JEREMIA 16:4 - OTSAO BAIBEL (BSI)

⁴ Hwome khompua-zadünkya kaknu-laknu ma zile paoüi, ilaxle owaechu hwom mang münsop chichangba münakhün. Hwom mangbu a haxkha to haxzao thokle athünkya ningle thomüi. Hwom a zan ma maxüi chichangba woknuak ma maxüi, ilaxle hwom mangbu a osabu hia faomüibu süt ang changüi.

JEREMIA 16:4 ပူးပေါင်းရင်းမြစ်များ

JEREMIA 25:33

Ija nyix Jowanpae mik-amütkya khünak mangbu chaxwan tok tüchi tua makhange atachi tua alople chiaküi. Owachu hwom mang münsop, ilaxle hwom a pao üntoxle akhünle münchang. Ibu a haxzao thokle athünkya ningle haxkha ma athünüi.

MÜNCHUAK-TSAI 83:10

Endor ma nange hwom to anao, ilaxle hwom mangbu kothofa to shanle pao ang tom.

JEREMIA 9:22

Mangbu a pangnukha to chiakle tüile, haxtok ma haxzao thokle athünpupule a, saxzüt mixbue zütle athop füima tokfüi to toxpu saxziak ningle, owaechu chitswonle saxtsang chiakle toxpupule a. Jowanpae ku ang akax ang tomkya zangwün changle.

ZEFANIA 1:17

Jowanpae thüile: “Ile khünak pangnusa wüi miksutbu lailaile akhwomle aham angkya thama khünaknüsa hato apüile koxüi. Hwome ku zongto ochax lyenle changdaoa, ilaxle athax a hwom ajibu a tijenkya ningle thokle awütüi, ilaxle hwom mangbu a kothofa to shanle za-ngoüi.”

JEREMIA 34:20

Hwom lang ang tungle ngokya zanpabu chak to kue hwom koxüi, ilaxle hwom mangbu a osa hia faomüibue sax ang tomüi.

JEREMIA 7:33

Khünak mangbu a fao osabu hia faomüibu hanpakma osüt ang changüi, ilaxle hwom to hule khuakhom angkya mix tuita chitüiüi.

ISAIA 18:6

Hwom süpahibu mang a osa hia faomüibue sax ang kothofa to dantoxüi. Tsonue ibu füi osabu tuxüi ilaxle zangwa ma ibu füi faomüibu tuxüi.”

EZEKEL 5:12

Hünzom khünaknu süitex süifi a tingnu mong ma okak-olak hia woknuak ma zi ang tomüi; süitex süifi a tingnu toknakai to changlo füi hütle langüi; ilaxle süitex süifi a zangwin to chiakle apiküi ilaxle changlo füi kue ibu achuaüi.

JEREMIA 44:27

Ija bama hünzom ahak-aluale chichang angkya ikoxle thama ma maxle max angkya to kue huüi. Ochax-ozan ma chichangba okak-olak ma, hünzom opupuchu ota chitoxle, pangwüi zi angkya changle.

JEREMIA 36:30

Ikhoma Jowanpae kue nang wanghompa Jehoiakim füi akaxpu: Dawid wangting ma nang sixli owaechu athax füichi ma apün-awangle münchangpu. Nang mang a kothofa to tswonle awütüi ilaxle ikhato ija a anyixningle zanghan to lomüi ilaxle awünningle a nyenti to akongüi.

JEREMIA 34:17

Ikhoma athax, Jowanpa, kue akaxle ngopu, hünzome ku kax ma chilaxle changdaoa; hünzome Israel khünak noknusa ang mongtex ma ngo ang pan-danle münchang. Müihule, athax kue hünzom a mongtex pankya faüi: zanhok ma, okak-olak ma tamchu woknuak-tilan ma hünzom a mongtextex ma mik max ang tomüi. Kue hünzom to chemle mokpuix ija ngünlaxle chaxwannu nok pangwüi abütle chang ang tomüi.

ISAIA 5:25

Chix khünaknu füi Jowanpa ang mongmale, ilaxle hwom to sikangün angkya hanpakma chixe chak thüidaoa. Haxnubu sile aloxüi, ilaxle opang zile paolax puix ibu mang a tingjang lomnu to oma-oshix awütkya ningle ngoüi. Ile changkox-ngaxchu Jowanpa mongtsik münbak, ikhoma sikngün fa ang chix chak thüile wüi ngoüi.

MÜNCHUAK-TSAI 78:64

Changnong-pünthomle changkya khoma zompu-zangpabu mik max angkya atak, ilaxle hwome toxkya zomnubu a mangsop ang ngaxchu chitom.

2 WANGHOMBU 9:10

Jezebel a akhün angkya münchang. Chix mang a Jezril haxtok ma hibue sax angkya changle.’” Ija kax akax tsuakkya füi tomle ija naosün ajepa ikha angkya nonokhaile ajongle pao.

JEREMIA 44:12

Ota toxkya tamchu Ijip nok to kale ngo angkya mongzang wünlaxle ngokya Judah khünaknu, kue hünzom pangwüi amüt tsuakchale huüi. Hwom pangwüi, chongkya chu hixkya chu, ochax-zan ma chichangba woknuak ma Ijip nok to ziüi. Mikngün ma hwom a za-adünle changüi; khünaknue hwom chanyile changüi ilaxle hwom mün a othuak-ozom lom to lünüi.

TSAITONG-KAXTONG 28:26

Chemtue hünzom zile paoüihex, osabu hia faomüibu pangwüi nguilaxle hünzom mang saxüi ilaxle ibu to zuale apao angkya khünak tuita müntüiüi.

JEREMIA 19:7

Ija onui ma kue Judah hia Jerusalem angkya khünaknue zingkya mwottho pangwüi olom tün ang tomüi. Kue hwom zanpabu ang hwom to anao ang tomüi ilaxle zanhok ma hwom mik-amüt ang tomüi. Kue hwom mangbu a osa hia faomüibu ang sax ang tomüi.

MANGSOP 4:9

Pongwang ma zan ma maxkyabu wüi ofüima zikyabu füi müikya ang chang, chemthüikoxle hwom a ma ozün ma thom angkya süt chitüi laxle zazele woknuake tix lang.

EZEKEL 24:21

Israel khünaknu hato ija kaxho fa angkya akaxle: Hünzom a Zangshwom-Hom tsak-zong bama mongngamle. Hünzome ija to huse tamchu ikhato nguisele tsule, ikoxle Jowanpae ija chitsaokya ang achang angkya changle. Hünzom homkha angkya khünak Jerusalem ma ngole tüikya füichi-naolibu a azankya ma zi ang tomüi.

TSAITONG-KAXTONG 28:22

Jowanpae hünzom to kakma-lakshix; fingle kakkya hia khamle kakkya, ibu okak-olak füi fitüi; chixe hünzom manzai olithule naxchang ang chaxwan ako ang tomüi tamchu zangwin okhame jep ang tomüi. Okak-olak ibu a hünzom füi mazi-mazile ngo ang tomüi.

JEREMIA 21:6

Ija tingnu ma ngokya pangwüi kue langüi; khünaknu hia müi tomwüile za-adünkya kak-lak ma zi ang tomüi.