JEREMIA 16:17 - OTSAO BAIBEL (BSI)

¹⁷ Hwome mokle ngokya pangwüi kue ngünle ngopu. Ku miktho angkya hwom owaechu pyenle münthom; hwom ochaxbu a ku thoto pyen ang müntho.

JEREMIA 16:17 ပူးပေါင်းရင်းမြစ်များ

WANWÜNKAX 15:3

Jowanpae pangnu khato chempangle changpuix ija ngünle; keme omüi wüi moklax oma wüi moklax, chixe kem to hule ngole.

JEREMIA 23:24

Kue hwom ngün ang chitho angkya khato owachu azwon ang müntho. Ding hia hax ma pangnu khato ku ngole tüikya hünzome münawan hia?

WANWÜNKAX 5:21

Jowanpae nang mwot pangwüi ngünle ngole. Nang ojongto paopuix, chixe nyele ngole.

MÜNCHUAK-TSAI 90:8

Kwom huxsa ochaxbu nang ngün ang tsuakkya li ma, nange kwom ochaxbu nang pomtho ma dan.

IBRI 4:13

Zang pomtho ma pyenle thomtho angkya chemchu müntüi; zingkya oli pangwüi chix miksho ma alaile hia ngaitho le tüile. Üntoxle kem pange wüi ma bama akiak-azyakkya chix ang kox angkya changpu.

1 KORIN 4:5

Idaile asukhakle otu nguile mahüi tanto hünzome owa angchu kaxfün taxfa. Jowanpa mangui tanto oshuk kaxfün bama tanngo angkya changle. Chixe zangnak khato pyenle thomkya jali zangngai to alaiüi ilaxle khünak mong angkya huxsa mongjang otok to angaiüi. Üntoxle mae kopsese münchong Zang tokhange pangnusae wüi kopüi.

JEREMIA 32:19

Nange je füi mwottho zing ilaxle chongkya-chongkya mwotbu mokpu; khünaknue mokkya oli pangwüi nang ngünpu, ilaxle nange hwom ang hwom mwot füifüile hingho fapu.

2 PUKAX-PANGAO 16:9

Ma kün-mong chix ang zongbakle koxlaxle ngokyabu ang janzüi kox angkya hanpakmale Jowanpae zangfang pangnu khato hule ngopu. Nange ongat mwot mokdaoa, ikhoma athax makhange nang a othuithuima azanlanle ngoüi.”

EZEKEL 9:9

Zang-e lan: “Israel nok hia Judah nokbu a khompua-zadünkya ochaxbu mokle thaidaoa. Hwome chaxwantok pangkhato wüi mix-lang mix-huakkya müt kopdaoa ilaxle Jerusalem a mik-amütkyae awangdaoa. Hwome thüile, Jowanpa kue hwom haxtok danle toxdaoa idaile kue hwom münngünüi.

ISAIA 29:15

Ma mwottho Jowanpa pomtho ma pyen ang azongkyabu a maxdaoa! Hwome hwom mwot huxsa ma mokle ilaxle ija hwome mokle ngokya mwot owaechu münngün chichangba müntsingle thütle.

MÜNCHUAK-TSAI 139:3

Kue mwot mokle ngopia hia nazakle ngopuix, nange ku ngünle ngopu; ku chak-mwot komkaile nange awan ngopu.

EZEKEL 8:12

Zang-e ku ma atüi: “Ziün angkya khünak, Israel nok lompabue huxsa ma chempang mokpuix nange ngüncha? Hwom pangwüie muabue awangle tüikya nui ma shwomle ngole. Hwom kaxfyet a: ‘Jowanpae kem münngün! Chixe kem chaxwan dantoxdaoa.’”

MÜNCHUAK-TSAI 51:9

Ku ochax ngünle laxüia nang mik achikdao, ku chichang-chizang pangwüi fwotle amüt fahüi.

MÜNCHUAK-TSAI 109:15

Jowanpa hwom ochaxbu texle atakle naxchang, ilaxle hwom a komkaile alakasamle naxchang!

JEREMIA 2:22

Nang a sümüi pupu sabon füi sokoxle chu, kue nang thaikya janman ngün ang kople.

JEREMIA 29:23

Ija a hwom shoma changüi chemthüikoxle hwom a za-adünkya ochaxbu lyenle thaidaoa: hwome chinunchakkai mwot mok tamchu Jowanpa mün lünlaxle kaxthai zangwünle changdaoa. Ija a Jowanpa mongtex füi opüi changle; hwome chem mokdaopuix ija chixe awan ngole, ilaxle hwom zongto mikngün kaxkhi a chixjao changle. Ija kax Jowanpae akaxdaoa.”

ZEFANIA 1:12

“Ipongma kue wüntik tuita laxüi ilaxle Jerusalem lomüi. Khünak ma füi alüile mongzom ma müile tamchu mongchong laxle opange hwom füi alüile ‘Jowanpae chemtuechu tütalichu münmok’ le thütle tüilaxpuix, hwom to sikngünüi.

ZEKARIA 4:10

Kaxtaimix-e ku ang thüi: “Wüntik anüt a, zangfang pangnu khato hule ngokya Jowanpa mik anüt changpu.”

JOB LAIPEX 10:14

Nange ku ang thailak müntüiüi e thüikuxmale, ochax lyenkya ngün ang cha ang ku to hule ngopu.

JOB LAIPEX 31:4

Ku mwot pangwüi Zang-e awan ngole; ku chitswon pangwüi chixe ngünle ngole.

MÜNCHUAK-TSAI 33:15

Hwom tutex pangwüi chixe zingle koxle ilaxle hwom mwot pangwüi chixe tsingle ngole.

ISAIA 66:18

Kue hwom mongtex hia hwom mwotbu tsingle Ku nguile ngole chaxwannu nok pangwüi tomle. Chemtue hwom tomle nguiüihex, hwome ku tsak-zonge chem mokle tsuak puix ija ngünle laxüi

JEREMIA 7:11

Ku Zangshwom-Hom a ahuxmixbu azwon nui changpule hünzome thütpia? Hünzome chem mokpuix ija kue ngünle laxdaoa.