JEREMIA 15:1 - OTSAO BAIBEL (BSI)

¹ Ifüima Jowanpae ku füi akax: “Mosa hia Samuel hwom ikhama ku ma tsaiju-kaxjule ajongle tüikoxchu, kue ibu khünaknu to chingcha ojao münaho. Hwome pao ang tomkox; hwom ku miktho angkya apaokox.

JEREMIA 15:1 ပူးပေါင်းရင်းမြစ်များ

EZEKEL 14:14

Ibu mixsün azom, Noa, Danel, üntoxle Job, hwom a ikhato ngole tüikya. Hwome müile tüikyae hwom tsün tata khosünle changüi.” Jowanpa Khüthak Zang-e ija akaxdaoa.

JEREMIA 14:11

Jowanpae ku ang thüi: “Ibu khünaknu to fongle fahüile ku ma taxtik.

JEREMIA 11:14

Jeremia, ibu khünaknu hanpakma ku to jop-tole taxchangzi. Chemtue hwom thama ma tüiüihex ilaxle hwom to fong angkya bama ku nyakle changüihex, kue hwom kax to ojao na münthapu.”

MÜNCHUAK-TSAI 106:23

Chemtue Zang-e chix khünaknu amütüile thüipuix, ipongma chixe zünle kopkya Mosa Zang füi apüile ajong ilaxle hwom olithule amase chix mongtsik abaxle achat.

MÜNCHUAK-TSAI 99:6

Mosa hia Arun nyi a chix zompu-zangpa changkya, ilaxle Samuel a tuita chix to jopkya mix changkya; hwome Jowanpa to nyak ilaxle chixe hwom kax to lan.

1 SAMUEL 12:23

Ilaxle ku bama, hünzom hanpakma chatchatnaole zangjople ochax chilyen angkya Jowanpae abaxle. Itülüi kue oja changpuix ilaxle hünzome mok angkya oja supuix ijatix anwot-anole koxüi.

2 WANGHOMBU 17:20

Jowanpae Israel nok pangwüi chilaxle awüt, ilaxle chix miksho angkya hwom akiakya mixhuak komkaile ma-amüt ma-amütle tüle shixkya hwom zanpabu chak to kox.

1 SAMUEL 7:9

Samuel-e chun hosa tuita lang ilaxle otom makhange zokle ashunle Jowanpa ang tö kox. Ifüima chixe Israel nok to mohimankox-ole Jowanpa to zangjop. Jowanpae chix zangjop to lan.

JEREMIA 52:3

Jerusalem hia Judah angkya khünaknu füi Jowanpa ang huanuma mongma ilaxle chixe hwom a chix mikngün ma ngokya sam ang tom. Zedekiah-e Babilon nok wanghompa Nebukadnezar füi alünle ajong,

JEREMIA 23:39

kue tütalax lechu hwom tswonüi ilaxle ku füi atsaile ochu to tswonle awütüi, ima hwom hia hwom tingnu, oja kue hwom ang tamchu hwom pupa hwom ang koxdaopuix, ija chuwüi womüi.

JEREMIA 18:20

Ku müikya khoma kue kop angkya a ochax hi? Ikoxle hwome ku adüt angkya tswomkha thodaoa. Ku nang hato nguilaxle hwom khose ang kue chemle akaxkya dai ija texle atak-hüi, ikoxle tix nange hwom to mongtsiktsik ma laxle münmoküi.

JEREMIA 15:19

Ija to Jowanpae ile lan: “Nang mongchatle jangchang kue pongle kopüi, ilaxle nang a tamchatle ku dapa ang ngoüi. Nange ongat zang wünle chingo homtoxle laxli kaxho apukle jangchang, nang a tamchatle ku ajepa ang ngoüi. Khünaknu nang hato tamchatüi, nang mix hwom hato paongo angkya mwot müntüi.

WANWÜNKAX 14:35

Je-hwon füi sax-mokkya alixachong hwom füi wanghompa ang mongzom müile, ikoxle ibu mok ang chithokyabu to chixe sikangünle.

IBRI 9:24

Chemthüikoxle, Khrista a, tuita otsingtsing tüikya opyen zinglaxle khünak chak makhange zingkya Otsao Nui to paokya chichang. Chix zangkangting jao to dong, ojong khato athax chix kem khülüix ma Zang füi womle tüilaxpuix.

JEREMIA 35:19

Ikhoma Jowanpa, Israel nok Khüthak Zang, kue thüipu, Rekab sasün Jonadab ang ku thotha manzai angkya hanpakma lüka süntswon tüile changüi.”

KAXFÜNPA-HWOM 5:9

Ku künmong a Israel nok lompa füi towüi, mongtsutsule azan ang laikya khünaknu füia. Jowanpa achuak kox!

PONGWANG LAIPEX 19:27

Ofüinop swomsae Abraham, Jowanpa hokhi ajongle ngokya haxkho alop ang zikle pao.

ZEKARIA 3:3

Jihusua a nyitsyen tuita awunlaxle ikhama ajongle tüikya.

TSAITONG-KAXTONG 9:26

Ilaxle kue zangjop, ‘Jowanpa Khüthak Zang, nang tsak-zong chongkya füi azün laxle Ijip nok tokya danle apüikya nang khünaknu max ang taxtom.

1 SAMUEL 12:19

ilaxle hwome Samuel ang thüi: “Alixachong, chingchajaja laxle kwom chizi angkya hanpak bama Jowanpa to zangjople changkox. Mama-mama ochax bomachu wanghom jukya ma kwom huanuma thaidaoale kwome awan ang kople.”

JEREMIA 9:19

Zaion ma sople akhongkyabu zing apalax: “Kem a amütdaoa! Kem ang komkaile zak akopdaoa! Keme kem haxtok dantox angkya wüi; kem hom-ham bakle atsundaoa.”

JEREMIA 10:18

Ija haxtok angkya hünzom a Jowanpae tswonle awüt angkya changle; hünzom tuita ota chitoxle machang machangle chixe hünzom olithu angkya changle. Jowanpa ija akaxdaoa.

JEREMIA 16:5

“Mangsople ngokya homkha to nang münnop angkya oli. Owa hanpakma chu nang taxsop. Kue chemtue ku khünaknu to mongsom füi mohimanle münchang chichangba mongkün hia chingcha ahole münchang.

JEREMIA 16:13

Ikhokhoma, kue hünzom a, hünzomechu chichangba hünpu hünpa hwomechu tümatsingkya haxtok to tswonle awütüi. Ilaxle ikhato zangnak zangngaile hünzome mama baozangbu thotha-manzaile ngoüi, ilaxle kue hünzom hato chingcha ahoüi münchang.’”

JEREMIA 22:28

Kue thüipu: “Wanghompa Jehoiakin a tuita ashix daokya tamchu owaechu chilaxle awüt daokya tikkux tuita ningle changdao pia? Ija khokho ma chix tamchu chixsu chixsa hwom pangwüi hwome awanle chingokya haxtok to zanda ang pao pia?”

EZEKEL 22:30

Long katuk tuita zingle tsuak angkya mix, khünak owae katuk atsunkya longbu athün thomkya khama ajong ilaxle ku mongtsike ibu amüt ang thüipongma ija kho awale tsuak angkya khünak to kue hule ngo, ikoxle kue tuita ngaxchu chiatak.

JEREMIA 14:12

Hwome chisax-chilingle atsaole zangjop koxle ngaxchu, hwome asun hüile sopkya zing to kue na müntha; ilaxle hwome ku ang zokle ashunkya to hia saxziak to, ibu koxle changkoxchu, ku ang hwom füi otuechu mong münmüi. Itülüi, kue zanhok ma tamchu woknuak hia kak-lak ma hwom mik max ang tomüi.”

HOSIA 9:15

Jowanpae thüi: “Hwom ochax mwot pangwüi Gilgal ma owang wangle. Kue hwom to miktsak owang wangkya ikhama changpu. Ilaxle hwome mokdaokya ochax mwot khoma, ija haxtok angkya kue hwom jwonle apaoüi. Kue athax otuechu hwom to mongkünle münchang; hwom lompabu pangwüi ku zongto zan ang achangdaoa.