JEREMIA 15:10 - OTSAO BAIBEL (BSI)

¹⁰ Ku a chemtukux mongmüi chitüikya khünak tuita hex! Anue ku chemkhoma ija chaxwannu to ngui ang tompuix? Haxtok angkya khünak pangwüi füi ku ahe-atsi ilaxle kax ma ala. Kue ngun-syen owa angchu chikox chichangba owa angkya kue chilax; ikoxlechu noknusae ku to thuakzom.

JEREMIA 15:10 ပူးပေါင်းရင်းမြစ်များ

KAXHO MÜIKYA LUK 6:22

“Otue Khünak Hosa khoma khünake hünzom thua anuüihex, chilaxle awütüihex, adaüihex, kaxma lili akaxüihex! izuma hünzom mohiman.

LAIPAO 22:25

“Hünzome ku khünak owawa chitüi-chinang mix ang thashe ma ngun koxle jangchang, otuechu ngun-thalex mixbu ningle taxchang üntoxle hwom ma olüi taxlom.

KAXHO MÜIKYA LUK 2:34

Simeon-e hwom to mohiman ilaxle honu Meri ang thüi: “Ija naosa a, ama angkya bama üntoxle Israel khünaknu huanuma khosün angkya hanpakma Zange kamdaoa. Khünaknue owa mo amale wünüi hex ilaxle owae hwom huxsa mongtex angaile kox üihex,

MATHI 24:9

“Ifüima khünaknue hünzom kopüi, ilaxle sikangün ang hia lang ang tomüi. Ku mün khoma hexle khünaknue hünzom thua anuüi.

MATHI 5:44

Ikoxle kue hünzom ang thüipu: Ma zan to mongkün kox ilaxlechu ma zongto chichangle tüikya bama zangjopkox.

JEREMIA 15:20

Hwom hanpakmale kue nang a khop füi zingkya katuk tuita ningle shingmongle zingüi. Hwome nang zongto tüiüi, ikoxlechu hwome nang to münlüt. Nang khangkho sünle thom angkya hanpakma ku a nang füi womle tüiüi.

WANWÜNKAX 26:2

Othuak-ozome nang to, nang hato ija nguikoxle asule chichang thüiningle chem münthüi. Ibu a pile ahamkya zangzung chikoxkya osabu ningle changpu.

MÜNCHUAK-TSAI 109:28

Hwome ku to thuakzomle chang koxlax, ikoxlechu ku to nange mohimanle changüi.

MÜNCHUAK-TSAI 15:5

Hwome olüi chilom homle thashe koxle üntoxle chemngax chitikkyabu füi apüile tüikyabu sule le aho ang zuizun kox ang müntho. Owapange iningkya mwot moklaxüihex othuithuima kho azangle ngoüi.

1 WANGHOMBU 22:8

Ahap-e lan: “Chatle chu ajepa tuita, Imlah sasün Mikaiah tüile. Ikoxlechu kue chix thua anule, chemthüikoxle chixe ku hanpakma chemtuechu müikya kaxho münfa. Chixe hokya jekax a pangwüi amama wüi changle.” Jehusafat-e thüi: “Nange ile taxthüi.”

1 WANGHOMBU 21:20

Chemtue Ahap-e Elija ngünle laxpuix, chixe thüi: “Nang a ku zanpa changle. Nange ku ngünle laxdaopuix nyi?” Elija-e lan: “Changle, kue nang ngünle laxdaoa, Jowanpa miksho ma komkaile thaikya mwotlom to nange mongkoxle changdaoa.

LIWI 25:36

Chix ma olüi chemchu taxlom, ikoxle Zang kax ma laxlax üntoxle nang zuipa Israel khünak tuita nang homzui ma wüi ngo ang laxkox.

WANGSHEMBU MWOT 28:22

Ikoxlechu nang tutex kwome nang makhange atatle laxse tsupu, chemthüikoxle nang hakkya othom mo pangnu khato wüi omale wünkya kwome awanle ngole.”

LIWI 25:37

Nange chix ang koxkya ngun ma olüi taxju, ilaxle nange chix ang hangkya osüt-oling machu nange olap taxlax.

MÜNCHUAK-TSAI 69:4

Opange amuamuale ku to tsak-khule ngolaxpuix hwom a ku khangmun füi ngaxchu lüile tüile. Ku zanpabue ku bama khualople zangwünle; hwom ma tsak-zong tüile ilaxle hwome ku mik-amüt-sele tsule. Kue chiahuxkya tuina hwome ku ma tsangle.

HABAKUK 1:3

Nange ku ang iningkya sikngün büthüikoxle ngün ang tompu? Nange iningle achaxle mokkya to hu ang chemle ajongtho angkya? Thama hia changnong-pünthom ku akhople tüile, ilaxle pangnu khato achax-azankya hia ahe-atsikya tüingole.