JEREMIA 15:19 - OTSAO BAIBEL (BSI)

¹⁹ Ija to Jowanpae ile lan: “Nang mongchatle jangchang kue pongle kopüi, ilaxle nang a tamchatle ku dapa ang ngoüi. Nange ongat zang wünle chingo homtoxle laxli kaxho apukle jangchang, nang a tamchatle ku ajepa ang ngoüi. Khünaknu nang hato tamchatüi, nang mix hwom hato paongo angkya mwot müntüi.

JEREMIA 15:19 ပူးပေါင်းရင်းမြစ်များ

ZEKARIA 3:7

“Nange ku wanlombu kax ma laxle kue nang ang koxkya mwotkat müile mokle jangchang thüiningle, kue nang a ku Zangshwom-Hom hia ija khwa to hume angkya mix ang achangle ngo ang tomüi. Chemle kue ku zui ma ngokya kaxtaimixbu zangjop atatle changpuix ija lailaile kue nang zangjopbu chu atatüi.

KAXHO MÜIKYA LUK 21:15

Chemthüikoxle hünzom zanbu owaechu hünzom füi apan ang chitho angkya hia lan ang chitsuak angkya kax üntoxle je-hwon kue hünzom ang koxüi.

LIWI 10:10

Hünzome zom tuina hia mama zangjang mwot-kat tamchu zanglom zom ma chitsaokya hia tsaokya oba ajatle awan thom angkya oli changpu.

EZEKEL 44:23

“Nguapabu a ku khünaknu hama chitsaokya hia tsaokya tamchu zanglom ma chitsaokya hia tsaokya chemle mali-mali ija anwot-anole kox angkya changpu.

EZEKEL 22:26

Nguapabue ku wanlom pünle ama ilaxle otsaole thüikya to chathua zakya ojao chitüi. Hwome chitsaokya hia tsaokya nyi ojao münsüi. Hwome chitsaokya hia tsaokya oli süile chiano, ilaxle hwome Sabath nyix wünhaile. Ikhokhoma Israel khünaknue ku chathua zakya müntüi.

JUD LAIZA 1:24

Owae hünzom düt ang thüikya kople thom ang tho, tamchu thaikya chemchu chitüile üntoxle mongmüi pwonla le, fuazangkya chix ngwotnui to hünzom apüi ang tho, chix ang,

GALATIA 1:10

Khünaknue ku wüi changkoxa naxthüile akax ngopuixle apaünpia? Ile otuechu münchang! Kue, Zange sule le thüi angkya lomwüi! Ku khünaknue zaole naxwün le azong ngole le hia? Athaxchu wüi kue ile azong ngo angkya thatha jangchang thüikoxle, ku Khrista da ang münachang ngose.

IBRI 5:14

Sützan a mokkya mwot makhange, chisukya hia sukya ba süi ang tsuak le tüikya mixmüibu hanpak changle.

WANGSHEMBU MWOT 20:27

Chemthüikoxle kue Zang tutex pangnu hünzom hama chingai homle chitox.

KAXHO MÜIKYA LUK 10:16

Jisu-e chix wangshembu ang thüi: “Owae hünzom kax apapuix hwome ku kax apapu; ilaxle opange hünzom pongle chikop puix hwome ku pongle chikoppu; üntoxle owae ku pongle chikop laxpuix, chixe ku tsankya mix pongle chikopkya changpu.”

JEREMIA 15:1

Ifüima Jowanpae ku füi akax: “Mosa hia Samuel hwom ikhama ku ma tsaiju-kaxjule ajongle tüikoxchu, kue ibu khünaknu to chingcha ojao münaho. Hwome pao ang tomkox; hwom ku miktho angkya apaokox.

LAIPAO 4:12

Athax paolax! Zangwün angkya kue nang to asunüi ilaxle chem akaxüi hex ija kue apuale faüi.”

EZEKEL 2:7

Kue nang hama chem akaxpuix, nange ibu hwom hama wün angkya changle; hwome chiapakya hia apakya ma chem müntüi. Hwom a chemningle alün-aloxle tüikya khünakbu hex texle ataklax.

KAXHO MÜIKYA LUK 12:12

Chemthüikoxle ipongkhae wüi hünzome chemle akaxüi hex Otsao Chasae hünzom hama apuale faüi.”

KAXHO MÜIKYA LUK 1:19

Kaxtaimixe lan: “Ku a Gabriel changpu; ija kaxho apuale nang füi akax ang tsankya Zang pomtho ma ku ajongpu.

JEREMIA 20:9

Ikoxle chemtue kue “Kue Jowanpa alaküi ilaxle chix mün ma tam-münakaxüi”, le thüipuix, ipongma nang kaxho a wün lailaile ku mongkha to zule chuak. Kue ija ku mongkha to kople thom ang tsuakkya pongle azong, ikoxle kue kople thom ang chitho.

GALATIA 2:5

Hwome kwom da ang achangse tsu, ikoxlechu Kaxho Müikya Otsingtsing hünzom hanpakma sünle thom angkya bama, hwom zangwün to na ojao chitha.

KAXHO MÜIKYA LUK 21:36

Ibu pangnu zia akaile letsuak angkya üntoxle Khünak Hosa chitong ma ajong angkya hanpakma, hünzome othuithuima hule ngolax ilaxle mik-hingle zangjoplax.”

WANWÜNKAX 22:29

Owawa mwot müile mokle alaikya mix ku hama ahohüi, kue chix wanghom pomtho ma ajong ang.

1 WANGHOMBU 17:1

Gilid angkya Tishbe makhange ajepa Elija-e wanghompa Ahap ang thüi: “Ozün ma tüikya Jowanpa, Israel nok Zang, kue owa thothale ngopuix, chix mün ma kue nang füi akaxpu, kue tamchatle ile chang koxle mathüi tanto hüile ngokya zanglao anyi-azom bama nyen dütkya hia zangwatkya müntüiüi.”

2 KORIN 5:16

Idaile athax kwome otuechu khünak chifün to hulaxle owa angchu tsaifün kaxfün münfa. Hanpak tuita ma kwome Khrista bama khünak chifün tokhange tsaifün kaxfün le changdao bachu, kwome athax ile otuechu münmok.

JONA 3:2

Chixe thüi: “Ija chongkya Tingnu Ninewi to paokox ilaxle kue nang ang fadaokya kaxho ikhato apuk-kox.”

JEREMIA 4:1

Jowanpae thüi: “Israel khünaknu, hünzom mong chat-se jangtsu, ku hato chat-hüi. Hünzome ku to mongong thom ilaxle kue tsakkya chapabu awütle jangchang,

JEREMIA 6:29

Wün haxkhi-zangsumle tak, ikoxlechu jandixbu a chule chipao. Ku khünaknu achukle zing ang azong ngokya ma chem olüi müntüi, chemthüikoxle opang ochax-hex ibu a süile chiawüt.

JEREMIA 35:19

Ikhoma Jowanpa, Israel nok Khüthak Zang, kue thüipu, Rekab sasün Jonadab ang ku thotha manzai angkya hanpakma lüka süntswon tüile changüi.”

MANGSOP 1:11

She khünaknue hidaole ngaxchu sax angkya süt tüichale lom pongma awao; Hwom ozün ma thom angkya kux male hwome ma tuinabu osüt-oling füi alüix. Tingnu akhong: “Jowanpae ku max-samle ngokya chifün to huhüi.”

LIWI 14:57

ibu pangnu khoma chemtue chitsaokya ang changpuix ilaxle chemtue tsaothakya ang changpuix, ija bama wanlom ibu füitix tsuaküi.

JEREMIA 1:9

Ifüima Jowanpae chix chak thüi: ku tun to lyet, ilaxle ku füi akax: “Apakoplax, kue nang ang nange chithaile akax angkya kax koxpu.