JEREMIA 15:8 - OTSAO BAIBEL (BSI)

⁸ Hünzom haxtok ma thanubu huanuma tüile tinu kax tokya fix füi ngaxchu süluile. Hwom tsaktan tüipongma kue hünzom tsünzünbu mik-amüt ilaxle ibu honu hwom mongthang ang tompu. Kue hwom to allele hongpu künmax-mongshan hia thama füi a.

JEREMIA 15:8 ပူးပေါင်းရင်းမြစ်များ

ISAIA 3:25

Tingnu angkya khünakbu, changle, tüle tsak-zongle tüikya khünak ngaxchu, zanhok ma max ang tomüi.

KAXHO MÜIKYA LUK 21:35

Chemthüikoxle ija a chaxwannu thün angkya noknusa hato wüi hüiüi.

JEREMIA 5:6

Ikhoma faokha tokya mailang tuitae hwom langüi, faokha tokya shwonbue hwom ashikle akhixüi, ilaxle fuachaxbu hwom tinglong afünle leüi. Khünak ibu kotok to laile jangchang, hwom a ashikle akhixüi chemthüikoxle hwom ochaxbu a huanu changle ilaxle onoxnox to hwome Zang hato tok ahole.

JEREMIA 4:16

Hwom a onokbu ang kaxkhün kox ang tamchu tsailo nok tokya zanpabu nguile ngokya bama Jerusalem hama apua angkya hanpakmale nguikya changle. Zan-nok ibue Judah nok tingnubu füi alünle akhongüi

ISAIA 3:26

Tingnu panbu a mangtsakya hia sopkyae awangle tüiüi, ilaxle tingnu jaojao sheko mixnu tuita ohua ma haxkha to thungle ngokya ningle tüiüi.

ISAIA 4:1

Chemtue ija hanpak nguile hüipuix, mixcha anüte mixsün tuita to künle kopüi ilaxle: “kwom a kwom lualua to saxlaxle ngoüihex, ikoxle chingchalaxle kwom a nang kako changpule akax ang tomhüi, ile changkox tix kwom a tui to ju ang chikople zakyabu changpule chanyi-wanjai angkya zakkop tokya kwom azang ang thoüile thüi.”

JEREMIA 16:3

Ija haxtok ma pux-paile changkya naosom hia nu-pa hwom to chemle chang angkya hex kue nang füi wünüi.

JEREMIA 18:21

Ikoxle athax, Jowanpa, hwom naosombu woknuak ma zi ang laxkox; hwom a zan ma max ang tomkox. Mixnu hwome ma kakopa hia naosom hwom amüt-asamle naxchang kox; mixpabu a okak-olak ma ilaxle tsünzün thom a zanhok male max ang tomkox.

JEREMIA 22:7

Ija ama ang kue khünakbu ahüi ngopu. Hwome hwom wafaxbu pangwüi apüiüi, ija ma tüikya osün müikya sedar pünbu dakle anguaküi, ilaxle ibu wünkha to awütüi.

MANGSOP 5:3

Kwom apa hwom a zanpae langdaoa, ilaxle athaxpi kwom anu hwom a thanu ang changdaoa.

EZEKEL 22:25

Lompabu a, mailangbue hwome langle changdaokya müi to tsele ahungkya ningle changle. Hwome khünakbu lang, ibu kux tuina tsuakpupu hwome lax, ilaxle hwom chak ma maxkya khünakbue kakonubu thanucha ang achangle dantoxkyabu huanuma tüi.

HOSIA 4:5

Zangnak zangngai hünzome mix fün amale ngo, ilaxle ajebu chu hünzom füi onüi müipule chichang. Kue hünzom honu, Israel max ang tomüi.

JEREMIA 6:26

Jowanpae chix khünaknu füi akax: “Nyikhwon aponglax ilaxle haxbu khato wotlax. Nange tuita wüi tüikya nao zile paopongma chemle sopse hex ile mongmaxle sopkox, chemthüikoxle nang thomjo ang nguile ngokya mixe allele singüi.