JEREMIA 16:19 - OTSAO BAIBEL (BSI)

¹⁹ Jowanpa, nang a ku kho-awakya tamchu ku ang tsak-zong koxkya Zang changpu; kue sikngün apongle changpongma nange ku to asun. Haxtua-zangnam tokhange jat-li pangwüi nang hato nguiüi ilaxle thüiüi: “Kwom pupa hwom ang othai baozang, laxli chitüikya chapabu boma chemchu müntüidaoa.

JEREMIA 16:19 ပူးပေါင်းရင်းမြစ်များ

ISAIA 25:4

Mixshix-zasa hia chitüi-chinang khünakbu nang hato pao ilaxle sikngün pongma khangkho sün ang kople chang. Zangchei pongma nange hwom ang ngwotnui fa ilaxle zanghan huakle changpongma zangkhung fa. Zangwat zangchei lailaile mongtsik ashukkya zanpabue single hüi

NAHUM 1:7

Jowanpa a müikya changpu; sikngün pongma chixe chix khünaknu kho awa; chix hato mongchatkya khünakbu to chixe hume.

JEREMIA 17:17

Ku zongto shix-male taxchang; thangnak hüipongma nang a ku khangkho sün nui changpu.

1 PITAR 1:18

Chemthüikoxle hünzome pupa tsün tokhange kople hüikya obato maxün angkya hünzom khüzün shak ang otha chem thompuix ija hünzome awanpu. Ija a ma ang thokya hun hia jangjong fang chichang;

JEREMIA 10:5

Iningkya chapabu a maikox küikya haxtok ma khünak chaxba ningle zingle thomkyabu lailaile tüile; ibue zangwün ang müntho; ibu a nwonle tix aham angkya chemthüikoxle ibue aham ang müntho. Ibu thua taxza: ibue nang to oma chemchu münthüitho, ilaxle ibue nang ang müikya oli chemchu mokle fa ang müntho.”

JEREMIA 2:11

Hwom otsing tomtata chichang koxle ngaxchu, owa nokechu ma baozangbu lüile machang. Ikoxle ku khünakbue ku, hwom hato münchong apüile fakya Zang, chem lom ma ngaxchu hwom füi chiamüitho angkya baozang füi alüixle.

ISAIA 44:10

Tuita baozang changpule shwom angkya jan füi omua zingle changkya ojao münmüi!

MÜNCHUAK-TSAI 86:9

Nange zingle alaikya jat-li pangnusae wüi nang tong to nguilaxle akhuxüi; nang chongkya hwome achuak-achenüi.

MALAKI 1:11

Zangfang tüchikao makhange ata-chikao kople khünaknue ku achuakle. Pangnu chito wüi hwome ku ang ongan müikya sobu zokle kue pongle koptsuak tangkya töbu koxle. Hwom pangnusae ku chathua zale.

ZEKARIA 2:11

Ipongma jat-libu tüle-tüle Jowanpa tamchu chix khünaknu hato nguiüi. Chix a hünzom khama ngoüi, ilaxle ku a chixe ahüikya changpule hünzome awan ang kopüi.

HABAKUK 3:19

Jowanpa Khüthak Zang-e ku ang tsak-zong koxle. Chixe chemtuechu ku cha müikhi sok lailaile atingting khama süt ang tom ilaxle haxnukho to ku khosünle thom.

EZEKEL 11:16

“Athax a kue chem akaxpuix ija nang füi tomle zanda ang ngole tüikya nang üithobu hama akaxkox. Tsailo nok to ngo ang mix chaxwan to hwom chiakle afankya a ku changpu. Ikoxlechu jantakya hanpak bama hwom ngole tüikya nok to ku hwom füi womle ngoüi.

ISAIA 49:6

Jowanpae ku ang thüi: “Ku dapa, nang hanpakma ku ang chongkya mwot tuita tüile. Nang a achongkya ang achang angkya tata le münchang Israel khünaknu opang ozün ma tüipuix, ikoxle kue nang a chaxwannu nok hanpak ang zangngai ang zingüi — ikoxle tix zangfang abakle sün ang tho angkya chang koxle.”

MÜNCHUAK-TSAI 62:2

Chix tatae tix ku kho awale koppu; ku ziakople thom angkya chix tata wüi, ilaxle ku to otuechu münlütüi.

MIKNGÜN-OHÜN 11:15

Ifüima kaxtaimix anüt lükyae chix nyazong müt, ilaxle zangkangting to tüle-tüle azaxle hwome thüi: Chaxwan apün angkya tsakzong, athax a kem Jowanpa tamchu, chix Messaiah kux changle; othuithuima chixe apünüi!

JEREMIA 3:23

Haxnukho to kwome songsari baozang shwom ma kwom ang chem olüi chitüi. Israel nok hato ofong-otsox a Jowanpa, kwom Zang makhange tix hüipu.

ISAIA 62:2

Jerusalem, chaxwannu noke nange anaokya ngün ang kopüi! Hwom wanghombu pangnue wüi nang fuazangkya ngünüi. Nang ang mün hozün koxle changüi, Ija mün a Jowanpa chix jaoe koxkya changüi.

ISAIA 32:2

Hwom pangwüi zangchei-zangwat thoto khangkhom angkya pom ningle changüi. Hwom a sak-hax to jenkya shuajen ningle changüi, kohwon fato longnu tuita nuk angkya zangkhung ningle.

WANWÜNKAX 18:10

Ojong khato paolaxle otsao khünakbue khosün atakpuix, Jowanpa a ija shingmongkya long-katuk tuita ningle changpu.

MÜNCHUAK-TSAI 68:31

Alixachongbu Ijip nok tokya ngui angkya changle; Etheopia noke Zang to jople hwom chakbu nwonüi.

MÜNCHUAK-TSAI 62:7

Ku khosün hia münchong Zang füifüi; chix a ku kho-awapa changle chongkya janzüi füi; chix a ku zakzui angkya nui müikya changpu.

MÜNCHUAK-TSAI 46:11

Khüthak Jowanpa kem füi tüile; Jakop Zang kem khangkhomnui changle. Selah

MÜNCHUAK-TSAI 46:7

Khüthak Jowanpa kem füi tüile; Jakop Zang a kem khangkhomnui changpu. Selah

MÜNCHUAK-TSAI 46:1

Zang a kem loxkax changpu, üntoxle sikngün pongma fong ang jento achwonle ngokya janzüi changpu.

MÜNCHUAK-TSAI 27:5

Thangnak-tuitaile changpongma chixe ku ang ngwotnui faüi; chix Zangshwom-Hom ma chixe ku khosünle thomüi, üntoxle longnu kho ma ku azangle ngo ang tomüi.

MÜNCHUAK-TSAI 19:14

Ku zangwün hia ku tutexbu nang zongto pongle koptsuakkya lima naxchang, O Jowanpa, ku khangkhom nui üntoxle ku shakkop-pupa!

ROM NOK HATO ZAKYA POL LAIZA 1:25

Hwome Zang otsingtsing othai füi alüix; achuak afua koxle asule tüikya zingpupa Zang! Amen. Chix achuak haxkux lüixto hwome Zange zingle alaikyabu shwom ilaxle ibu thotha.

1 WANGHOMBU 20:23

Wanghom Benhadad nguakax-wangkhobue chix ang thüi: “Israel nok Zang a Haxnukho Zang changle, ikhoma Israel noke kem to lütle. Ikoxle haxsha ma jangazan thüiningle keme hwom to lütjao lütüi.

ISAIA 44:20

Ija füi a wündix saxngokya ma wüi je sütüi. Chixe ongat khangkae chix itukuxle othai lom to alyetdaoa, athax chix to fong angkya olom jao müntüi. Chixe chix chak ma twonlaxle tüikya chapa a baozang münchangle akax ang müntho.

ISAIA 45:14

Jowanpae Israel nok füi akax, “Ijip hia Etheopia angkya tuina hünzom kux ang changüi, ilaxle Seba angkya tomchong hualo khünakbu a hünzom dabu ang ngoüi; janbüi füi hwome hünzom mantole changüi. Hwome hünzom chitong ma akhuxlaxle ngaiüi, ‘Zang a hünzom füi tüile — Zang a chix tix changpu.

JEREMIA 2:8

Nguapabue chiatüi: ‘Jowanpa ojongkha?’, le Ku nguapabue ku chitik. Apün-awangkyabue ku zan to ka; ajebue Bal baozang mün ma zangwün ilaxle laxli chitüikya chapabu to shwom.

JEREMIA 4:2

ku mün lünlaxle kaxlan fa angkya hünzom hanpakma sukya ang changüi. Ifüima pangnu jat-lie ku ang hwom to mohiman angkya akaxüi, ilaxle hwome ku achuakle changüi.”

JEREMIA 12:16

Hwome hwom kün-hi-mong makhange zongbakle ku khünakbue tokya zanglom pongle jangkop ilaxle ‘Jowanpa chemle ozün ma ngopuix iningle ngo angkya’: kaitanto hwome ku khünaknu ang Bal mün ma tsaotsüt angkya anwot-anole koxkya ningle: tsaotsütle jangchang, hwom chuwüi ku khünaknu khama womüi ilaxle tomwüi ahak-aluale changüi.

JEREMIA 33:9

Jerusalem a ku hanpakma mongmüi, achuak-achenkya hia mongngam otong ang changüi; Jerusalem angkya khünaknu to kue mwotmüi mokle koxkya hia ija tingnu hato ahak-aluakya apüile fakya atatkya zuma zangfang angkya onok pangwüi zaüi ilaxle chikux ahongle changüi.”

JOEL 3:16

Zaion Haxnu makhange Jowanpa akhongle; Jerusalem makhange chix kaxzing atsak-adungle; zangding hia chaxwannu abünle. Ikoxlechu chixe chix khünaknu kho awaüi.

AMOS 2:4

Jowanpae thüi: “Judah noke chatchatnaole ochax lyenle hüidaoa, ija khoma kue hwom to sik chiangün homle müntoxüi. Hwome ku hwon-nwot ajao ilaxle ku kaxtombu chilaxle changdaoa. Hwom, a hwompu-hwompa hwome opang thothale hüikya hex, ibu baozangbue lomchei to zunle paodaoa.

MÜNCHUAK-TSAI 18:3

Kue Jowanpa to nyakpu, üntoxle chixe zanpabu chak tokya ku khosünpu. Jowanpa achuak-achyenpu!

MÜNCHUAK-TSAI 65:3

hwom ochaxbu hanpakma a. Kwom thaikyae kwom to lütle, ikoxlechu nange hwom ang thailakkya tüi.

JEREMIA 10:3

Ibu khünakbu zanglom a chilaxle zanglom changpu. Pün tuita faokha to dak lanle awütpu; ikoxle ija anyok-anyaile zing angkya a pün zingpabu mwot

JEREMIA 14:8

Israel hanpakma monghom angkya nang ta wüi; sikngün-tuitai chak tokya kwom khosünle hüikya a nangtix changpu. Nang a kwom haxtok ma büthüikoxle wünpa tuita ang changle ngo, ja tuita hanpakma nguile toxkya mixwün tuita lailaile a?