JEREMIA 15:2 - OTSAO BAIBEL (BSI)

² Chemtue hwome nang ma hwom ochito paoüile atüipuix, ile akaxkya ku kax hwom hama wünkox: “Züizüi a okak-olak thama ma zile pao angkya chifün ma tüile: ikhoma hwom pao angkya wüi! Züizüi a zan ma max angkya thama ma tüile: ikhoma hwom pao angkya wüi! Züizüi a woknuak thama ma zi angkya wüi: ikhoma hwom pao angkya wüi! Züizüi a zanda ang kople paokya thama ma max angkya changle: ikhoma hwom pao angkya wüi!

JEREMIA 15:2 ပူးပေါင်းရင်းမြစ်များ

JEREMIA 43:11

Nebukadnezar nguiüi ilaxle Ijip nok to lütüi. Okak-olak ma maxse khünakbu okak-olak ma wüi maxüi, zanda ang kople paosesechu pangwüi zanda ang kople paoüi, ilaxle zan ma maxsese chuwüi zan ma maxüi.

ZEKARIA 11:9

Ifüima kue chunzyem füi akax: “Ku a athax pi hünzom nyetmix ang münchang. Opang zikshua hex naxzikox. Opang müt-shua hex naxmax kox. Ota toxkyabuechu tata lüile amütüi.”

MIKNGÜN-OHÜN 13:10

Koplaxle pao angkya le tüikyabu koplaxle pao angkya wüi changle; changlo füi langüi thüikyabu, changlo füi lang angkya jao changle. Ikhama Zang khünakbu hanpakma, adukya hia mongong tüi angkya lomle.

EZEKEL 5:2

Ija hwople koptsuakkya zuma thom tuita a tingnu ma zokle ashunlax. Othom tuita a hünzom tingnu toknakai to paopongma asexle awütlax. Othom tuita a zangwin to apikle awütkox, ilaxle kue ku changlo füi ija mantole changüi.

EZEKEL 5:12

Hünzom khünaknu süitex süifi a tingnu mong ma okak-olak hia woknuak ma zi ang tomüi; süitex süifi a tingnu toknakai to changlo füi hütle langüi; ilaxle süitex süifi a zangwin to chiakle apiküi ilaxle changlo füi kue ibu achuaüi.

JEREMIA 14:12

Hwome chisax-chilingle atsaole zangjop koxle ngaxchu, hwome asun hüile sopkya zing to kue na müntha; ilaxle hwome ku ang zokle ashunkya to hia saxziak to, ibu koxle changkoxchu, ku ang hwom füi otuechu mong münmüi. Itülüi, kue zanhok ma tamchu woknuak hia kak-lak ma hwom mik max ang tomüi.”

ISAIA 24:18

Thama chak tokya azangle pao ang azongkya pangwüi tswomkha ma dütüi, ilaxle tswomkha chak tokya owa azangle paolaxpuix, ibu pangwüi tai ma amanüi. Ojao chithwonkya zangwat watnu zangdingkho tokya thokle adütüi, ilaxle chaxwannu nui-ting aloxle changüi.

AMOS 5:19

Ija a owawa mailang thoto paokya mixe chep apongle laxkya ningle changüi! Chichangba owawa hom to nguilaxle katuk ma achuakle changkya füi tomle pue tule laxkya ningle changüi!

DANEL 9:12

Nange kwom ilaxle kwom lompabu to chemle mok angkya hex-ole akax daopuix ityatyale mokpu. Nange Jerusalem to chaxwannu nok angkya mama tingnu to nüile sikangünpu,

EZEKEL 14:21

Jowanpa Khüthak Zang-e akax ngokya kax a ija changle: “Kue khünak hia müibu mik tomwüi amüt ang, Jerusalem hato ku thama akhokya ali ahüiüi: ochax-ozan, otui-onuak, faomüi, ilaxle kaklak, ibu a.

JEREMIA 14:16

Khünaknu opang hama hwome ija zangwün wünle changdaopuix, hwom chuwüi talailaile mik max ang tomüi. Hwom tompobu a Jerusalem tingjang lomnu to tswonle awütüi, ilaxle hwom mangzu angkya khünak owachu chitüiüi. Ija a hwom pangwüi füi ile changüi: hwom kakonubu füichu, hwom sasün hia sacha hwom füi chuwüi. Kue hwom ang hwom chichangchizangle tüikya tsangthom ang tomüi.”

JEREMIA 16:4

Hwome khompua-zadünkya kaknu-laknu ma zile paoüi, ilaxle owaechu hwom mang münsop chichangba münakhün. Hwom mangbu a haxkha to haxzao thokle athünkya ningle thomüi. Hwom a zan ma maxüi chichangba woknuak ma maxüi, ilaxle hwom mangbu a osabu hia faomüibu süt ang changüi.

JEREMIA 19:7

Ija onui ma kue Judah hia Jerusalem angkya khünaknue zingkya mwottho pangwüi olom tün ang tomüi. Kue hwom zanpabu ang hwom to anao ang tomüi ilaxle zanhok ma hwom mik-amüt ang tomüi. Kue hwom mangbu a osa hia faomüibu ang sax ang tomüi.

EZEKEL 12:11

Nange chem mokpuix ija a hwom hato chempang changle hüi angkya hex ibu hanpak changle le thüikox: hwom a pünpaobu tamchu zandabu ang changüi.

EZEKEL 33:27

“Ku chemle khochisamle ozün ma ngokya Jowanpa Khüthak Zang hex, ija ningle pünle amadaokya tingnubu ma ngole tüikya khünakbu a khochisamle mik max ang tom angkya changpu lekya ku kaxkhün hwom ang fakox. Tingnu tokna to tüikyabu a faomüibue saxüi. Haxnukho hia longkunbu to azwonle ngokyabu a okak-olak ma ziüi.

ISAIA 10:4

Hünzom a zanhok ma lang ang tomüi chichangba zandabu ang linle pao ang tomüi. Ile changkox-ngaxchu Jowanpa mongtsik a münbaktox; sikngün fa angkya hanpakma chix chak a ajong lüwüi ngoüi.