JEREMIA 15:6 - OTSAO BAIBEL (BSI)

⁶ Hünzom khünaknue ku chilaxle awütpu; hünzome ku hato hünzom tok ahopu. Ikhoma kue ku chak thüipu ilaxle hünzom zutle akhünpu chemthüikoxle ku mongtsik adule ngo ang ku nale shu.

JEREMIA 15:6 ပူးပေါင်းရင်းမြစ်များ

JEREMIA 7:24

Ikoxlechu hwom ija kax ma chilax chichangba na thale chiapa. Itülüi, hwom mongkhüi hia ochax kün-mong ma chem mongkho dongpuix, ibibi ma hwome mokle hüipu. Ikhoma hwom fün süma-sümale male paopu.

ZEFANIA 1:4

“Jerusalem hia Judah angkya khünaknu pangwüi to kue sikangünüi. Ikha tokya Bal baozang to shwomkya olom oshuk kople kue amaüi, ilaxle ikhama zomzingle hüikya zompu-zangpabu owaechu texle münataküi.

ZEKARIA 7:11

“Ikoxlechu ku khünaknue ibu ku kax to kheba chithüi. Hwome hwom khangkabu zim

HOSIA 11:7

Hwome ku hato tok aho angkya wüi zong. Hwom khangkho ma dangzem khoma hwom akhongle sopüi, ikoxle hwom khangkho angkya ija owaechu nwonle chifaüi.

ISAIA 1:4

Ochax jat-li tamchu laxli chitüikya hia chichang-chizangkyabu, hünzom a müt-shua! Hünzom ochaxe hünzom bele jole! Hünzome hünzome Jowanpa, Israel nok otsao Zang pongle chikop ilaxle chix hato hünzome tok ahole changdaoa.

HOSIA 13:14

Amalum pan chak tokya kue ibu khünaknu kho münsün chichangba zikmüt-mangkho chak tokya hwom münazün. Apüihüi hünzom kaklakbue, zikmüt-mangkho a! Apüihüi hünzom thamae, amalumting a! Athax kue ibu khünaknu to chingchajajale münchang.

EZEKEL 25:7

Hünzome ija ile mokkya khoma, kue hünzom a, hünzom kux-ka tsuile pao angkya hia amale tox angkya mixnokbu chak to koxüi. Hünzom a komkaile amütüi, ilaxle otuechu onok-oza le münngo chichangba hünzom haxtok hünzom kux ang münchangtox. Ifüima hünzome ku a Jowanpa wüi changpule awan ang kopüi.”

JEREMIA 6:19

Apalax, Chaxwannu! Hwom mongjang mwot pangwüi ama angkya hanpakma kue ibu khünaknu hato thama apüiüi, chemthüikoxle hwome ku hwon-nwot pongle münkop ilaxle ku zangwünbu kax ma münlax.

JEREMIA 6:11

Jowanpa, hwom füikya nang mongtsike ku to ngaxchu zokle, ilaxle athaxpi kue ija kople thom ang müntho.” Ifüima Jowanpae ku ang thüi: “Ku mongtsik a tingjang lomnu tokya naosombu hia naocha-naosünbu asoxle ngokya ding to thokkox. Kakonu hia kakopabu a tswonle paoüi, azupi hia azupa hwom ngaxchu shanle müntox.

JEREMIA 2:17

Israel, nange alüile ija nang ding a nange apüilaxpu. Jowanpa, nang Zang ku nange awütle toxlaxpu, lomjang fole kue nang lom azüingale-a.

JEREMIA 1:16

Hwome ochax lyenle changkya khoma kue ku khünaknu to sikangünüi; hwome ku danle toxle, ilaxle mixnok baozangbu ang töbu koxle, tamchu hwom chapabu zingle ilaxle ibu to shwomle.

HOSIA 4:16

Israel khünakbu a mansabu lailaile mongwüi batuk le. Wundom to chun tuxkya ningle kue hwom chemle tuxthoüi?

EZEKEL 14:9

“Ajebu owawae othai kaxlan fa angkya dyenle jangchang, ija a Jowanpa, kue hwom dyenle thomkoxle changpu. Kue hwom a Israel nok tukha angkya atsai ang tomüi.

JEREMIA 20:9

Ikoxle chemtue kue “Kue Jowanpa alaküi ilaxle chix mün ma tam-münakaxüi”, le thüipuix, ipongma nang kaxho a wün lailaile ku mongkha to zule chuak. Kue ija ku mongkha to kople thom ang tsuakkya pongle azong, ikoxle kue kople thom ang chitho.

JEREMIA 8:5

Jangchangba, ku khünaknu, chemthüikoxle hünzom ku hato ojao tamchichatle tok ahole paopu? Hünzom a hünzom chapabu füi mongkün shingmongle chang ilaxle ku hato anongle münchatpule angam.

JEREMIA 2:19

Hünzom ochaxe hünzom towüi sikngün fa angkya changpu, ilaxle hünzome ku hato tok ahokyae hünzome wüi thajao kop angkya changpu. Jowanpa hünzom Zang ku awütle toxkya chemtukux khaxkya hex tamchu thaikya hex ija hünzome awanle laxüi, ilaxle hünzom mongong tüikya füi ku ma ngo ang chikople changüi. Ku, Jowanpa Khüthak Zang-e ija akaxdaoa.”

JEREMIA 2:13

chemthüikoxle ku khünakbu ochax oli anyi lyendaoa: hwome ku hato, tsaothakya tümik hato tok ahodaoa, ilaxle hwome titungbu thole changdaoa, ti kople thom ang chimüikya titungbu a.

ISAIA 28:13

Ikhoma Jowanpae hünzom hama kaxhua-kaxhuak ma, kaxzyen-kaxzyen ma, olom-olom ma anole kox ang azongpu. Ifüima hünzom a chitswon fo to asuale laxüi. Hünzom a thomzünüi, tsünle amanüi, ilaxle zanda ang kople paoüi.

ISAIA 31:3

Ijip nok a baozangbu chichang — hwom chuwüi khünak. Hwom manbu a zangkho tokya tsak-zong füi tüikya chichang. Chemtue Jowanpae moküihex, chongkya onok ngaxchu abünüi, ilaxle zong chitüikya onokbue fongkya chem angchu chichangüi. Okhi pangnyi wüi amütüi.

JEREMIA 6:12

Hwom hom-haxbu, hwom haxtok hia kakonubu chuwüi mix ang koxdaoüi. Ija haxtok angkya khünaknu to kue sikangün angkya changle.

JEREMIA 7:16

Jowanpae thüi: “Jeremia, khünak ibu hanpakma zangjople taxchang. Hwom mün ma taxsop tamchu zangjople taxchang; ku ma tsaiju-kaxjule taxchang, chemthüikoxle kue nang tsai nang kax to apaüi münchang.

JEREMIA 8:9

Hünzom jepabu a zak-kop ang tompu; hwom ang kho asamdaoa ilaxle tsün ma amandaoa. Hwome ku kaxbu chilaxle awüt; ikoxle athax hwom ma chemningkya je-hwon tüile ngo?

EZEKEL 35:3

Ku, Jowanpa Khüthak Zang-e akaxle ngokya kax ija khünaknu hama wünkox: “Ku a hünzom zanpa changle, Edom angkya haxnubu! Kue nang a khünak chingole awüt thomkya haxtok ang achangüi.

JEREMIA 13:14

Ifüima kue tipebu ningle kue hwom tata füi ahongle changüi, naosom hia mixmüi owachu süile müntox. Hwom mik amüt angkya ku chemningkya chingcha hia jajae chu abaxle tui ang müntho.”

JEREMIA 44:22

Anyixkha hünzom haxtok a pünle ama thomdaoa ilaxle ikhato owachu münngo. Jowanpae hünzom chichang-chizangkya hia ochax mwotbu füi adu ang chithokya tokhange, ija a mikngün zongma za-adünkya tuita ang changdaoa, ilaxle khünaknue ija mün a othuak-ozom lom ma lünle.