JEREMIA 15:7 - OTSAO BAIBEL (BSI)

⁷ Ija haxtok angkya tinglong pangnu towüi tsaxsa apik pupule zangwin to kue hünzom apik. Ku khünaknu, kue hünzom amütpu, kue hünzom su-sa hwom langpu chemthüikoxle hünzom chemtuechu hünzom ochax lomtangbu danle chitox.

JEREMIA 15:7 ပူးပေါင်းရင်းမြစ်များ

MATHI 3:12

Chix a tsax chap angkya won chak ma laxlaxle ngole. Chixe tsax otsangtsang süilaxle pung ma afoxüi ikoxle tsaxtsatsa a tamchu chimax angkya wünkha to zok ang koxüi.”

JEREMIA 51:2

Zangwin to tsaxsa jeple paopu ningle Babilon amüt angkya hanpakma kue mixnokbu ahüiüi. Chemtue ija thama angkya nyix nguile hüipuix, hwome pangnu chitokhange singüi ilaxle haxtok a hingzang ngaxchu chipuakya kha ang dantoxüi.

JEREMIA 5:3

Jowanpae otsing tomtata ma mongong tüikya mix lompu. Chixe hünzom to hongpu, ikoxle hünzome ojao nakhwop chikex; chixe hünzom zutle akhixpu, ikoxlechu hünzome awanle münkoppu le angam. Hünzom ang mong-khüi ilaxle ochaxbu tokya hünzom mong münchatpule na tüt.

ISAIA 41:16

Hünzome ibu zangwin to chapüi; zangwine ibu jeple pik paoüi; ilaxle hwom a zangcheie chiakle awütüi. Ifüima ku a hünzom Zang chang koxle hünzom ang mongmüiüi; hünzome ku, Israel nok otsao Zang achuaküi.

ISAIA 9:13

Israel khünaknu ang künlop-monglüi matüi; Jowanpa Khüthak Zang-e hwom to ipongpongle sikngün fakoxchu, hwom a chix hato machat.

JEREMIA 18:21

Ikoxle athax, Jowanpa, hwom naosombu woknuak ma zi ang laxkox; hwom a zan ma max ang tomkox. Mixnu hwome ma kakopa hia naosom hwom amüt-asamle naxchang kox; mixpabu a okak-olak ma ilaxle tsünzün thom a zanhok male max ang tomkox.

MÜNCHUAK-TSAI 1:4

Ikoxlechu ochax khünakbua ojao ibu ningle chichang; hwom a zangwin to jeple paokya tsaxsa lailai.

ZEKARIA 1:4

Hünzome a hünpu-hünpa hwom lailaile taxchang. Ku ajebue kaitanto wüi hwom hato ku kaxho apüile, hwom ang chichangchizangle tamchu ochax tsün chingo angkya akaxpu. Ikoxle hwome ku kax chiapa tamchu ija ku kax ma chilax.

EZEKEL 24:25

Jowanpae thüile: “Athax, ziün angkya khünak, oja Zangshwom-Hom to hwom huse tamchu nguise tsu tamchu tsak-zong hia mongsom ang laxle ngotüipuix, ija a kue paoüi. Ilaxle kue hwom sasün hia sacha hwom chuwüi paoüi.

TSAITONG-KAXTONG 28:41

Hünzom ang su-sabu tüihuüi, ikoxlechu hünzome ibu a amüt-asamdaoüi, chemthüikoxle hwom a zan-nokbue da ang kople paodaoüi.

EZEKEL 24:21

Israel khünaknu hato ija kaxho fa angkya akaxle: Hünzom a Zangshwom-Hom tsak-zong bama mongngamle. Hünzome ija to huse tamchu ikhato nguisele tsule, ikoxle Jowanpae ija chitsaokya ang achang angkya changle. Hünzom homkha angkya khünak Jerusalem ma ngole tüikya füichi-naolibu a azankya ma zi ang tomüi.

JEREMIA 9:21

Kem thangmikbu makhange mik max angkya hüile ilaxle kem wanghom homlobu to nople; ijae naosombu tingjang lomnu to asexle awütle ilaxle hat-sütnui to naocha-naosünbu langle.

TSAITONG-KAXTONG 28:32

Hünzome hule ngopongma wüi hünsu-hünsa hwom a mixnok chak to da ang koxle apaoüi. Nyixfokya to hünzome hünsu-hünsa hwom chat angkya to sung-zaole hungoüi, ikoxle hwom otuechu chichat toxüi.

TSAITONG-KAXTONG 28:18

“Jowanpae thuakzom koxle hünzom ang sixlibu wan müi ang müntomüi, saxziak müi ang müntomüi, ilaxle tsom-pom, maihu hia chunbu hidaole wüi koxüi.

EZEKEL 36:12

Kue Israel nok, hünzom ku khünakbu, ija haxtok ma ngo ang tamchatle apüiüi. Ija a hünzom haxtok ang changüi, ilaxle ikhama hünzom susa hwom tamchatle woknuak tilan ma ngo ang müntom.

ISAIA 9:12

Siria a handünchi ma Filistia a hannopchi male Israel nok jok angkya hanpakma hwom wikhabu akadaoa. Ibibile changkox ngaxchu Jowanpa mongtsik mabak; athaxchu sikangün angkya hanpakma chix chak a ajong lüwüi tüile.