JEREMIA 15:3 - OTSAO BAIBEL (BSI)

³ Hwom to khompua-zadünkya thama oli ali ibibi chang angkya bama ku, Jowanpae mongzangwünle tsuakdaoa: hwom a zanhok ma langüi; hwom mangbu a hibue linle paoüi; osabue ibu saxüi, ilaxle ota danle toxkyabu a faomüibue jokle lingüi.

JEREMIA 15:3 ပူးပေါင်းရင်းမြစ်များ

TSAITONG-KAXTONG 28:26

Chemtue hünzom zile paoüihex, osabu hia faomüibu pangwüi nguilaxle hünzom mang saxüi ilaxle ibu to zuale apao angkya khünak tuita müntüiüi.

LIWI 26:22

Kue za-adünkya müima-nyaxshixbu hünzom hato ahüiüi, ilaxle ibue hünzom su-sabu langüi, hünzom tsom-pombu thomjoüi, ilaxle hünzom a hidaole wüi atale dantoxüi ikhoma hünzom lomtangbu a owachu chiahamle limüi.

LIWI 26:16

kue hünzom ang sikngün faüi. Kue hünzom hato thama apüiüi: tamchimüi angkya kaklakbu tamchu khamle kakkya makhange hünzom ang mik aduak angkya ilaxle hünzom ozün ma ngokya chem olüi chitüile chang angkya, ibu hüi ang tomüi. Hünzome tsax saiüi ikoxlechu ija ma hünzom ang olüi chemchu chitüile changüi, chemthüikoxle hünzom zanpabue hüilaxle hünzom tingtaküi ilaxle hünzome zaile alai thomkya sax hwome saxüi.

MIKNGÜN-OHÜN 6:8

Kue hukoxle huishokya man tuita tüikya. Ija mankho ma ngakya mix ang Omang le amün, üntoxle haolum a chix füito azui. Achax-azankya, otui-onuak, okak-olak üntoxle müima nyaxshix, ibu füi lang ang tomle, chaxwannu othom ali ma ahankya thom tuita thakma apün-ada angkya zong kox.

EZEKEL 14:21

Jowanpa Khüthak Zang-e akax ngokya kax a ija changle: “Kue khünak hia müibu mik tomwüi amüt ang, Jerusalem hato ku thama akhokya ali ahüiüi: ochax-ozan, otui-onuak, faomüi, ilaxle kaklak, ibu a.

LIWI 26:25

Ku füikya Tsaotsüt amakya khoma kue hünzom hato zan lailaxle hünzom to sikngün kox ang tomüi, ilaxle hünzom azangsele tingnubu ma süile jangchang, kue chimüitox angkya kaklak hünzom hato ahüiüi ilaxle ma chak ajongle hünzom a zanpabu chak to kox ang tomüi.

JEREMIA 7:33

Khünak mangbu a fao osabu hia faomüibu hanpakma osüt ang changüi, ilaxle hwom to hule khuakhom angkya mix tuita chitüiüi.

ISAIA 18:6

Hwom süpahibu mang a osa hia faomüibue sax ang kothofa to dantoxüi. Tsonue ibu füi osabu tuxüi ilaxle zangwa ma ibu füi faomüibu tuxüi.”

MÜNCHUAK-TSAI 68:23

ija a, hünzom hwom aji ma ashan angkya hanpakma, ilaxle hünzom hibue tsuakkya pongle naxchaikox.”

JEREMIA 12:9

Kue zünle kopkya khünaknu a osa tuita lailai olae shingpupule pangnuchi tokhange singlangle. Faomüibu sele asox kox ija müisüt ma wom ang!

JEREMIA 14:16

Khünaknu opang hama hwome ija zangwün wünle changdaopuix, hwom chuwüi talailaile mik max ang tomüi. Hwom tompobu a Jerusalem tingjang lomnu to tswonle awütüi, ilaxle hwom mangzu angkya khünak owachu chitüiüi. Ija a hwom pangwüi füi ile changüi: hwom kakonubu füichu, hwom sasün hia sacha hwom füi chuwüi. Kue hwom ang hwom chichangchizangle tüikya tsangthom ang tomüi.”

JEREMIA 16:4

Hwome khompua-zadünkya kaknu-laknu ma zile paoüi, ilaxle owaechu hwom mang münsop chichangba münakhün. Hwom mangbu a haxkha to haxzao thokle athünkya ningle thomüi. Hwom a zan ma maxüi chichangba woknuak ma maxüi, ilaxle hwom mangbu a osabu hia faomüibu süt ang changüi.

MANGSOP 3:11

Lomnutang to chixe ku achua, ku ashikle akhix, ilaxle danle tox.

EZEKEL 33:27

“Ku chemle khochisamle ozün ma ngokya Jowanpa Khüthak Zang hex, ija ningle pünle amadaokya tingnubu ma ngole tüikya khünakbu a khochisamle mik max ang tom angkya changpu lekya ku kaxkhün hwom ang fakox. Tingnu tokna to tüikyabu a faomüibue saxüi. Haxnukho hia longkunbu to azwonle ngokyabu a okak-olak ma ziüi.

AMOS 5:19

Ija a owawa mailang thoto paokya mixe chep apongle laxkya ningle changüi! Chichangba owawa hom to nguilaxle katuk ma achuakle changkya füi tomle pue tule laxkya ningle changüi!

TSAITONG-KAXTONG 32:24

Hwome a woknuak hia kak-lak ma ziüi; hwom a khomtsikya kak-lakbu chak ma ziüi. Kue faomüibu hwom zan to akatüi, ilaxle oje füikya pubu hwom to tu ang ahüiüi.

JEREMIA 14:12

Hwome chisax-chilingle atsaole zangjop koxle ngaxchu, hwome asun hüile sopkya zing to kue na müntha; ilaxle hwome ku ang zokle ashunkya to hia saxziak to, ibu koxle changkoxchu, ku ang hwom füi otuechu mong münmüi. Itülüi, kue zanhok ma tamchu woknuak hia kak-lak ma hwom mik max ang tomüi.”