JEREMIA 17:12 - OTSAO BAIBEL (BSI)

¹² Kem Zangshwom-Homnu a fuazangle tüikya tüntong tuita ningle, pongwang tokhange wüi atsuakya haxkho ma ajongle ngokop laxle a.

JEREMIA 17:12 ပူးပေါင်းရင်းမြစ်များ

MÜNCHUAK-TSAI 96:6

Chongwangpa fuazangkyae chix zui akhople tüile; chix Zangshwom-Hom a osün müikya hia tsak-zonge awangle tüile.

EZEKEL 43:7

“Ziün angkya khünak, ku ngwotnui ikhama tüile. Ku ikhama Israel khünaknu füi tomle ngo angkya ilaxle othuithuima hwom thakma apünle ngo angkya changle. Athax Israel khünaknue wüi changlax hwom wanghombue wüi changlax owaechu, mixnokbu baozangbu to shwomkya makhange chichangba zan ma maxkya hwom wanghom hwom mangbu akhün laxle ibu chapabu ajongle changkya makhange ku otsao mün amale münchang angkya changle.

JEREMIA 3:17

Chemtue ija hanpak nguile hüipuix, Jerusalem ang ‘Jowanpa Tüntong’ le nyaküi, ilaxle pangnu jat-li ikhato ku to shwom ang asoxüi. Athaxpi hwome hwom mongkhüikya hia ochax kün-monge hwom füi chemle akaxpuix ija kax ma münlaxüi.

EZEKEL 1:26

Ija NOMLONGKANTUM dingma safir makhange zingkya lailaile chongwang tüntong tuita tüikya, ilaxle ija tüntong kho ma khünak lailaikya tuita thungle tüia.

JEREMIA 14:21

Nang kaxtsaobu texle ataklax ilaxle kwom ajaole tax-awüt; Jerusalem hato thajao-wünhai taxahüikox, ikha a fuazangkya nang nui-ting changle. Nange kwom füi zingkya Tsaotsüt amale taxchang.

MIKNGÜN-OHÜN 3:21

Zan to anaolaxle ku chemle chongwang tüntong ma Apa tsaxchi ma ngopuix ilailaile zan to lütkyabu ku tsaxchi ma ngo ang tomüi.

IBRI 12:2

Owang tokhange oshuk kople kem mongong thomkya Jisu angkya kem mik taxachex hax. Pünsak sikngün khoma hexle chix ang mong chiatho! Itülüi, chix hanpak ang tanle ngokya mongmüi khoma, pünsak ma zikya thünzak tuita changpu le chixe chithüt, üntoxle athax chix a Zang ngwotnui tsaxchi ma thungle tüile.

IBRI 4:16

Fong mix lomle tüipongma, keme chingcha hia jaja füi fongkya atak tsuak angkya kuxma, kempi chix chongwang ngwotnui hato mongao chitüile ngui

ISAIA 6:1

Wanghompa Uzziah zile paokya zanglao ma, kue Jowanpa ngün. Chix a chix tüntong ma thungle tüikya, tüle tsuale tamchu achuak-achenle, ilaxle chix nyiwune Zangshwom-Hom homnu awang.

MATHI 25:31

“Otue Khünak Hosa ma kaxtaimixbu füi wanghom ang achangle nguiüi hex, chix chongwang tüntong ma thungüi.

ISAIA 66:1

Jowanpae thüi: “Zangkangting ku ngwotnui, chaxwannu a ku chitingnui changpu. Jangchangba, nange ku hanpakma chem ningkya hom tamchu chem ningkya ku ngwotnui zingle alaiüi?

MÜNCHUAK-TSAI 103:19

Jowanpa chix tüntong zangkangting to dan; chix a pangnusa thakma wanghom.