JEREMIA 17:4 - OTSAO BAIBEL (BSI)

⁴ Kue hünzom ang koxkya haxtok hünzome dantox angkya wüi ilaxle hünzome awanle chingokya mixnok chaxwan to kue hünzom ang zan-nokbu thotha-manzaile ngo ang tomüi, chemthüikoxle ku mongtsik a wün ningle changpu, ilaxle ijae jento zokle ngoüi.”

JEREMIA 17:4 ပူးပေါင်းရင်းမြစ်များ

JEREMIA 15:14

Hwome opak chitikkya haxtok to kue hwom ang hwom zan-nok thothale chang ang tomüi, chemthüikoxle ku mongtsik a wün ningle changle, ilaxle ijae jento zokle ngo angkya changle.”

MANGSOP 5:2

Kwom tuinabu a mixnokpa chak to tüile; kwom haxtok ma ngole tüikya mixnokpa chak to a.

JEREMIA 7:20

Ikhoma ku, Jowanpa Khüthak Zang-e za-adünkya ku mongtsik ija Zangshwom-Homnu ding ma thoküi. Kue ija khünakbu hia müibu ding ma tomwüi thokle adütüi, ilaxle pünzua hia tsaxsa-hikhabu pangwüi ding ma thoküi. Ku mongtsik a owaechu amüt ang chithokya wünnu ningle changüi.

ISAIA 5:25

Chix khünaknu füi Jowanpa ang mongmale, ilaxle hwom to sikangün angkya hanpakma chixe chak thüidaoa. Haxnubu sile aloxüi, ilaxle opang zile paolax puix ibu mang a tingjang lomnu to oma-oshix awütkya ningle ngoüi. Ile changkox-ngaxchu Jowanpa mongtsik münbak, ikhoma sikngün fa ang chix chak thüile wüi ngoüi.

JEREMIA 16:13

Ikhokhoma, kue hünzom a, hünzomechu chichangba hünpu hünpa hwomechu tümatsingkya haxtok to tswonle awütüi. Ilaxle ikhato zangnak zangngaile hünzome mama baozangbu thotha-manzaile ngoüi, ilaxle kue hünzom hato chingcha ahoüi münchang.’”

ISAIA 14:3

Jowanpae Israel khünakbu ang hwom to tsütle kakkya hia sikngün tamchu hwom ang atsangle amok thomkya mwot-tsak, ibu pangnu chak tokya nazak atak ang tomüi.

EZEKEL 21:31

Kue ija wünkhix ningle hünzom khangkho ma danle apaokya zuma hünzome ku mongtsike pokya awanle laxüi. Ilaxle kue hünzom a, tuikhex chitüikya khünakbu, thama adün ang ataxle awan ngokyabu chak to kox angkya changle.

MANGSOP 1:12

“Ku to hulax!”, le-zyenüi khünakbu pangwüi füi akaxle she akhong: “Ku to kakkya ningle owa tochu makak tox, Chix mongtsik pongma Jowanpae ku hato ahüikya okak a.

JEREMIA 12:7

Jowanpae thüi: “Kue Israel nok dantoxdaoa; Kue zünle kopkya jat-li kue dantoxdaoa. Kue mongkünkya khünakbu ang hwom zanpabu ang achang angkya tsak-zong koxdaoa.

JEREMIA 5:29

“Ikoxlechu, ibu khokho ma kue hwom to sikangün angkya changle; ija nok to kue jannong alüile changüi.

ISAIA 66:24

Hwom pao ang laikya zuma, ku zan to kale changkya khünakbu mang hwome ngünle laxüi. Hwom mang saxkya chongbu tamchizile ngoüi, ilaxle hwom to zokle ashun ngokya wün a tam chimaxle ngoüi. Khünaknüsa mikngün ma hwom a chisumüikyabu ang ngünüi le Jowanpae akaxle.”

ISAIA 30:33

Asiria nok chongwangpa wün ma zok angkya onui kaiwüi achwonle tüikya. Ija a zule tamchu khaole, ilaxle ha füi tomle ding to tsuathale athünüi. Jowanpa ija zokle ashun angkya hanpakma shuajen ningle wünle mütle alaiüi.

NEHEMIA 9:28

Chemtue tumüi lomkhao chatle hüipuix, anaole chuwüi hwome ochax lyen, ikhoma anaole chuwüi nange hwom to zan nokbu ang lüt ang tom. Ikoxlechu chemtue hwome monglüile chatkya füi hwom to asun angkya nang ahyenpuix, zangkangting tokhange nange atatle lax, ilaxle jantakya bama nang chingcha chongkya füi nange hwom khosünle kop.

2 WANGHOMBU 25:21

Ipongma wanghompa a Hamath haxtok angkya tingnu Riblah ma tüikya. Ikhato wanghompa-e hwom to chakmok ilaxle langle awüt. Ile Judah angkya khünaknu a hwom haxtok angkya zanda ang tsuile pao.

1 WANGHOMBU 9:7

izuma kue hwom ang fale thomkya ija haxtok angkya Israel khünakbu achaüi. Ku to shwom angkya onui hex-ole zünle kopkya ija haxtok tamchu Zangshwom-Hom chuwüi kue danle toxüi. Khünaknue pangkha towüi Israel nok to anu-ahaile changüi ilaxle she to adix-adale changüi.

TSAITONG-KAXTONG 28:25

“Jowanpae zanbu ang hünzom to lüt ang tomüi. Hünzome hwom to lomkua tuita makhange singüi, ikoxle hwom thoto hünzom pangnu chito afale paoüi, ilaxle hünzom to ile changkyabu ngünlaxle chaxwannu khünaknu nok wüi abütüi.

JEREMIA 2:14

“Israel nok a da tuita münchang; chix a da tuita hex-ole pux-paikya chichang. Chemkhomale chix zanpabue chix zan to kale ngopu?

JEREMIA 18:23

Ikoxlechu, Jowanpa, hwome ku mik amüt ang atsing ngokya pangwüi tikle ngopu. Hwom chichangchizangle tüikya hia hwom ochaxbu hanpakma thailak taxtüi. Hwom to zane lüt ang tomkox ilaxle nang mongtsikle ngopongma hwom to chak mokkox.”

JEREMIA 22:28

Kue thüipu: “Wanghompa Jehoiakin a tuita ashix daokya tamchu owaechu chilaxle awüt daokya tikkux tuita ningle changdao pia? Ija khokho ma chix tamchu chixsu chixsa hwom pangwüi hwome awanle chingokya haxtok to zanda ang pao pia?”

ISAIA 50:11

Mix fün ama ang olom zingle ngokya hünzom pangwüi hünzom pangwüi mae zingkya olom ma maxüi. Ija ile Jowanpa chix tomtae chang ang tomüi; hünzome wün ang chimüikya shoma thangnak apongüi.

JEREMIA 5:19

Kue ibu chemthüikoxle mokpuixle hwome atüikya zuma, chemle hwome ma haxtok ma ngolaxle ku hato tok aho ilaxle mixnok baozangbu to shwomle changpuix, ija lailaile ma haxtok chichangkya khato hwome mixnokbu thotha-manzaile chang angkya, Jeremia, nange hwom hama akaxkox.”

EZEKEL 7:24

Kue ikhato chisumüikya nok apüiüi ilaxle hwom ang hünzom homhaxbu lax ang tomüi. Chemtue kue chaxwannu nokbu ang hünzome zangshwomle ngokya nui ochax ang achang ang tomüihex, hünzom khama mixtsak naomüile ngokya mixe ngaxchu chix mongong ma athaüi.