JEREMIA 17:14 - OTSAO BAIBEL (BSI)

¹⁴ Jowanpa, ku kak amüihüi ilaxle ku kodong-handongle changüi; ku khang azün hüi ilaxtix ku khangkho zangngaikya ang ngoüi. Kue achuakkya a nang changpu!

JEREMIA 17:14 ပူးပေါင်းရင်းမြစ်များ

MÜNCHUAK-TSAI 6:2

Ku shanle paoüna, O Jowanpa; ku to chingchakya tüihüi! Ku a najao nale maxle, ku ang janzüi fahüi;

TSAITONG-KAXTONG 32:39

“Ku, Ku tata tix, Zang changpu; mama baozang otsingtsing tuita müntüi. Mik kue amütpu ilaxle khüzün kue koxpu, mak kue khapu ilaxle kue wüi amüile koxpu, ilaxle kue mokkya mwot owaechu abax ang chitho.

MÜNCHUAK-TSAI 106:47

Jowanpa, kwom Zang, kwom khosünfa, ilaxle chaxwannu chak tokya kwom chatle chat ang tomhüi, kwome nang ang münchong fatsuak angkya kuxma tamchu nang otsao mün achuakle tsuak angkya kuxma.

KAXHO MÜIKYA LUK 4:18

“Jowanpa Chasa ku ma tüile; mütmix shunmix hato, Kaxho Müikya apüi ang chixe ku kam. Kople thomkya hato, dan angkya kax apuk angkya; Mikduakbu hato, ngün angkya kax apuk angkya; mix fang to ngokyabu ang, khangkho angai kox angkya;

TSAITONG-KAXTONG 10:21

Chix achuak kox: Chix a hünzom Zang, ilaxle hünzome ma mik füijao, chixe hünzom hanpakma ohünotün hia khomtsikya mwotbu mokkya hünzome ngünle laxdaoa.

MÜNCHUAK-TSAI 109:1

Kue nang achuakpu, O Zang; nang dangjale taxngo!

MÜNCHUAK-TSAI 6:4

Ngui üntoxle ku khosün hüi, nange Jowanpa, nang chingcha füi zikmüt-mangkho tokya ku khosünle.

JEREMIA 15:20

Hwom hanpakmale kue nang a khop füi zingkya katuk tuita ningle shingmongle zingüi. Hwome nang zongto tüiüi, ikoxlechu hwome nang to münlüt. Nang khangkho sünle thom angkya hanpakma ku a nang füi womle tüiüi.

MATHI 14:30

Ikoxchu chixe zangchei ngünkya zuma zalaxle monghix, ilaxle chix ti mongto düt ang azong. Chixe akhong: “Jowanpa ku azün hüi!”

JEREMIA 31:18

“Israel khünakbue mongsopkya füi akaxkya atat, ‘Jowanpa, kwom a chitsomkya müi ningle tüile, ikoxlechu kax ma laxle tüi angkya nange kwom hama anole fapu. Kwom chatle apüihüi; kwom nang hato chatle hüi ang achwonle tüile, Jowanpa, nang a kwom Zang changle.

ISAIA 6:10

Ifüima chixe ku ang akax: “Ija khünaknu kün-mong oba ang achang kox, hwom nabu ba ang tomkox, hwom mikbu apwom ang tomkox, ikoxtix hwome ngün ang chithoüi, atat ang münthoüi, ilaxle tsingle lax ang münthoüi. Hwome ile tsuakle jangchang, hwom ku hato mong lüile hüiüi ilaxle kakmüi angkya ataküi.”

MATHI 8:25

Iponge wangshembu chix hato hüilaxle azwotle thüi: “Jowanpa! Kem azün hüi; kem pi maxkya changa!”

MÜNCHUAK-TSAI 148:14

Chixe chix jat-li tsak-zong ang tom, chix khünaknue chix achuak angkya hanpakma: chixe tüle mongkünkya Israel, chix khünaknue a. Jowanpa achuak kox!

MÜNCHUAK-TSAI 60:5

Nang janzüi füi kwom khosünle changhüi; kwom zangjop to lanhüi, ile nange mongkünkya khünaknu khangkho sünkya naxtüi lax ang.

MÜNCHUAK-TSAI 12:4

Kwom mong atsutsu kwome akaxle, üntoxle kwom owaechu abax ang müntsuak” ibu zangwünkya tsaichong-kaxbongkyabu tun huxdao.

HUAKE LAIPEX 12:13

Ikhoma Mosa-e Jowanpa to nyakle akhong: “O Jowanpa, she kak müi ang tomkox!”

MÜNCHUAK-TSAI 54:1

O Zang, nang tsak-zong makhange ku khosün hüi; nang janzüi füi ku danpanhüi!

JEREMIA 3:23

Haxnukho to kwome songsari baozang shwom ma kwom ang chem olüi chitüi. Israel nok hato ofong-otsox a Jowanpa, kwom Zang makhange tix hüipu.

JEREMIA 30:17

Kue hünzom tamchatle müi ang tomüi; ‘Zaion a pünpao tuita changle, she to hume ang owa müntüi,’ le hünzom zanpabue thüikoxchu, kue hünzom mak amüiüi, Ku, Jowanpae ija akaxdaoa.”

JEREMIA 33:6

Ikoxlechu ija tingnu hia ima tüikya khünaknu okak-olak pangwüi kue zingle achatkoxüi. Kue hwom hato okhonguikya mongsom hia zazyen angkya chitüile ngo angkya chingcha ahole koxüi.

MÜNCHUAK-TSAI 6:3

Ku khüzün a komkaile zongbak sikngünle. Ku to fong nange chemtukux tan-ngoüi? O Jowanpa!

MÜNCHUAK-TSAI 119:94

Ku a nang kux changle: ku khosün hüi! Kue nang kaxtombu kax ma lax ang azongdaoa.