JEREMIA 17:10 - OTSAO BAIBEL (BSI)

¹⁰ Ku, Jowanpae kün-hi-mong lomle ilaxle khünaknu mong wanle anole. Hwom chemle ngopuix ija olom ma kue pangwüi füi asax-amokpu, hwome mokkya mwot füifüile a.”

JEREMIA 17:10 ပူးပေါင်းရင်းမြစ်များ

1 SAMUEL 16:7

Ikoxle Jowanpae chix ang thüi: “Nange chix pum-tsa hia osün müikya to taxhu. Kue chix münlax, chemthüikoxle kue khünake hukya lailaile kotok to hukya münchang ikoxle kue kün-hi-mong khato hupu.”

ROM NOK HATO ZAKYA POL LAIZA 8:27

Üntoxle Zang, owae khünak mongtsang to hulaxpuix, chixe Chasa tutex awanle lax; chemthüikoxle Zang mongtex füi ashemkhak le chix khünaknu hanpakma Chasae Zang ma chingcha ju.

MIKNGÜN-OHÜN 2:23

She füito azuikyabuchu wüi kue langüi, ifüima tix ku a pangnusa küntex mongjang awankya mix changpu le müimüithombue awan ang kopüi. Owae chemle mokdaopuix ima thütle kue hünzom pangnu ang omün achatle faüi.

JEREMIA 11:20

Ifüima kue zangjop: “Jowanpa Khüthak Zang, nang a sukya kaxfünpa tuita; khünaknu tuthüt mongjang nange wanle ngopu. Ku zangwün otong kue hünzom chak ma danpu; idaile hünzome ibu khünakbu to olüix khomle changkya to kue hule ngofang.”

JEREMIA 32:19

Nange je füi mwottho zing ilaxle chongkya-chongkya mwotbu mokpu; khünaknue mokkya oli pangwüi nang ngünpu, ilaxle nange hwom ang hwom mwot füifüile hingho fapu.

JEREMIA 20:12

Ikoxle, Jowanpa Khüthak Zang, nange khünaknu to zukya lom ma thwontsingpu; hwom kün-hi-mongkha ma chem tüipuix nang tikle ngopu. Ikhoma nange ku zanpabu to olüix khomle changkya kue ngün ang tomhüi, chemthüikoxle ku künduk mongthang kue nang chak to koxdaoa.

1 PUKAX-PANGAO 28:9

Anaole chixe Solomon ang thüi: “Ku sasün, nange hünpa ku Zang to otsing changpule ngaitsuak angkya oli changpu ilaxle mong züizüihanle chichang homtoxle mongtsutsule chix thotha angkya changpu. Chixe kem küntex-mongsung komkaile tsingle. Nang chix hato hüile jangchang thüiningle, chixe nang a pongle kopüijao; ikoxlechu nange chix hato tok ahole jangchang, chixe othuithui hanpak ang nang a awütüi.

MIKNGÜN-OHÜN 22:12

Jisu-e thüi: “Apalax! Ku chwonle nguile! Mae chemle mokdao laxpuix ilailaile pangnusa ang wüi fa angkya hanpakma ku füi tomle kue hinghobu laxlaxle nguiüi.

MATHI 16:27

Chemthüikoxle Khünak Hosa ju angkya tüile. Chix a chix kaxtaimixbu füi fuazangle juüi ilaxle pangnusa ang wüi chixe ma mwot-mwot ma thütle hingho koxüi.

MÜNCHUAK-TSAI 62:12

üntoxle chix mongkün a ojem chifünkya mongkün changle. Jowanpa, nange nang lualuale, pangnusa angwüi ma mwot ma thütle hingho fale.

WANWÜNKAX 17:3

Hun hia khopbu a wün füi wanle anopu, ilaxle khünaksa kün-mong a Jowanpae wanpu.

MIKNGÜN-OHÜN 20:12

Üntoxle chongwang tüntong thüntho ma mangbu, chongkya hixkya talailaile ajongkya kue ngün. Laipexbu dap, ilaxle mama laipexchu dap, ija a khüzün Laipex. Laipexbu ma chemle bangpuix, ija ningle hwome ma mwot füifüi to zidaokyabu ang kaxfün fa.

2 PUKAX-PANGAO 6:30

hwom zangjop to lankox. Nang ngwotnui zangkho-wangting tokhange hwom to apakox, hwom thaikya alakkox ilaxle hwom to asunkox. Khünak tutex-mongtsang nang tatae awanwüi. Pangnusa füi olom ma mokmole changhüi,

JUHAN 2:25

Chixe khünaknu nok thwonlop laxle ngokya daile owaechu chix hama hwom bama apuale fango angkya mwot chitüi.

JEREMIA 21:14

Nange chem mokdaopuix ija khoma kue nang to sikangünüi. Kue nang wanghom homlo ma münlangüi, ilaxle ija hozui ma tüikya jali pangwüi ija wün füi zokle ashunüi. Ija kax, Jowanpa kue akaxdaoa.”

MÜNCHUAK-TSAI 7:9

Nang a otsao Zang changle üntoxle kwom tutex hia küntsu-monglua kaxfün fale. Chichangchizangkyabue mokkya ochax mwot zak ang tomkox üntoxle sukyabu ang hingho fakox.

ROM NOK HATO ZAKYA POL LAIZA 6:21

Athax chempang khoma hünzom azakle ngopuix ijabue hünzom ang lap chemchu münfa. Iningkyabu mwot mokkyae khünak zi ang koxle!

1 PUKAX-PANGAO 29:17

Nange pangnusa kün-mongto thwontsing ilaxle khünak opang thajao wünhai chitüile tüilaxpuix, ibu füi nang mongzom müikya kue awanpu. Sukya hia mongkoxkya makhange ibu pangwüi kue nang chak to danpu, ilaxle ikhama tüikya nang khünaknu ibu tö chemtukux mongmüi atungle asox ngotüipuix, ija kue ngün ang kople.

MIKA 7:13

Ikoxlechu ikhama ngole tüikya khünaknu khoma haxtok a sak-hax ang achangüi.

MATHI 6:4

Ile changkoxle tix, nange tö fakya, huxsa mwot ang achangüi. Hopa owae ija nange mokkya huxsa mwot ngünle ngolaxpuix, chixe nang ang otia ma hingho faüi.

WANGSHEMBU MWOT 1:24

Ifüima hwome zangjop: “Jowanpa, nange pangnusa mongtex awan ngopu, idaile, Juda owae ma ngwotnui to paoüima oja mwottho danle toxlaxpuix,

1 WANGHOMBU 8:39

hwom zangjop to lankox. Nang ngwotnui zangkho-wangting tokhange hwom to apakox, hwom thaikya alakkox ilaxle hwom to asunkox. Khünak tutex-mongtsang nang tatae awanwüi. Pangnusa füi olom ma mokmole changhüi,

MÜNCHUAK-TSAI 44:21

nange ija chithaile atakdaose, chemthüikoxle nange kwom huxsa mongjangbu awanle.

HWON-NWOT-JAONO 9:3

Pangnusa hato wüi osho talailaikya hüile, ilaxle ija a chaxwannu ma tütali changle ngokya füi tomwüile thaile. Khünaknu ozün ma ngokya kople, hwom tutex ma ochax hia ongate awangle tüile, ilaxle hwom allele sünto zile paole.

ISAIA 59:18

Tsailo nok to ngokyabu to ngaxchu, chix zanpabu to chixe hwom thaikya olom ma sikngün fa angkya changle.

JEREMIA 12:13

Ku khünaknue wonglai haxtok mo, ikoxle hingzang züt ang kop; hwome azongle mwot mok, ikoxle ikhama chemchu chikop. Za-adünkya ku mongtsik khoma hwom puamün atho.”

EZEKEL 11:5

Jowanpa chasae ku to akumathum, ilaxle Jowanpae ija kaxho khünakbu hato apua angkya ku hama akax: “Israel khünaknu, hünzome chem akaxpuix tamchu chempang mwotlom zingle ngopuix kue awan ngopu.

EZEKEL 14:5

Chapa ibu khokho ma Israel noke ku hato tok aho angkya laipu, ikoxlechu ku kaxlan makhange hwom ku kax ma laxle ngo ang mongchatle ahüiüile ongpu.

JOB LAIPEX 34:11

Hwome chemle mokpuix ija hingho chixe khünaknu ang koxle, ilaxle hwom to chemle hwonsehex ile hwonle.

MÜNCHUAK-TSAI 7:10

Zang a ku kho-awapa changle; chix kax ma laxle tüikyabu chixe sünle.

MÜNCHUAK-TSAI 44:22

Ikoxle tütatuehex chithüile kwom lang-huakle ngokya a nang khokho ma changle, ikhoma kwom to lang ang kopkya chun tuita to hwonkya ningle hwonle.

WANWÜNKAX 12:14

Nang hingho a nang zangwün hia nang mwot füifüi; nang chem kopsehex ija nange kopüi.

JEREMIA 23:2

Chix khünaknu to akox-akomle hu-mese pa, apün-awangle hüikya lompabu hanpakma, Jowanpa, Israel nok Zang-e akaxkya kax ija changle: “Hünzome ku khünaknu to chihu-chime; hünzome hwom chiakle asam ilaxle jwonle apao. Athax a kue, ija hünzom ochax mwot khokho ma hünzom to sikangün angkya changle.