JEREMIA 16:16 - OTSAO BAIBEL (BSI)

¹⁶ Jowanpae thüi: “Ibu khünaknu kop angkya hanpakma kue nyaxlwot mixbu huanuma apao ngopu. Ifüima kue müihapmixbu huanuma, haxnu hia haxhua tamchu longkun hia longlua pangnu khato hwom to hap ang apaoüi.

JEREMIA 16:16 ပူးပေါင်းရင်းမြစ်များ

AMOS 4:2

Chemle Jowanpa Khüthak Zang otsao hex, ijaningle chixe tsaosaxle: “Hwome hünzom a jankuixbu füi lin angkya hanpak tuita nguile hüiüi; hünzom pangwüi jankuix jok le thomkya nyaxbu ningle changüi.

MIKA 7:2

Ija haxtok ma, Zang kax ma laxle tüikya sukya khünak tuita danle müntox. Pangnusasa wüi mik amüt angkya hanpakma ziasyen thatan ngole. Noknoke wüi ma-mix zan to kale ngole.

1 SAMUEL 26:20

Ku a mixnok chaxwan to Jowanpa füi atsaile lang ang taxtom. Ku ningkya hitsik lang ang Israel nok wanghompa büthüikoxle ahüipu? Chixe ku, fao-osa atumkya ningle büthüikoxle atum ang tompu?”

PONGWANG LAIPEX 10:9

Jowanpa tunthoma chix a chongkya müihap mix tuita changkya ikhoma khünaknue ile apyen: “Jowanpae nang a Nimrod ningle tuita chongkya müihapmix ang naxachang.”

JEREMIA 25:9

‘Kue noknusa hanpakma shuakux chitokya khünakbu ahüiüi ilaxle ku da hanpak ang Babilon nok wanghompa Nebukadnezar ahüiüi. Kue hwom a Judah hia ima tüile ngokya khünaknu tamchu tomzi nok pangnusa füi azan ang apüiüi. Kue ija jat-li hia tomzi nokbu pangwüi amütüi ilaxle othuithui hanpak ang olithule amatoxüi, ija a mikngün ma tuita khomtsikya hia abüt angkya oli changüi. Ija kax, Jowanpa kue akaxdaoa.

AMOS 5:19

Ija a owawa mailang thoto paokya mixe chep apongle laxkya ningle changüi! Chichangba owawa hom to nguilaxle katuk ma achuakle changkya füi tomle pue tule laxkya ningle changüi!

1 SAMUEL 24:11

Hulax, apa, ija ku chak angkya nang nyitua to hule koplax! Kue nang lang ang tsuakse ikoxlechu isa nyitua zaza zütle laxwüi. Ija ngünlaxle, ku mongto nang zan to kakya chemchu müntüi chichangba nang fün ama ang tungkya ku ma oma chemchu müntüile nange tsingle naxkop. Nange ku a langtom tata lang ang tungle ngopu, ikoxle ile nang mong amakya li oma mwot kue chemchu chimok.

ISAIA 2:21

Chemtue Jowanpa chaxwannu to sile alox ang nguiüihex, khünakbu a longtsyentua tokya longkunbu nuk to khünüi ilaxle hax tho üntoxle Jowanpa tsak-zong hia chix fuazang tuntho angkya paole azang ang azongüi.

ISAIA 7:19

Hwom a long tüikya haxsha to ilaxle ima tüikya longkunbu to othom-thom ma athütüi, ilaxle hwome hux füikya tham hia fumtsütnui pangwüi awangüi.

JEREMIA 4:29

Mankho ma azankya hia sanhap füi azankyabu zing thoto pangnusa wüi zikle paoüi. Züizüi a faokha to paoüi; mamabu a longnu khobu to ngaüi. Tingnu pangwüi ahuasakle dantoxüi, ilaxle ibu ma otuechu tamchatle khünak münngo.

JEREMIA 6:9

Jowanpa Khüthak Zang-e ku ang thüi: “Grep ziak bakle khaidaokya zu likpupule Israel nok a likle atsao angkya changpu. Idaile hanpak tüile ngopongma nange atsuaktsuak pangwüi sünle kop angkya changle.”

JEREMIA 49:5

Kue hünzom hato pangnu lomkua tokhange thama ahüiüi. Hünzom pangwüi zikle paoüi. Pangnusa wüi ma khang azang ang paoüi, ilaxle hünzom tu tamchatle asox-atomle apüi angkya mix owachu chitüile changüi.

MANGSOP 4:18

Zanpa tuitae kwom tanle ngo; kwom a tingjang lomnu to aham ang ngaxchu chitho. Kwom hingchak zanghan kaidaoa; athaxpi oshuk hüidaoa.

HOSIA 10:10

Ibu ochax khünakbu to kue singüi ilaxle sikngün ang tomüi. Jat-libu hwom zan to ka ang athütüi, ilaxle hwome mokle hüidaokya ochaxbu khoma hwom ang sikangünüi.

ZEFANIA 1:12

“Ipongma kue wüntik tuita laxüi ilaxle Jerusalem lomüi. Khünak ma füi alüile mongzom ma müile tamchu mongchong laxle opange hwom füi alüile ‘Jowanpae chemtuechu tütalichu münmok’ le thütle tüilaxpuix, hwom to sikngünüi.

MANGSOP 4:19

Zangdingkho tokya lawang zangshop laxle jukya füi ngaxchu sütsexle momle hwome kwom achuale ajo. Haxnukho tokya hwom kwom mantole ju; hwome kwom to sak-hax ma allele shing.