khüthak Zang-e hünzom füi akax angkya kax to apalax. Ija haxtok hato kue khomtsikya tha ahüi angkya changle, ilaxle ija zing atatkyabu pangwüi abütle changüi.

JEREMIA 19:15

ilaxle Khüthak Jowanpa, Israel nok Zang-e akaxkya kax ngaile thüi: “Ija tingnu hia tomzi tinglongbu pangwüi hato, kue ahüiüile tsaokya sikngün pangwüi kue apüiüi, chemthüikoxle hünzom mong khüidaoa ilaxle hünzome ku zangwün to nathaüi münchang.”