JEREMIA 14:9 - OTSAO BAIBEL (BSI)

⁹ Nang a owawa chabüt-lasün ang tomkya ningle büthüikoxle chang, asunle fa ang chithole süpahi tuita zongsho maxkya ningle hi? Otsing tomtata ma, Jowanpa, nang a kwom füi tüile! Kwom a nang khünaknu changle; kwom danle sütaxtox.”

JEREMIA 14:9 ပူးပေါင်းရင်းမြစ်များ

ISAIA 63:19

Nang ang kwom lompa ang tam chichangkya tukuxle nange kwom to mok, kwom a otuechu nang khünaknu chichang toxkya ningle hwon.

ISAIA 59:1

Jowanpa a hünzom khosün ang onüi shonaile chichangba hünzom fonghüile nyakkya ozing atat ang chithole nabale le taxthüt!

JEREMIA 15:16

Nange ku füi zangwünpu, ilaxle kue kaxfa tuita chialyetle apapu. Jowanpa Khüthak Zang, ku a nang kux changle, ikhoma nang zangwünbue mongmüi-pwonla tungle ku mongkha awangle.

MÜNCHUAK-TSAI 46:5

Zang a ija tingnu ma tüile, ilaxle ija a otuechu münmaüi; huazungle zangngai sheme wüi ija to asun ang chix nguiüi.

HUAKE LAIPEX 11:23

Jowanpae lan: “Kutsak-kuzong ma thathüt tüipia? Kue akaxkya kax chichang hia changpuix nange lebama wüi lop ang kopüi!”

IBRI 13:5

Ngun to kün-luakya füi hünzom atsaile ngolax, üntoxle hünzom ma ma tüikya füi mongzom müile ngolax, chemthüikoxle Zange thüile: “Kue nang otuechu danle müntox; kue otuechu nang awütle müntox.”

2 KORIN 6:16

Zang shwomkya hom hia chapabu tuita ang chemle achang thoüi? Kem a ozün ma ngokya Zang Zangshwom-Hom changle! Zang chixe alüile akaxle, “Ku khünaknu füi kue ku hom zingüi, üntoxle ku hwom khato ngoüi; Ku a hwom Zang ang achangüi, hwom a ku khünaknu ang achangüi.”

MIKNGÜN-OHÜN 21:3

Chongwang tüntong makhange akhongle akaxkya kaxzing tuita kue ile atat, “Zang hom a athaxpi, khünaknüsa füi tüiüna! Chix hwom füi tomle ngoüi; hwom chix khünaknu ang achangüi. Zang jaojao hwom füi tüiüi; chix a hwom Zang ang changüi.

ZEKARIA 2:5

Jowanpa chixjao ija tingnu zongto wün katuk ang changüi ilaxle chix fuazangkya füi ikhama ngo angkya changle.”

JEREMIA 8:19

Apalax! Haxtok pangkha towüi Ile ku khünaknu akhongkya kue atatle, “Zaion ma Jowanpa münngo hia? Zaion nok wanghompa ima müntüi hia?” Jowanpa, hwom wanghompa-e lan, “Hünzome ma chapabu to shwomlaxle tamchu laxli chitüikya mixnok baozangbu tong to akhuxlaxle ku ang mong büthüikoxle amapu?”

ISAIA 51:9

Zolax, Jowanpa, ilaxle kwom to asunlax! Nang tsak-zong twonlax ilaxle kwom khosünlax; kaitanto twonkya ningle nange ija twonlax. Tinu baozang Rahap hütle akhixle langkya a nang changkya

ISAIA 12:6

Zaion ma ngole tüikya pangnusa akhong kox üntoxle tsai ngaokox! Israel nok otsao Zang a chongkya changle, ilaxle chix a chix khünaknu füi ngole.”

MÜNCHUAK-TSAI 27:9

Ku thoto nang taxkhün! Nang ang ku füi mongtsikkya taxtüi; nang dapa ku anongle chat ang taxtom. Ku to nange fongle hüipu; ku danle taxtox, ku awütle taxtox, O Zang, ku khosünpa.

1 SAMUEL 12:22

Jowanpae hünzom a chix khünaknu ang achang angkya tsaosaxdaoa, üntoxle mongzangwünle tsuakdaoa.

TSAITONG-KAXTONG 23:14

Hünzom pom a zanglom ma tsaothale thomlax, chemthüikoxle Jowanpa hünzom Zang a hünzom füi tomle pom ma, hünzom kho awa ang tamchu zan-nok to hünzome wüi anao ang tom angkya hanpakma hünzom füi womle tüile. Jowanpae hünzom hato tok ahole anong paokya li chisax-chisukya mwot chemchu taxmok.

WANGSHEMBU MWOT 15:17

Mama khünak noke Jowanpa lomüi, ku hanpak ang nyakkya, mixnokbu pange wüi.

EZEKEL 48:35

Katuk pangwüi athüt koxle fak 10, 080 pongle changle. Athax makhange ija tingnu mün a “Jowanpa a Ikhama Tüile!”, le changüi.

HABAKUK 1:2

O Jowanpa, nange atatüi thoma tamchu mix changnong-pünthom chak tokya kwom azünüi thoma, kue chemtukuxle fong angkya hanpakma nang se-lomle chang angkya?

TSAITONG-KAXTONG 28:10

Ifüima chaxwantok angkya khünaknue hünzom a, Jowanpae chix khünaknu ang lax ang zünle kopdaokyabu changle le ngün ang kopüi ilaxle hwom a hünzom thua zaüi.

2 PUKAX-PANGAO 7:14

ipongma ku khünaknue künlop-monglüi füi ku to zangjople jangchang, ilaxle hwome mokle ngokya ochax mwotbu hato tok ahole jangchang, ipongma kue zangkangting tokhange hwom zangjop atatüi ilaxle hwom thaikyabu alaküi ifüima hwom haxtok a tamchatle ahak-aluale chang ang tomüi.

MÜNCHUAK-TSAI 10:1

O Jowanpa nang büthüikoxle ochu to ngopu? Kwome sikngün apong pongma nange nang thün büthüikoxle khompu?

ISAIA 43:7

Hwom a ku khünakbu changpu, ilaxle kue hwom a ku hato fuazangkya nax-apüi lele zingle alaikya changpu.”

JEREMIA 51:5

Israel nok Otsaopa, Jowanpa Khüthak Zang ku zongto ochax lyenle changdao koxchu kue Israel hia Judah a owüiole awütle chitox.

MANGSOP 5:20

Nange kwom ipong okuilole chemkhoma awütle thom? Nange kwom chatle texle münatat puixnyi?

ZEKARIA 8:3

Ku a Jerusalem, ku otsao tingnu to chatüi, ilaxle ikhama ngoüi. Ija tingnu a tuita mongong tüikya tingnu changpule fuale wünüi, ilaxle Jowanpa Khüthak Zang haxnuang otsao haxnu le nyaküi.