JEREMIA 16:18 - OTSAO BAIBEL (BSI)

¹⁸ Hwom ang kue hwom ochax hia chichangchizangle tüikya tsang othom anyie nüile thom ang tomüi, chemthüikoxle khüzün chemchu chitüikya mang thatha chapabu makhange ku haxtok akhu ang tomdaoa, ilaxle ija haxtok ma hwom othai baozangbue awang ang tomdaoa.”

JEREMIA 16:18 ပူးပေါင်းရင်းမြစ်များ

ISAIA 40:2

Jerusalem angkya khünakbu ang mong achenkox. Hwome okuilole jao sikngün apongdaoa ilaxle athaxpi hwom ochaxbu thailak tüidaoale thüikox. Kue hwom to hwom ochaxbu khoma okhonguile sikangündaoa.”

MIKNGÜN-OHÜN 18:6

She-e hünzom to hwondaokya ningle, ilailaile she tochu hwonkox; She-e mokdaokya mwot-thom to, othom anyie bole she ang oma laxkox. She-e hünzom hanpakma achwonkya ju, ito thom anyie nüile tsakkya ju füi, she pe awang ang laxkox.

EZEKEL 11:21

Ikoxle chisumüikya, zakkop chapabu to shwomkya to mongkünkya khünakbu to kue sikangünüi. Hwome chem mokdaopuix ija khoma kue hwom to sikangünüi.” Jowanpa Khüthak Zang-e ija akaxdaoa.

JEREMIA 17:18

Ku zan to kale changkyabu hato thünzak apüile laxkox, ikoxle ku a shantoxhüi, Jowanpa. Hwom a thomshixe awangle chang ang tomkox, ikoxlechu ku a chabüt-lasünle chang ang taxtom. Hwom hato thama apüile laxkox ilaxle hwom a thuple akhixkox.

JEREMIA 2:7

Kue hwom haxzao füikya haxtok to apüipu, ikhatokya puamün hia müikya oli saxlaxle naxchang koxle. Ikoxle hwom ku haxtok mix thomjo; kue hwom ang koxkya haxtok hwome akhu ang tom.

EZEKEL 11:18

Chemtue hwom chatle chatüihex, hwome hwom thoma abangbang, chisumüikya hia zakkop chapabu füi asax-amokle münchang angkya oli.

JEREMIA 3:9

ilaxle she zakmaxle thünba. She-e haxtok akhu ang tom, ilaxle long hia pünbu to shwomkya makhange she-e chinunchakkaile achax.

ISAIA 61:7

Hünzom thünzak hia chie-chisekya pangwüi ashuküi. Hünzom a ma haxtok ma ngo ang kopüi, Ilaxle hünzom tuinabu a othom anyie nuile changüi; Hünzom mongmüi ma oshuk müntüitoxüi.

MIKA 2:10

Zolax üntoxle paolax; ikhama athax hünzom hanpakma azang angkya onui müntüi. Hünzom ochaxe ijakha a olithukya thama adündaoa.

ISAIA 24:5

Zang wanlombu hia jento ngo angkya hanpakmale zingkya chix kaxtsao amakya tokhange khünaknue chaxwannu oma ang achangle awüt.

MÜNCHUAK-TSAI 106:38

Chem-mün chiawankya naosom ibu hwome lang, ilaxle haxtok a ibu mik amütkya tokhange chitsaokya haxtok ang achang.

LIWI 26:30

Haxhuabu to tüikya hünzom zangshwom nuibu kue amaüi, ongan müikya tö koxkya tö-tsapbu kue amaüi, ilaxle hünzom mangbu a hax to dütle tüikya chapabu ding to tswonle awütüi; ilaxle ku chasae hünzom thua anuüi.

ISAIA 65:6

“Hwom to sikngün fa angkya kue mongzangwünle tsuakdaoa, ilaxle hwom mik amüt angkya laiza tsuakdaoa. Hwome mokdaokya mwot to kue mike hulanle müntox, ikoxle hwom ang olüix khomüi,

JEREMIA 7:30

“Judah angkya khünakbue ochax mwot mokdaoa. Kue anukya chapabu hwome Zangshwom-Hom ma danle ilaxle ija chitsaokya ang achangdaoa.

JEREMIA 44:4

Kue chizakle hwom hato ku dapa ajebu ahüile ngopu; ilaxle hwome hünzom hama kue anukya iningle khomtsikya mwot chimok angkya akaxpu.

EZEKEL 5:11

“Ile ku a ozün ma tüikya Zang chang koxle: ija a Jowanpa Khüthak Zang zangwün changle: hünzom chichang-chizangkya hia ochax mwotbu füi ku Zangshwom-Hom akhu ang tomkya khoma, chingcha ojao chitüile kue hünzom dakle anguaküi.

HOSIA 9:7

Sikngün apong angkya hanpak nguidaoa, khünaknue hwome chem mokdaopuix ija otha kop angkya hanpak a. Chemtue ija changüihex, Israel-e ija awanüi! Hünzom thüile: “Ija ajepa a ongat. Ija mix mong azwotkya mix a ongat.” Hünzom ochax chongle tüikya khoma hünzom khünaknue ku to huanuma miktsakle.

ISAIA 65:7

hwom ochax hia hwom pupa hwome achaxkya ochaxbu hanpakma. Hwome songsaribu zomtong haxnukho to töbu zokle changdaoa ilaxle ku mün amale akaxdaoa. Ikhoma hwom mwote lomkya ningle kue hwom to sikangünüi.”

EZEKEL 36:18

Hwome haxtok ma mix mik amütle changdaokya hia chapabu to shwomle haxtok chitsaokya ang achangkya khoma hwom füi tsikkya ku mongtsik janzüi füi kue hwom to po ang tompu.