JEREMIA 17:20 - OTSAO BAIBEL (BSI)

²⁰ Wanghom hwom hia Judah angkya khünaknu hama tamchu Jerusalem ma ngole tüikya pangnusa hama üntoxle chu zünkai ibu makhange nguidongle changkyabu pangnusa hama, kue akaxkya kax to apa angkya akaxkox.

JEREMIA 17:20 ပူးပေါင်းရင်းမြစ်များ

JEREMIA 19:3

Jowanpae ku ang ile thüi angkya akax: “Judah wanghombu tamchu Jerusalem angkya khünaknu, ku, Jowanpa Israel nok Khüthak Zang-e hünzom füi akax angkya kax to apalax. Ija haxtok hato kue khomtsikya tha ahüi angkya changle, ilaxle ija zing atatkyabu pangwüi abütle changüi.

EZEKEL 2:7

Kue nang hama chem akaxpuix, nange ibu hwom hama wün angkya changle; hwome chiapakya hia apakya ma chem müntüi. Hwom a chemningle alün-aloxle tüikya khünakbu hex texle ataklax.

MIKNGÜN-OHÜN 2:29

“Na zaikyabue, chasae müimüithombu füi chemle akaxpuix ija to apalax!

MIKA 3:1

Apalax, hünzom Israel nok lompabu! Hünzome sukya kaxfün bama mongkoxse changhupu,

AMOS 4:1

Samaria angkya mixchabu, hünzom opang Bashan angkya sütkho nguikya maihubu ningle haxnut-zangfex le tüipuix, opange zong chitüikyabu to ajao-adale changpuix, mixshix-zasabu to afangle thompuix, ilaxle hünzom kakopabu ang ju-sax apüile koxngo angkya kaxtom koxle tüipuix, hünzome ku kax apalax!

HOSIA 5:1

“Ija to apa koplax, hünzom nguapabu! Mongkoxle apalax, Israel khünaknu! Apalax, wanghom füikya haxnu-homsabu! Hünzome sukya olom ma kaxfün fase changhupu: ikhoma kaxfün a hünzom khangkho ma dütüi! Hünzom a Mizpah ma nutkya tai ang achang, Tabor haxnu ma pünkya sha ang achang,

EZEKEL 3:17

Chixe thüi: “Ziün angkya khünak, kue nang a Israel nok to hu-mix ang zingpu. Kue nang ang fakya kaxkhün zangwünbu nange hwom hato taile ho angkya changle.

JEREMIA 13:18

Jowanpae ku füi akax: “Hwom ngwotnui angkya thai angkya wanghompa hia hotatüi wangchanu hama akaxkox, chemthüikoxle osün müikya khohom hia khüsünbu a hwom khangkho angkya dütdaoa.

JEREMIA 17:19

Jowanpae ku ang thüi: “Jeremia, Judah nok wanghom nopkya hia laile paokya Khünaknu Zünkai ma ku kaxho apuk-kox; ifüima Jerusalem angkya zünkaibu pangnu khato wüi paokox.

JEREMIA 19:4

Khünaknue ku chilaxle awütdaoa ilaxle ija onui ma mama baozangbu: baozangbu oja hwomechu chitik, hwom pupabue chitik ilaxle Judah nok wanghombue chuwüi chitik, ibu ang hwome töbu apüile koxkya tokhange ija onui akhudaoa, ikhoma kue iningle mok angkya jao changle. Hwome ijongkha a chemngax chichangkya khünakbu ajie awangdaoa,

JEREMIA 21:11

Dawid su-sa hwom, Judah angkya wanghom homkha hato ija kaxho fa angkya Jowanpae ku füi akax: “Jowanpa, kue akax ngokya kax to apalax. Nyixfokya to sukya tsaifün-kaxwüi tüile-ole thüilax. Mixdyen mixbue dyenlale thomkya khünakbu khose koplax. Nange ile chimok thüikoxle, nange mokle ngokya ochaxe ku ang wünchua tuita ningle mongtsik alaiüi ilaxle ija owaechu amüt ang chithoüi.