JEREMIA 17:9 - OTSAO BAIBEL (BSI)

⁹ “Khünaknüsa kün-mong owae tsingthoüi? Ija ningkya huxtsing-loptsang chemchu müntüi; ija a tam chimüikya lima okak füi tüile.

JEREMIA 17:9 ပူးပေါင်းရင်းမြစ်များ

MATHI 15:19

Chemthüikoxle künmong tokhange iningle mongtex chimüikyabu laile: mix mik amütkya; chinunchakkai; ahuxkya; atsekya; ahaikya; iningkyabu.

HWON-NWOT-JAONO 9:3

Pangnusa hato wüi osho talailaikya hüile, ilaxle ija a chaxwannu ma tütali changle ngokya füi tomwüile thaile. Khünaknu ozün ma ngokya kople, hwom tutex ma ochax hia ongate awangle tüile, ilaxle hwom allele sünto zile paole.

WANWÜNKAX 28:26

Ma tutex füito azuikya mix a anga. Jetüi-hwonlangkyabu hwon-nwot füito azuilax, ikoxle nang azangüi.

IBRI 3:12

Mongong ma üithohom, ozün ma ngokya Zang füi anongle pao tang hünzom khama owachu chichang-chizangkya kün-mong hia mongong chitüi homle chichang angkya bama likhün lax.

PONGWANG LAIPEX 6:5

Chemtue Jowanpae chaxwan tok angkya pangnusa wüi chichang-chizangle tamchu jento tutex chimüikyae awangle ngokya ngün ang koppuix,

PONGWANG LAIPEX 8:21

Chemtue Jowanpae ija ongan müikya atumle laxpuix, chixe chix mongto thüi: “Khünak khoma hexle kue tamchatle haxtok to thuakzomle münchangüi; chemthüikoxle khünak mongjang a chix naosün ma tüitan tokhange wüi ochax changle. Kue hwondaokya ningle tamchatle ozün ma tüikya zünmok max ang müntomüi.

MATHI 13:15

hwom ang khangkho samdaokoxle; hwom ang atat angkya na tütdaoa, ngün angkya hwom mik achik ngoüna. Ile chichang thüikoxle, hwome mik füi ngün ang those; ma nae atat ang those; ma kün-monge awan ang kopse; ilaxle hwom ku hato chatse; ikoxle kue hwom amüile fase, le Zange akax.’

JEREMIA 16:12

Ikoxle hünzom hünpu-hünpa hwom to kaile chimüikya mwot mokle hüi. Hünzom pangwüi mongkhüi ilaxle chichangchizangle tüi, ilaxle hünzome ku kax ma ojao chilax.

MÜNCHUAK-TSAI 51:5

Ku a puxnyix tokhange wüi ochax changkya; anu wok ma tüitantokhange wüi ku a ochaxe awangle tüikya.

MARK 2:17

Jisu-e ija zangwün atatlaxle hwom ang thüi: “Müimüi zangngaile ngokyabu ang kak-hu-mix laxli münchang, kakmixbu zongma laxli changwüi. Ikoxle ku a chongbongkyabu chichangle ochax khünakbu, mongchat angkya hato ahyen ang nguipu.”

ROM NOK HATO ZAKYA POL LAIZA 1:21

Hwome Zang awan, ikoxlechu chix achuak afua le chichang, ilaxle münchongchu tamchifa. Itülüi mongjang samsamsüi le pao ilaxle chem ngax chitüikya hwom khangka zangnake awang.

ROM NOK HATO ZAKYA POL LAIZA 7:11

Wanlom makhange mok angkya opong atak laxle ochaxe ku dyen; ile wanlom makhange ochaxe ku lang.

EFISIA 4:22

Hozang tsün oja dyen-nganse le tsukyae amütle thomtüi puix, ojae nang ami pongkya ningle ngo ang tompuix, ija tsün hozang füi atsailax.

2 SAMUEL 11:15

Chixe za: “Uriah a zan to tunpa ma sütle akatkox. Zan sümakya khama chix dankox ilaxle hünzom anongle chatkox, ile chix zan to max ang tomkox.”

ISAIA 1:5

Hünzome büthüikoxle alünle ajonglanle ngopu? Hünzome anaolechu sikngün süchongkya lompia? Israel, hünzom khang a thomzün-maklaxkya füi chwople tüidaoa, ilaxle hünzom kün-mong hia khangka a kakle tüile.

ISAIA 1:6

Khang makhange cha kople hünzom ma tsangtsa fanmüile tüikya manwan chemchu mün-ngün. Hünzom a zutle akhixkya hia mak-chak tamchu thomzün makbu otok to ngünle tüikyabu füi awangle tüile. Hünzom mak-chak a sole tamchu lople chithom. Ibu to hinghai cheme chu chizu.

ISAIA 6:10

Ifüima chixe ku ang akax: “Ija khünaknu kün-mong oba ang achang kox, hwom nabu ba ang tomkox, hwom mikbu apwom ang tomkox, ikoxtix hwome ngün ang chithoüi, atat ang münthoüi, ilaxle tsingle lax ang münthoüi. Hwome ile tsuakle jangchang, hwom ku hato mong lüile hüiüi ilaxle kakmüi angkya ataküi.”

MÜNCHUAK-TSAI 64:7

Ikoxlechu chix sanhapbu füi hwom to hap, ilaxle allele hwome maklax.

JEREMIA 7:24

Ikoxlechu hwom ija kax ma chilax chichangba na thale chiapa. Itülüi, hwom mongkhüi hia ochax kün-mong ma chem mongkho dongpuix, ibibi ma hwome mokle hüipu. Ikhoma hwom fün süma-sümale male paopu.