JEREMIA 17:27 - OTSAO BAIBEL (BSI)

²⁷ Ikoxlechu hwome ku kax ma lax angkya wüi ilaxle Sabath a tuita otsao-nyix le atsaole nui angkya wüi. Ija nyix hwome Jerusalem zünkai makhange chemlichu hün laxle chileüi, chemthüikoxle hwome ile jangmok thüiningle Jerusalem zünkaibu ma kue wün langüi. Jerusalem angkya chongwang homlobu wün to zokle shun ang tomüi, ilaxle ija wün owaechu amüt ang münthoüi.”

JEREMIA 17:27 ပူးပေါင်းရင်းမြစ်များ

2 WANGHOMBU 25:9

Jerusalem angkya Zangshwom-Hom, wanghom homlo, ilaxle nguakax-wangkhobu hom pangwüi chixe wün füi zokle ashun.

JEREMIA 7:20

Ikhoma ku, Jowanpa Khüthak Zang-e za-adünkya ku mongtsik ija Zangshwom-Homnu ding ma thoküi. Kue ija khünakbu hia müibu ding ma tomwüi thokle adütüi, ilaxle pünzua hia tsaxsa-hikhabu pangwüi ding ma thoküi. Ku mongtsik a owaechu amüt ang chithokya wünnu ningle changüi.

JEREMIA 21:14

Nange chem mokdaopuix ija khoma kue nang to sikangünüi. Kue nang wanghom homlo ma münlangüi, ilaxle ija hozui ma tüikya jali pangwüi ija wün füi zokle ashunüi. Ija kax, Jowanpa kue akaxdaoa.”

AMOS 1:14

Ikhokhoma kue Rabbah tingnu to wün ajo laxle tingtui tokya long katuk hia zanhunuibu zokle ashunüi. Ifüima azankya nyix sungdünle akhongkya tüiüi, ilaxle azankya a cheinu-watnu lailaile tüle shixle male changüi.

EZEKEL 22:8

Hünzom ang otsao nuibu hanpak ang chathua zakya ojao müntüi, ilaxle hünzome Sabath nyix atsaole münthom.

MANGSOP 4:11

Jowanpae chix mongtsik janzüi khak-kha atsok; chixe Zaion ma wüntak laxle ija labu ang achangle zokle ashun.

JEREMIA 52:13

Chixe Zangshwom-Hom, wanghom homlo, ilaxle Jerusalem angkya okho-olo hwom hom-hax pangwüi zokle ashun;

JEREMIA 49:27

Damaska pan-katuk to kue wün langüi ilaxle wanghompa Benhadad wanghom homlo zokle ashunüi. Ku, Jowanpa Khüthak Zang-e ija akaxdaoa.”

JEREMIA 39:8

Ile changpongma, Babilon noke wanghom homlo hia khünaknu hom-haxbu zokle ashun ilaxle Jerusalem katuk thuple atsun.

ISAIA 1:20

Ikoxlechu hünzome ku mün amale jangchang, hünzom a zikmüt-mangkho thama ma tüile. Ija a, Jowanpa, kue akaxdaoa.”

IBRI 12:25

Kaxzexkya mix kax ma chilaxle chitüi angkya bama hünzom likhün lax, chemthüikoxle chaxwannu ma likhün angkya kax owae zexpuix, ija kax ma chilaxkyabu ngaxchu paole azang ang chitho, jangchangba zangkangting tokhange kaxkhün zexkya mix thüntho angkya tomning chemle paole azang thoüi!

AMOS 2:2

Kue Moab nok haxtok hato wün ahüiüi ilaxle Kirioth angkya zanhunuibu zokle ashunüi. Chemtue süpahibu akhong tamchu nyazongbu mütle changüihex, ija zanzing thoto Moab nokbu zile paoüi.

AMOS 1:12

Ikhokhoma kue Teman tingnu hato kue wün ajoüi ilaxle Bozrah angkya zanhunuibu zokle ashunüi.”

AMOS 1:10

Ikhokhoma kue Tair nok tingnu katuk hato wün ajoüi ilaxle ija angkya zanhunuibu zokle ashunüi.”

AMOS 1:7

Ikhoma kue Gaza tingnu hato wün ajoüi ilaxle ijama tüikya zanhunuibu zokle ashunüi.

AMOS 1:4

Idaile kue wanghompa Hazael-e zingkya wanghom homlo to wün ajoüi ilaxle wanghompa Benhadad zanhunuibu kue zokle ashunüi.

EZEKEL 16:41

Hwome nang hom texle atsunüi ilaxle shekobue ngünle nang to sikangünüi. Nang chinunchakkaile ngokya hia nang mongkün hwom ang hingho koxle ngokya zak ang tomüi.

JEREMIA 44:16

“Jowanpa mün ma nange kwom füi akaxkya zangwün to mün-apale kwom angampu.

JEREMIA 32:29

ilaxle ija to wün langüi. Hwome homkho to Bal ang ongai müikya so zokle changkya hia mama baozangbu ang töbu koxkya füi ku ang mongtsik adünle changkya hom-haxbu füi afomle, hwome ija tingnu zokle ashunüi.

JEREMIA 22:5

Ikoxle nange ku kaxtombu kax ma chilaxle jangchang, kue nang füi tsaosaxle thüipu, ija wanghom homlo a pünle amaüi. Ija kax, Jowanpa kue akaxdaoa.

JEREMIA 17:24

“Hwome ku kaxtombu kax ma laxle chang angkya wüile ibu khünaknu hama akaxkox. Ibu zünkaibu makhange hwome Sabath nyix chemchu hünle chiapüi angkya changpu. Hwome Sabath nyix a tuita otsao nyix changle le mwot chemchu chimokle atsaole nui angkya wüi.

JEREMIA 17:4

Kue hünzom ang koxkya haxtok hünzome dantox angkya wüi ilaxle hünzome awanle chingokya mixnok chaxwan to kue hünzom ang zan-nokbu thotha-manzaile ngo ang tomüi, chemthüikoxle ku mongtsik a wün ningle changpu, ilaxle ijae jento zokle ngoüi.”

JEREMIA 6:17

Ifüima kaxkhün fakya nyazong zing to apa angkya hanpakma Jowanpae humixbu kam. Ikoxle hwome thüi: “Kwome ija to münapa.”

ISAIA 1:31

Wünpua pikyae tsaxsa ma wün apütle zokle ashunkya ningle, tüle zax-zangle tüikya khünakbu, alüile ma ochax khokho ma max angkya thama apongüi; ija thama owaechu tsyenle tui ang chithoüi

2 PUKAX-PANGAO 36:19

Chongwang homlobu hia tuinabu pangwüi füi afomle chixe Zangshwom-Hom hia tingnu zokle ashun ilaxle tingnu long katukbu atsunle ama.

2 WANGHOMBU 22:17

Hwome ku chilaxle awütdaoa ilaxle mama baozangbu ang töbu koxle changdaoa; hwome mokkya mwot ibu makhange ku ang mongtsik adünle changdaoa. Jerusalem zongto ku mongtsikkya tüidaoa ilaxle ija a tam dang angkya münchang.

TSAITONG-KAXTONG 32:22

Ku mongtsik a wünle laile jao chuale dongüi ilaxle chaxwantok angkya pangwüi zokle ashunüi. Ijae ama-lum jao alople changüi ilaxle haxnubu otsing komkaile zokle ashunüi.

MÜNCHUAK-TSAI 122:7

ilaxle nang wanghom homkha ma chaza chemchu chitüile wintuk-hanthakya tüihüile Jerusalem tumüi-lomkhao hanpakma zangjop kox.

JEREMIA 18:1

Jowanpae ku ang thüi:

MANGSOP 2:6

Kwome chix to shwomle ngokya Zangshwom-Hom thuple akhix toxdaoa; Chixe Otsao nuikya nyix hia Sabath nyix hato oshuk ahüitoxdaoa. Wanghom hwom hia nguapabue taningle chix mongtsik janzüi apong ang tomdaoa.

EZEKEL 21:15

Ijae ku khünaknu ang mong ahik tamchu chikho suale chang ang tomle. Kue hwom tingnubu changlo tuita füi aza-ana ngopu Ija a zangchangjep ningle jikjeple tamchu mik amüt ang achwonle tüile.

EZEKEL 23:38

Okhie mokkya isasa wüile chichang. Okhie kue zingkya Zangshwom-Hom ang kaxma thüi ilaxle Sabath nyi tsaolyenle chang.

HOSIA 8:14

“Israel khünakbue chongwang homlobu zingle, ikoxle hwome hwom zingpupa alakle asamdaoa. Judah angkya khünaknue ziakop laxle tingtan-nokzingle. Ikoxlechu kue hwom chongwang homlobu hia hwom tingnubu zokle ashun ang wün ahüiüi.”

EZEKEL 21:3

Jowanpae akax ngokya ija kaxkhün laxkox: Ku hünzom zanpa changle. Kue ku changlo syetüi ilaxle chimüikya khünak hia müikya khünak tomwüile, hünzom pangwüi langle changüi.