JEREMIA 17:11 - OTSAO BAIBEL (BSI)

¹¹ Chimüikya lom makhange ngun kople changkya mix a mae chilütkya oti to womkya osa ningle changpu. Chix zaxtan tüipongwama chixe ma ahak-aluakya asamüi, ilaxle oshukshuk ma chix a tuita ongat ang changüi.

JEREMIA 17:11 ပူးပေါင်းရင်းမြစ်များ

WANWÜNKAX 28:20

Sukya lom ma ngokya khünakbu okhonguikya tsün tamchu mongmüi ma ngoüi. Ikoxlechu nang ahak-alua ang akhangle jangchang, nange sikngün apong angkya changle.

WANWÜNKAX 21:6

Chichangchizangkya lom tokhange nange kopkya tuinabu a lebama wüi samle paoünüi, ikoxlechu mik-amüt angkya wikha to nang masho tanto münsam.

JEREMIA 22:17

Ikoxle nange nang hanpak zaza ajangkya ngünle; nange chemngax chichangkya khünakbu lang ilaxle zongzong ma laxle nang khünaknu thakma adale chang. Jowanpae akaxdaoa.

JEREMIA 22:13

Chisukya olom tokhange ija hom zaile alaikya tamchu ija achenle zingkya mix; owae chix khünaknu ang muato mwot amokpuix ilaxle hwom ang hingchak mün chifale changpuix, chix a maxdaoa.

WANWÜNKAX 28:8

Koxkya honu bomachu sasün laxkya hia mix shoma ma shomüi ang laxlaxle, ija füi ahak-aluale jangtüi, nang tuina a, mixshix-zasa to chingcha tüikya khünak owawa chak to dong dao angkya changle.

WANWÜNKAX 15:27

Mix to dyen-lale olüi kop ang azonglax, nang homkhae thama apongüihex. Zuizunbu laxle chichang thüiningle nang tsünlo zaknuile ngoüi.

2 PITAR 2:14

Hwome chem tochu münhu ikoxle chinunchakkai angkya ziasyen to huwüi; ochax lyensale sungkya hwom mongsung mongtex ma tam münngui tox. Shonaikya khünakbu hwome tsünle amanle. Hwom kün-mongbu a osing nüfux tüi angkya bama anwot-anole thomdaoa. Hwom a Zang thuakzom fangma tüile!

TITA 1:11

Hwom zangwün abax angkya zongpong jao changle, chemthüikoxle hwome ngun kop angkya thünzak mwot anwot-anokya tokhange hwome kako-kako angkhae lanle mong ama ngole.

ZEFANIA 1:9

Mixnokbu zangshwom ma shwomkyabu ilaxle ahuxkyabu ilaxle hwom hopupa hom awangle naxchang ang lang-huak laxle tuina tsui apüikyabu pangwüi to kue sikangünüi.

WANWÜNKAX 28:22

Nüfux füikya khünakbu a ahak-alua ang müimamale akhangle, otui-onuake hwom to chemtue hongkhup ma hongüihex hwome müntik.

WANWÜNKAX 13:11

Nange tuina chemtukuxle chwonpai ma kople laxpuix, itukuxle chwonle nange ija amütdaoüi. Nange chemtukuxle thang laxle ija atakle laxpuix, itukuxle nang ang tuina sülui le tüiüi.

MÜNCHUAK-TSAI 55:23

Ikoxlechu, O Zang, nange ibu mix mik amüt ngokya khünakbu hia khualop mixbu a zuk-kha to apüiüi, hwome tsünto ngaxchu ma-alopba wüi a. Ku hanpakma a, kue nang towüi mongong thomüi.

KAXHO MÜIKYA LUK 12:20

Ikoxle Zange chix ang thüi: ‘Nang a ongat, ajaja wüi nange tsün danle tox angkya changle, üntoxle tuina nange achwonle thomkya ibu a owa kuxka ang achangüi?’”

2 PITAR 2:3

Ibu othai nwotmixbue, hwom nüfux tokhange, zingle alaikya pukaxbu zexkya füi achakle hünzom angkya ngun alapüi; kaipong tokhange wüi hwom kaxfün mix achwonle ngole, tamchu hwom mik amüt angkya mix ang mik azangle ngole!

1 TIMOTHI 6:9

Ikoxle ahak aluase tsukyabu thwontsing to dütüi üntoxle hwom fang to ajo angkya hia pün angkya hanpakma ongat hia amakya mongzokbu tsün ma amanle.

MATHI 23:13

“Wanlom nwotmix hia farisibu a künkux-mongkwombu changle! Hünzom maxsax! Hünzome khünaknu thüntho ma zangkangting ka hakle ilaxle hünzom chuwüi ikhato chidong tamchu ikhato dongse le azongkyabuchu wüi hünzome dong ang chitom.

MALAKI 3:5

Jowanpae thüi: “Hünzom khato kaxfün fa-ang ku ngaiüi, ilaxle chajik muashem mwot mokkyabu, chinunchakkaikyabu, othai kaxkhi koxkyabu, mwotmok mixbu to hingchak mün ma sip-ba le changkyabu, zomnu-khaxsabu hia mixnok wünpa to jemle tüikyabu, Ibu opange ku chathua zakya chitüipuix, hwom pangnu hanpakma, ku mik füi ngündaokya kaxkhi kox ang kue hanhomle tanle münngoüi.

ZEKARIA 5:4

Jowanpa Khüthak Zang-e thüile, chixe chix othuak-ozom apaoüi, ilaxle ija a ahuxmixbu hia tsaosax lejao atsele zangwünkya pangwüi hom to nopüi. Ija a hwom hombu ma ngoüi ilaxle hwom hombu pünpakle dantoxüi.”

MIKA 7:3

Ochax mwot mok ang pangnusa wüi tüle anaxle. Nguakax wangkhobu hia kaxfünpabue zuizunbu jule. Tsaipu-kaxpabue ibu hama hwom mongtex wünle koxle, ilaxle ija ningle hwom notom laxle katzua tsuakle.

MIKA 2:9

Hwome mongkünle tüikya homkha angkya hünzome ku khünak shekobu jwon, ilaxle othuithui hanpak ang kue hwom ang koxkya naosombu hünzome hwom chak tokya pale pao.

AMOS 3:10

Jowanpae thüi: “Ibu khünakbue mahom-mahax, mix lang mix mixhuak laxle hia pa-lole kopkya tuinabu füi awangle thomle. Hwome chemle su-angkya hex, ija ojao müntik.

WANWÜNKAX 28:16

Tutex omüi chitüikya pünpa-chongwang a tüle shix-makya lompa tuita ang changüi. Sukya to chikünkya mixe okuilole apünüi.

WANWÜNKAX 23:5

Hozang donglaxle ziale ola hosa pile paokya ningle, nang ngunsyen a noxtakya bama wüi bakle hüi ang tsuak.

MÜNCHUAK-TSAI 49:13

Ma to alüile onglax ngokyabu chemle changpuix hulax, opang osho tuina füi mongtexshale tüikya hex:

JEREMIA 6:13

Khünak pangnusae, chongkya-hixkya noke, huxtsing-loptsang lom tokhange ngun-syen athün ang azongle; ile ajebu hia nguapabue ngaxchu wüi khünaknu dyenlale changle.

JEREMIA 8:10

Ikhoma kue hwom haxtokbu a haxpu ozünbu ang koxüi ilaxle hwom kakonubu a mix ang koxüi. Chongkya hixkya noknusae wüi thaikya olom tokhange ngun athün ang azongle. Nguapabu hia ajebue ngaxchu khünaknu dyenle.

JOB LAIPEX 20:21

Hwome sax-ling pongma ota-otua toxkya wanlom chitüi, athax hwom-tui hwom-na a ashukkya ang changtüi.